I Krọnikol 8 - Edo Bible (E Baibol Ẹdo) Version 1996

Ivbi Uniẹn E Bẹnjamin

¹ Emọ ikpia isẹn ọre Bẹnjamin gha mwẹ. Ena kegha re vbene a ya biẹlẹ iran lele egbe: E Bẹla, Asbẹl, Ahara,

² e Noha kevbe Rafa.

³ Ivbi uniẹn e Bẹla kegha re Ada, Gera, Ahihud,

⁴ Abisiua, kevbe Naaman, Ahoa,

⁵ e Gera, e Sefufan kevbe Huram.

^6-7 Ivbi uniẹn Ehud kegha re Naaman, Ahija kevbe Gera, iran kegha re ọkaẹgbẹe avbe ẹgbẹe ni rre Geba, sokpan, iran ghi khulo iran ladian, iran na ya yin e Manahat. E Gera ne erha Uza kevbe Ahihud ọ re ọ viọ iran mwẹ obọ ya ru emwi na.

^8-9 E Siaharem keghi khulo amwẹ ọnrẹn eveva, ena ọ re Husiim kevbe Baara. Okiekie vbe ọ ghi ya yin e Moab, ọ keghi rhie Hodes, ọ na biẹlẹ emọ ikpia ihinrọn, ena ọ re Jobab, e Zibia, e Misia, e Malkam.

¹⁰ E Jeuz, Sakia kevbe Miema. Ivbi ẹre ne ikpia na hia kegha re ekaẹgbẹe.

¹¹ E Husiim keghi biẹlẹ emọ ikpia eva ne ẹẹn, ena ọ re Ahitub kevbe Elpal.

¹² Elpal kegha mwẹ emọ ikpia eha, ena ọ re Ebẹ, Misiam kevbe Siẹmẹd. E Siẹmẹd ọ re ọ bu avbe ẹvbo na a tie ẹre Ono kevbe Lọd deba igue ni lẹga iran.

Ivbi E Bẹnjamin Ni Rre Gat Ke Aijalọn

¹³ E Beraia kevbe Siẹma kegha re ọkaẹgbẹe emwa ni yin Aijalọn, iran na khulo emwa ni rre Gat ladian.

¹⁴ Usun ivbi uniẹn e Baraia ọ re iran ye ighẹ Ahio, e Siasiak, e Jeremọt,

¹⁵ e Zebedaia, Arad, Edẹ,

¹⁶ e Maikẹl, Ispa kevbe Joha.

Ivbi E Bẹnjamin Ni Rre Jerusalẹm

¹⁷ Usun ivbi Elpal ọ re iran ye ighẹ Zebadaia, Mẹsiulam, e Hizki, e Hebẹ,

¹⁸ Ismeraia, Izlia kevbe Jobab.

¹⁹ Usun ivbi e Siimei ọ re iran ye ighẹ Jakim, e Zikri, e Zabdi,

²⁰ Elienai, e Ziletai, Eliẹl,

²¹ Adaia, e Beraia kevbe Simrat.

²² Usun ivbi Siasiak ọ re iran ye ighẹ Ispan, Ebe, Eliẹl,

²³ Abdọn, Zikri, ẹ Hanan,

²⁴ e Hanania, Ẹlam, Antotija,

²⁵ Ifdeia kevbe Pẹnuẹl.

²⁶ Usun ivbi Jeroham ọ re iran ye ighẹ Siamsierai, e Sieharaia, Atalaia.

²⁷ E Jaaresia, Elaija, kevbe Zikri.

²⁸ Iran na ọ re ọ gha re ọkaẹgbẹe odede kevbe ivbi iran ne eseserese ni gha rre Jerusalẹm.

Ivbi E Bẹnjamin Ni Rre Gibiọn Kevbe Jerusalẹm

²⁹ E Jiẹl ọ re ọ bu ẹvbo ne a tie ẹre Gibiọn, ọ na yin evba, a kegha tie amwẹ ọnrẹn Maaka.

³⁰ A na vbe gha tie ovbi ẹre ne okpia ne ọdiọn Abdọn. Emọ ikpia ni dekẹe ne ọ mwẹ kegha re avbe Zọ, e Kis, e Baal, e Nẹẹ, e Nadab.

³¹ E Gẹdọ, Ahio, Zekẹ,

³² kevbe Miklọt ne ọ bie Siimea, ivbi iran keghi yin ke etẹn iran nekpa ni rre Jerusalẹm.

Ẹgbẹe E Sọl Ne Ọba

³³ Nẹẹ ọ re ọ gha re erha e Kis, e Kis ọ re ọ biẹ e Sọl. Emọ ikpia enẹ ọ re Sọl gha mwẹ, ena ọ re Jonatan, Malkisua, Abinadab kevbe Esbal.

³⁴ E Jonatan ọ re ọ gha re erha Meribal ne ọ biẹ Maika.

³⁵ E Maika keghi biẹlẹ emọ ikpia enẹ, ena ọ re Pitan, e Mẹlẹk, e Terea kevbe Ahaz.

³⁶ Ahaz ọ re ọ biẹ Jehoada ne ọ vbe biẹlẹ emọ ikpia eha. Ena ọ re Alemẹt, Azmavẹt kevbe Zimri. E Zimri ọ re ọ biẹ Moza,

³⁷ ne ọ biẹ Binia, e Binia keghi biẹ Rafa, e Rafa keghi biẹ Eleasa vbene Eleasa na biẹ Azẹl.

³⁸ Azẹl keghi biẹlẹ emọ ikpia ehan. Ena ọ re, Azrikam, Bokeru, Ismaẹl, Siearaia, Obedaia kevbe Hanan.

³⁹ Esiẹk ne ọtẹn Azẹl keghi biẹlẹ emọ ikpia eha, ena ọre Ulam, Jeus kevbe Ẹlifẹlẹt.

⁴⁰ Ivbi Ulam kegha re ivbiyokuo ni hin usi kevbe ifiẹkpede, emọ iwu kevbe eyẹ, emọ ikpia ne ọ biẹlẹ hia keghi gha re ekigbesiyeha yan iyisẹn (150). Iran hia ne a sunu yi na ẹwae Bẹnjamin ọ re iran gha khin.