Job 25 - Edo Bible (E Baibol Ẹdo) Version 1996

^1-2 Ẹre Bildad ne ovbi ẹvbo ne a tie ẹre Siua na wanniẹn wẹẹ, “Osanobua mwẹ ẹtin, wa giẹ emwa hia ya ohan mudia vbe odaro ẹre. Ọ ya ọfumwegbe mu arriọba ẹrinmwi ẹnrẹn.

³ A gha miẹn ne ọ gha sẹtin ka avbe odibo ni ga ẹe ra? Ihe ọkpa rrọọ ra ne uwanmwẹ Osanobua i na wan muotọ?

⁴ A gha miẹn ọmwa ne ọ re ọmwata kevbe ne ẹ i mwẹ iruẹn vbe odaro Osanobua ra?

⁵ Uki ne arengbe i mwẹ uwanmwẹ vbe odaro ẹre, a ma wẹ ne avbe orhọnmwẹ gha re ne ẹ i mwẹ iruẹn.

⁶ Inu-inu ghi nọ ne ọmwa nagbọn, ne ọkhọe, ne atete! De ive ne ọ rre ọmwa uhunmwu vbe odaro Osanobua?”