I Krọnikol 7 - Edo Bible (E Baibol Ẹdo) Version 1996

Ivbi Uniẹn Isaka

¹ Isaka kegha mwẹ emọ ikpia enẹ, ena ọ re Tola, e Pua, e Jasiub kevbe Siimron.

² E Tola kegha mwẹ emọ ikpia ehan, ena kegha re Uzi, e Refaia, e Jeriẹl, e Jamai, Ibsam kevbe Siemuẹl. Iran na kegha re ọdiọnwere ọghe ẹgbẹe ni rre ẹwae Tola, iran kevbe gha re ivbiyokuo ni hin usi vbe ẹghẹ e Devid, ivbi uniẹn iran kegha re uri eha yan arriaisẹn eva yan ugie (22,600).

³ Uzi kegha mwẹ ọmọ okpia ọkpa ne a tie ẹre Izrahaia. Izrahaia ke ẹe kevbe ivbi ẹre ne ikpia enẹ ighẹ Maikẹl, Obedaia, e Joẹl kevbe Isiaia kegha re ọdiọnwere dọmwadẹ ẹgbẹe.

⁴ Iran keghi viọ ikhuo ni bun sẹrriọ, iran kevbe biẹlẹ emọ ni bun sẹrriọ wẹ iran keghi sẹtin miẹn arhin arriaisẹn ehan yan ọgban (36,000) ni gha yo okuo viọ ladian vbe uniẹn iran.

⁵ Inu ne a ka ẹgbẹe ni rre ẹwae Isaka re kegha re arriaisẹn ihinrọn yan iyenẹ (87,000) ni yo okuo.

Ivbi Uniẹn E Bẹnjamin Kevbe Dan

⁶ E Bẹnjamin kegha mwẹ emọ ikpia eha, ena ọ re Bẹla, Bẹkia kevbe Jediaẹl.

⁷ E Bẹla kegha mwẹ emọ ikpia isẹn, ena ọre Esbọn, Uzi, Uziẹl, e Jerimot kevbe Iri. Iran na kegha re ọkaẹgbẹe vbe ẹwae iran, iran kevbe gha re ivbiyokuo ni hin usi. Arhin ehayan ọgban yan arriaisẹn eva yan ugie (22,000) ni sẹtin yo okuo gha rre ẹgbẹe iran.

⁸ E Bẹkia kegha mwẹ emọ ikpia ihinrin, ena ọre Zemira, e Joas, Eliezẹ, Eleoinai, Ọmri, e Jerimot, Abija, Anatọt kevbe Alemẹt.

⁹ Emwi ne a gbẹnnẹ ye otọ vbe ekpa ẹgbẹe iran rhie maa wẹ iran kegha mwẹ arhin uri yan arriaisẹn ugie (20,200) ni sẹtin yo okuo.

¹⁰ E Jedial kegha mwẹ ọmọ okpia ọkpa ne a tie ẹre Bilhan. Bilhan kegha mwẹ emọ ikpia ihinrọn, ena ọre Jeus, e Bẹnjamin Ehud, e Kienaana, e Zetan, Tasis kevbe Ahisiaha.

¹¹ Ekaẹgbẹe iran gha khin vbe ẹwae nii, iran kevbe gha re ivbiyokuo ni hun usi. Uniẹn iran kegha mwẹ arhin uri yan arriaisẹn eha irrọvbugie (17,000) ni sẹtin yo okuo.

¹² Ẹwae na ọ re Siupim kevbe Hupim vbe gha khin. E Dan kegha mwẹ ọmọ okpia ọkpa ne a tie ẹre Husiim.

Ivbi Uniẹn E Naftali

¹³ E Naftali kegha mwẹ emọ ikpia enẹ, ena ọre Jaziẹl, e Guni, e Jezẹ kevbe Sialọm, (ivbi uniẹn Bilha iran gha khin.)

Ivbi Uniẹn E Manasẹ

¹⁴ Ọse ne ovbi ẹvbo ne a tie ẹre Aram ne Manasẹ. zẹe keghi biẹlẹ emọ ikpia eva ne ẹẹn, ena ọre Asriẹl kevbe Makia ne ọ gha re erha Giliad.

¹⁵ E Makia keghi rhie okhuo ne Hupim, ọ kevbe rhie ne Siupim. A kegha tie ovbi e Makia ne okpia ne ukpogieva Zẹlofehad, emọ ikhuo ọkpa ọre ọ wa biẹlẹ.

¹⁶ E Maaka ne amwẹ Makia keghi biẹlẹ emọ ikpia eva, iran na he iran Pẹrẹs kevbe Siẹrẹs. E Pẹrẹs keghi biẹlẹ emọ ikpia eva, ena ọre Ulam kevbe Rakem.

¹⁷ Ulam keghi biẹ ọmokpia ọkpa ne a tie ẹre Bedan. Ivbi uniẹn e Giliad ena hia gha khin ighẹ ovbi e Makia kevbe eyẹ e Manasẹ.

¹⁸ Ọtẹn e Giliad ne okhuo ighẹ Hamolẹket keghi biẹlẹ emọ ikpia eha ena ọre Isiọd, Abiẹzẹ kevbe Maala.

¹⁹ (E Siẹmida kegha mwẹ emọ ikpia enẹ, ena ọre Ahian, e Siẹkẹm, e Likhi kevbe Aniam.)

Ivbi Uniẹn Ifreim

²⁰ Ivbi uniẹn Ifreim ke orre sẹ orre ọ re ena khin: E Siutẹla, e Bẹrẹd, e Tahat, Eleada, e Tahat,

²¹ e Zabad, e Siutẹla, Ifreim kegha mwẹ emọ ikpia eva ọvbehe gberra Siutẹla. ena kegha re Elead, ne iran gbele ua vbe iran te gha do ẹmila ivbi e Gat ni yan ẹvbo hẹ.

²² Ifreim ne erha iran keghi ye ikpẹdẹ ni bun khiẹ iran, etiọnrẹn ne ikpia keghi gha fu ẹre ẹko rre.

²³ Rẹn na dọlegbe tie ọvbokhan rẹn ovbe, ọ keghi hanmwa, ọ na biẹ ọmọ okpia ọkpa, iran keghi hẹ ọmọ okpia nii Beraia rhunmwuda ọlọghọmwa ne ẹgbẹe iran miẹn.

²⁴ Ifreim keghi mwẹ ọmọ okhuo ọkpa ne tie ẹre Siera. Okhuo na ọ re ọ bọlọ okpẹvbo Bẹt Horọn Ne ọ ke otọ kevbe Ne ọ ke odọọ, kevbe Uziẹn Siera.

²⁵ Ifreim kevbe gha mwẹ ọmọ okpia ọkpa ne a tie ẹre Refa, ivbi uniẹn ọnrẹn ọre ena khin, e Resiẹf, e Tela, e Tahan,

²⁶ e Ladan, Amihud, Elisiama,

²⁷ e Nọn, kevbe e Jọsua.

²⁸ Otọe ne iran mu ne iran vbe yin kegha re Bẹtẹl kevbe avbe okpẹvbo nii lẹga ẹre ya sẹ Naaran ne odẹ ahọ kevbe e Gẹzẹ ne odẹ orrie kevbe avbe okpẹvbo ni lẹga ẹre, avbe okpẹvbo Siẹkẹm kevbe Aya kevbe okpẹvbo ni lẹga iran kevbe rre ne usun.

²⁹ Ivbi uniẹn e Manasẹ ọ re ọ gha kha yan avbe Bẹt-Sian, e Taanak, e Mẹgido, kevbe Dọ, kevbe avbe okpẹvbo ni lẹga iran. Avbe ehe ne a sunu yi na ọ re ivbi uniẹn Josẹf ne ovbi e Jekọb yinrin.

Ivbi Uniẹn Asia

³⁰ Ivbi uniẹn Asia ọ re ena khin. Emọ ikpia enẹ ọ re ọ biẹlẹe, ena ọ re Imna, Isva, Isvi kevbe Beraia; kevbe ọmọ okhuo ọkpa ne a tie ẹre Sera.

³¹ E Beraia kegha mwẹ emọ ikpia eva, ena ọ re Heba kevbe Malkiẹl. (Malkie ọ re ọ bu ẹvbo ne a tie ẹre Bizait.)

³² E Heba kegha mwẹ emọ ikpia eha, ena ọ re Jaflet, Siọma kevbe Hotan kevbe ọmokhuo ọkpa ne a tie ẹre Siua.

³³ E Jafẹt kevbe gha mwẹ emọ ikpia eha, ena ọ re Pasak, Bimhal kevbe Asvat.

³⁴ E Siọma ne ọtiọnrẹn ne okpia kegha mwẹ emọ ikpia eha, ena ọ re Roga, Jehuba kevbe Aram.

³⁵ Ọtiọnrẹn ighẹ Hotam kevbe gha mwẹ emọ ikpia enẹ, ena ọ re Zofa, Imna, Siẹlẹs, kevbe Amal.

³⁶ Ivbi uniẹn Zofa kegha re Sua, Hanefa, e Suial, Beri, Imra,

³⁷ e Bẹzẹ, e Hod, e Siama, e Silisia, Itran kevbe Biira.

³⁸ Ivbi uniẹn Jetẹ kegha re Jefunẹ, e Pispa kevbe Ara.

³⁹ Ivbi uniẹn Ulla kegha re Ara, Hanniẹl kevbe Rizia.

⁴⁰ Ivbi uniẹn Asia ọ re iran na hia khin, iran kevbe gha re ọkaẹgbẹe ọghe ẹgbẹe iran, emwa ni gbinna ni hin usi kevbe olotu ne ya ghe. A kevbe miẹn arhin arriaisẹn enẹirrọvbọgban (26,000) ni sẹtin yo okuo vbe ivbi uniẹn Asia.