Nọmbas 2 - Edo Bible (E Baibol Ẹdo) Version 1996

Vbene A Mwamwa Dọmwadẹ Ẹwae Ye Agọ Hẹ

¹ E Nọyaẹnmwa keghi ru igiodẹ na ma e Mosis kevbe Errọn wẹẹ,

² “Ivbi Izrẹl gha bu agọ, dọmwadẹ ọghe ọe ghi gha mwẹ asa ọghe oka iran kevbe afiala ọghe ẹwae ẹre. A ghi bu agọ nii wa lẹga Owa Ukpọn Ile.

^3-9 “Vbe ọlarre ovẹn vbọ, iran ni rre oka ọghe Juda vbọ ghi bu agọ vbe otu otu, vbe ototọ avbe olotu iran vbenian.” Ẹwae Olotu Inu ẹvbo ni rrọọ E Juda Nasiọn ne ovbi Aminadab Uri eha yan ovbi arriaisẹn enẹ yan ekigbesiyenẹ (74,600) Isaaka Netanẹl ne ovbi Zua Uri eva yan arriaisẹn enẹ yan ekigbe siyeha (54,400) E Zebulọn Eliab ovbi Hẹlọn ne eva yan arriaisẹn eha irrọ vbe iyeha (57,400) Ehia kegha re uri eva yan arriaisẹn iwenẹ irrọ vbe uri (186,400) Ọka ọghe Juda ọre ọ gha ke odaro.

Ẹwae Olotu Inu ẹvbo ni rrọọ

^10-16 “Vbe odẹ ekẹn vbọ iran ni rre ototọ asa ọghe oka Riubẹn ghi mu agọ ọghe iran otuotu vbe ototọ olotu iran vbenian: Ẹwae Olotu Inu emwa ni rrọọ E Riubẹn Elizọ ne ovbi e Siediọ Iyisẹn isẹn yan arriaisẹn E Simiọn e Sielumiẹl ne ovbi Zurisiadai Iyisẹn yan uri vbe arriaisẹn ọkpa irrọvbe iyeha (59,300) E Gad Eliasaf ne ovbi e Deuẹl Ekigbesiyeha yan uri eha vbe arriaisẹn isẹn yan iyeva (45,650) Ehia ke do gha re ekigbesiyeha yan uri eva yan arriaisẹn owọrọ yan ikiọkhọe (151,450) Ọka ọghe Riubẹn ọ re otu ne ogieva ni gha si okhian.

Ẹwae Olotu Inu emwa ni rrọọ

¹⁷ “Ivbi e Livai gha si okhian, iran ghi gha rre ẹkpo oka eva ni ke odieke, iran ghi mu Owa Ukpọn Ile mwẹ. Zẹ vbene a ya bu agọ ọre dọmwadẹ oka gha vbe ya gha khian, dọmwadẹ ọghe ọe vbe ihe ọghe ọe vbe ototọ ọkaolotu ẹre ke asa iran.

^18-24 “Iran ni rre ototọ asa oka ọghe Ifreim ghi ya otuotu bu agọ iran ye asefẹn orrie vbọ vbe ototọ ọkaolotu iran vbe nian. Ẹwae Olotu Inu emwa ni rrọọ Ifreim Eliasiama ne ovbi Amihud Iyisẹn isẹn yan arriaisẹn iyeva (40,500) E Manasẹ e Gamaliẹl ne ovbi e Pẹdazọ Uri vbe arriaisẹn eva yan ọgban (32,200) E Bẹnjamin Abidan ne ovbi e Gidiọn Uri eva yan arriaisẹn isẹn yan ọgban: (35,400) Ehia kegha re iyisẹn vbe arriaisẹn erẹnrẹn yan iyisẹn (108,100) Ọka ọghe Ifreim ghi gha re ukpogieha ne ọ gha si okhian.

Ẹwae Olotu Inu emwa ni rrọọ

^25-31 “Iran ni rre oka asa ọghe Dan ghi bu agọ ye odẹ okuọ vbe otuotu vbe ototọ olotu iran vbenian: Ẹwae Olotu Inu emwa ni rrọọ E Dan Ahieza ne ovbi Amisiadai Iyisẹn yan uri eha vbe arriaisẹn eva yan iyeha (62,700) Asia e Pagiẹl ne ovbi Okran Iyisẹn yan uri eva vbe arriaisẹn ọkpa yan iyeva (41,500) E Naftali Ahira ne ovbi Enan Uri eva vbe arriaisẹn eha yan ekigbesiyeha (53,400) Ehia kegha re uri eha yan arriaisẹn eha irrọ vbugie yan ikiọkhọe (157,600) Ọka ọghe Dan ọre ọ re o gha kiekie si okhian.”

Ẹwae Olotu Inu emwa ni rrọọ

³² Ivbi Izrẹl ne a ghi wa ka vbe okaro na vbe otuotu kegha re igbe yan ikiọkhọe yan uri eva, ọre ọya yan arriaisẹn eha yan uri eha (603,550).

³³ Sokpan a ma ka ivbi Livai ba ivbi Izrẹl nekpa zẹ vbene Nọyaẹnmwa tama e Mosis.

³⁴ Ivbi Izrẹl keghi ru emwi hia ne Nọyaẹnmwa tama e Mosis. Iran kegha bu agọ dọmwadẹ ọghe ọe vbe ototọ asa ọghe ọe, iran kegha khian dọmwadẹ ọghe ọe ke ẹe kevbe ẹwae ọghe ọe.