Jerimaia 45 - Edo Bible (E Baibol Ẹdo) Version 1996

Eyan Ne Osa Yan Ma E Barọk

¹ Vbe ukpo ne ogienẹ ne Jehoiakim ne ovbi e Josaia yae vbe ọba e Juda, e Barọk keghi gbennẹẹn avbe ẹmwẹ ne I talọ ma rẹn yotọ. Ẹre I na tama rẹn.

² Wẹ e Nọyaẹnmwa ne Osanobua Izrẹl khare wẹẹ, “Barọk.

³ U tae khian wẹẹ, ‘Egbe wọ mwẹ! E Nọyaẹnmwa vbe viọ akhiẹ ba orueghe mwẹ, egbe ne I ya tu obalọ hia guọghọ mwẹ yotọ, I ma ghi vbe miẹn egberọkhọmwẹ!’

⁴ “Sokpan, mẹ ne Nọyaẹnmwa, avbe emwi ne I te ka bọlọ hia, I gha siẹn ehia sotọ, avbe emwi ne I te gbọọ hia, I gha silo iran vbọlọ. Te I ra ru emwi na la otọ agbọn hia.

⁵ Te uwẹ ghi ho ne a ya obọ ughaẹn kpataki mu mwẹ ra? Ghẹ danmwẹ ọẹn ghe, te I ra gie ọkhọ rruan emwa nagbọn hia, sokpan, vbene ọ rhirhi a gha ye hẹ, wẹ gha miẹn uhunmwu wẹ kevbe ikpakpa uhunmwu ruẹn okpa vbe ehe ne u rrie, Mẹ ne Nọyaẹnmwa ọre ọ taa ẹe.”