Malakai 4 - Edo Bible (E Baibol Ẹdo) Version 1996

Ẹdẹ E Nọyaẹnmwa Dee

¹ E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

² Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

³ Ẹdẹ ne I gha guan yọ, wa gha khọnmiotọ vbe uhunmwu emwa dan, iran ghi do yevbe ebubẹ vbe atataowẹ uwa.

⁴ Wa ye emwi ne Mosis ne ọguọmwadia mwẹ ma uwa ẹre rre. Avbe uhi kevbe ilele ne I viọ ne ẹẹn vbe Oke Sainai, ne ivbi Izrẹl hia gha ya ẹe ru emwi.

⁵ Sokpan, vbene ẹdẹ nọkhua ne ọ muohan ọghe Nọyaẹnmwa te do rre, I gha gie Elaija ne akhasẹ bu uwa gha dee.

⁶ Ọ gha dọlegbe dọlọ avbe emọ vbe erha kugbe, adeghẹ ẹire vberriọ, te I gha rre ne I do fuẹn uhunmwu ẹvbo uwa a.”