I Krọnikol 6 - Edo Bible (E Baibol Ẹdo) Version 1996

Uviẹn Uniẹn Ogie Ohẹn

¹ E Livai kegha mwẹ emọ ikpia eha, ena ọ re Gẹsiọn, e Kohat kevbe Merari.

² E Kohat kegha mwẹ emọ ikpia enẹ, ena kegha re Amram, Izia, e Hibrọn kevbe Uziẹl.

³ Amram kegha mwẹ emọ ikpia eva, ena ọ re Errọn kevbe Mosis, kevbe ọmọ okhuo ọkpa ne a tie ẹre Miriam. Errọn kegha mwẹ emọ ikpia enẹ, ena ọre Nadab, Abihu, Eliaza kevbe Itama.

⁴ Ivbi uniẹn Eliaza ke egbe orre ọkpa ya sẹ ọvbehe ọ re ena khin: e Finihaz, Abisiua,

⁵ e Buki, Uzi,

⁶ e Zerahia, e Meraiọt,

⁷ Amaraia, Ahitub,

⁸ e Zadọk, Ahimaz,

⁹ Azaraia, e Johanan,

¹⁰ Azaraia (ọna ọ gha winna vbe Ọgua Osa ne Solomọn bọ ye Jerusalẹm),

¹¹ Amaraia, Ahitub,

¹² e Zadọk, e Sialọm,

¹³ e Hilkaia, Azaraia,

¹⁴ e Seraia kevbe e Jehozadak.

¹⁵ E Nebukiadneza ne ọba keghi mu e Jehozadak ba emwa ne ọ viọ gha rrie iwe vbe Juda kevbe ivbi e Jerusalẹm ne Nọyaẹnmwa gie ẹre iwe.

Ivbi Uniẹn E Livai Ọvbehe

¹⁶ E Livai kegha mwẹ emọ ikpia eha, ena ọ re Gẹsiọn, Kohat kevbe Merari.

¹⁷ Dọmwadẹ ọghe ọe vbe uwu iran kevbe gha mwẹ emọ ikpia. E Gẹsiọn ọ re ọ biẹlẹ Libni kevbe Siimei.

¹⁸ E Kohat keghi biẹlẹ avbe Amram, Izia, Hibrọn kevbe Uziẹl,

¹⁹ Merari keghi biẹlẹ Mali kevbe Musi.

²⁰ Ivbi uniẹn Gẹsiọn ena khin ke egbe orre ọkpa ya sẹ ọvbehe, e Libni, Jahat, Zima,

²¹ Joa, Ido, Zẹra, kevbe Jeaterai.

²² Ivbi uniẹn e Kohat ke egbe orre ọkpa ya sẹ ọvbehe ọ re ena khin, Aminadab, e Kora, Asi,

²³ Ẹlkana, Ebiasaf, Asi,

²⁴ Tahat, Uriẹl, Uzaia, Siaul.

²⁵ Ẹlkana kegha mwẹ emọ ikpia eva, Amasai kevbe Ahimot.

²⁶ Ivbi uniẹn Ahimot ke egbe orre ọkpa ya sẹ ọvbehe ọ re ena khin Ẹlkana, Zofai, Nahat

²⁷ Eliab, Jeroham kevbe Ẹlkana.

²⁸ E Samuẹl kegha mwẹ emọ ikpia eva, e Joẹl ne ọ re ọdiọn vbọ, kevbe Abija ne ọ re ọvbokhan.

²⁹ Ivbi uniẹn e Merari ke uniẹn ọkpa ya sẹ ọvbehe, Mali, e Libni, Siimei, Uza,

³⁰ Siimea, Hagaia, Asaia.

Ikpezikẹn Ọgua Osa

³¹ Avbe emwa na ọ re Devid viọ yọ ne iran gha ru ẹmwẹ enegbe ẹzi kẹn ne a kpe vbe ehe ne a na ga vbe Jerusalẹm, iyeke vbe a ghi mu Ẹkpẹti Ile gha rrie evba nẹ.

³² Ọsegbe ọsegbe ne a i baku ọ re iran ya gha yo Owa Ukpọn ne a ya rẹn ighẹ e Nọyaẹnmwa rre evba, ya gha winna vbe ọ te do sẹ ẹghẹ ne Solomọn na bọ Ọgua Osa.

³³ Uviẹn uniẹn iran ni gha rre ukpo nii ọ re ena khin. Ewae ọghe Kohat: Heman ne ọ re ọkaolotu otu ihuan ne okaro, ovbi e Joẹl ọ re irẹn gha khin vbene uviẹn uniẹn ọnrẹn ye ọna khin rhinrin ya sẹ egbe Jekọb: E Heman, e Joẹl, e Samuẹl,

³⁴ Ẹlkana e Jeroham, Eliẹl, e Toa,

³⁵ e Zuf, Ẹlkana, e Mahat, Amasai,

³⁶ Ẹlkana, Joẹl, Azarai, e Zẹfanaia,

³⁷ e Tahat, Asi, Ebiasaf, Kora,

³⁸ Izia, e Kohat, e Livai kevbe Jekọb.

³⁹ Asaf ọ gha re ọkaolotu otu ihuan ne ogieva. Uviẹn ọnrẹn keghi la vbenian ya sẹ egbe Livai, Asaf, e Berakia, e Siimea,

⁴⁰ e Maikẹl e Baseia, e Melkija,

⁴¹ Etni, e Zẹra Adaia,

⁴² Etan, e Ema, e Siimei,

⁴³ e Johat, e Gẹsiọn kevbe Livai.

⁴⁴ Etan ne ovbi uniẹn e Merari ọ re ọ gha re ọkaolotu otu ihuan ne ogieha. Uviẹn ẹgbẹe ọ re ke ya sẹ egbe Livai vbenian: Etan, Kisii, Abdi, Maluk,

⁴⁵ Hasiabaia, Amezaia, Hilkaia,

⁴⁶ Amzi, Bani, Siẹma,

⁴⁷ e Mali, Musi, Merari, e Livai.

⁴⁸ Ivbi e Livai nekpa ọ re ọ ghi gha winna ni ghi dekẹe vbe owa ugamwẹ na.

Ivbi Uniẹn Errọn

⁴⁹ Errọn kevbe ivbi uniẹn ọnrẹn ọ re ọ viọ avbe eturari ye imuohan, iran ọ vbe ya emwi ne a ya zọ ese ne a giẹn uan zọ ese vbe Ogiukpo. Obọ iran ọre ọ ye ighẹ ugamwẹ ne a ga vbe uwu Ehe Ne Ọ Huansẹ Ehia kevbe ese na a zọ ne Osanobua ya ye orukhọ bọ ivbi Izrẹl vbene Mosis ne Ọguọmwadia e Nọyaẹnmwa gie odẹ ọ re, ọ re iran ru ẹe.

⁵⁰ Uviẹn ivbi uniẹn Errọn ọ re ena khin: Eliaza, Finihaz, Abisiua,

⁵¹ Buki, Uzi, Zerahia,

⁵² Meraiọt, Amaraia, Ahitub,

⁵³ e Zadọk kevbe Ahimaz.

Ehe Ne Avbe Livai Dia

⁵⁴ Ehe ne a rhie ne iran ọ na khin ighẹ ivbi uniẹn Errọn ne ẹwae e Kohat. Iran ọ re a ka ghae sẹ ọre obọ vbe otọe ne a mu ne ivbi e Livai.

⁵⁵ Ne usun ọ re Hibrọn ne ọ rre otọ e Juda ye kẹe kevbe otọe ne aranmwẹ irri na rria ni lẹga ẹre.

⁵⁶ Sokpan oha kevbe avbe igue ne ọ re ọghe adesẹ ore ẹvbo nii, a keghi mu ne Kelẹb ne ovbi e Jefunẹ.

^57-59 Avbe ẹvbo ne a ghae ne ivbi uniẹn Errọn ọ re e na khin: e Hibrọn ne ẹvbo ne a lẹ gbinna, e Jatẹ kevbe avbe ẹvbo na ighẹ Libna, Ẹstemoa, Hilen, Debẹ, Asian, kevbe Bẹt Siemẹs, deba avbe otọe ne aranmwẹ irri na rria ni rrọọ.

⁶⁰ Vbe otọe Bẹnjamin, avbe ẹvbo ne a viọ ne iran deba otọe ne aranmwẹ irri na rria ni rrọọ ọ re ena khin: e Geba, Alemẹt kevbe Anatọt, ehia keghi gba vbe okpẹvbo iwera ne avbe ẹgbẹe iran gha dia.

⁶¹ Okpẹvbo igbe vbe otọe e Manasẹ ne Orrie, a keghi yan uta yọ ya gha ẹre ne iran ni dekẹe vbe ẹwae Kohat, vbe dọmwadẹ ẹgbẹe.

⁶² A kevbe gha ẹvbo iweva ne ẹwae Gẹsiọn vbe ẹgbẹe ọkpọkpa vbe otọe Isaka, Asia, Naftali kevbe Manasẹ ne Orrie vbe Basian.

⁶³ Erriọ zẹ ọ re avbe ghae okpẹvbo iweva ne dọmwadẹ ẹgbẹe ne ẹwae Merari vbe otọe Riubẹn, e Gad kevbe Zebulọn.

⁶⁴ Erriọ ọ re a na miẹn wẹ ivbi Izrẹl gha okpẹvbo eso ne ivbi e Livai gha ye deba otọe ne aranmwẹ irri na rria ni rrọọ.

⁶⁵ (Ẹvbo ne a sunu yi vbe otọe e Juda na, Simiọn kevbe Bẹnjamin, uta ọ re a vbe yan ya gha ẹre.)

⁶⁶ A kegha okpẹvbo eso kevbe otọ ne aranmwẹ irri na rria Ifreim ne eso vbe ẹgbẹe ẹwae Kohat. Ena ọ re,

⁶⁷ Siẹkẹm ne ẹvbo ne a lẹ gbinna vbe ẹvbo uhunmwu oke Ifreim, e Gẹzẹ.

⁶⁸ E Jokmiam, e Bẹt, e Horọn,

⁶⁹ Aijalọn kevbe Gat Rimọn,

⁷⁰ vbe otọe ne ọ rre e Manasẹ ne Orrie, a keghi viọ, Anẹ, e Bileam kevbe otọe ne aranmwẹ na rria ni rrọọ ne iran.

⁷¹ Ẹgbẹe ni rre ẹwae Gẹsiọn, keghi viọ avbe okpẹvbo nii, kevbe otọ ne aranmwẹ na rria ni lẹga iran ne iran: vbe e Manasẹ ne odẹ Ahọ, e Golan ne ọ rre Basian kevbe Astarrọt.

⁷² Vbe otọe Isaka, a keghi viọ Kedẹs, Daberat,

⁷³ Ramọt kevbe Anem ne iran.

⁷⁴ Vbe otọe Asia, a keghi viọ Masial, Abdọn,

⁷⁵ Hukok kevbe Rehọb ne iran.

⁷⁶ Vbe otọe Naftali, a keghi viọ Kedẹs ne Galili, Hamọn kevbe kirriatam ne iran.

⁷⁷ Iran ni ghi dekẹe vbe ẹgbẹe ni rre ẹwae Merari, a keghi viọ avbe ẹvbo na kevbe otọe ne aranmwẹ na rria ni rrọọ ne iran vbe otọe Zebulọn: Rimono kevbe Tabọ.

⁷⁸ Vbe otọe e Riubẹn, vbe odẹ ahọ Ẹzẹ Jọdan vbe a gha gberra, e Jẹriko e Bẹzẹ ne ọ rre uhunmwu oke, e Jaza,

⁷⁹ e Kedemọt kevbe Mẹfat.

⁸⁰ Vbe otọe e Gad, e Ramọt ne ọ rre Giliad, Mahanem,

⁸¹ Mesbọn kevbe Jazẹ.