I Krọnikol 3 - Edo Bible (E Baibol Ẹdo) Version 1996

Ivbi E Devid Ne Ọba

^1-3 Emọ ne Devid biẹlẹ vbe Hibrọn ena khin zẹ vbe ne ọ ya biẹlẹ iran lele egbe. Amnọn ne iye ẹe ighẹ Ahinoam ke Jezrẹl rre. E Daniẹl ne iye ẹe ighẹ Abigẹl ke Kamẹl rre. Absalọm ne iye ẹe re Maaka ne ovbi Talmai ne ọba e Gẹsiọ. Adonaija ne iye ẹe re Hagit. Siefatia ne iye ẹe re Abital. Itram ne iye ẹe re Egla.

⁴ Iran ehan na, e Hibrọn a na biẹlẹ iran vbe ukpo ihinrọn vbe ukhiọnmwẹ ne Devid ya ẹe vbe ọba vbe evba. Ukpo ehan yan ọgban, ọ re ọ ya rriọba vbe Jerusalẹm.

⁵ Amwẹ ọnrẹn ighẹ Batsiẹba ne ovbi Amiẹl keghi biẹlẹ emọ ikpia enẹ nẹẹn, ena ọre Simea, Siobab, Natan kevbe Solomọn.

⁶ Rẹn kevbe gha mwẹ emọ ikpia ihinrin ọvbehe, ena ọ re Ibha, Elisiua, Elpẹlẹt.

⁷ Noga, Nẹfẹg, Jafia.

⁸ Elisiama, Eliada kevbe Ẹlifẹlẹt.

⁹ Avbe ọse ne ọ zẹlẹe kevbe biẹlẹ emọ ikpia ọvbehe ba enena ne Devid, ọ kevbe gha mwẹ ọmọ okhuo ọkpa ne a tie ẹre Tama.

Ivbi E Solomọn Ne Ọba

¹⁰ Uviẹn uniẹn e Solomọn ọ re ọna khin ke egbe erha ya sẹ ọmọ: e Solomọn, e Rehoboam, Abija, Asa, e Jehosiafat,

¹¹ e Jehoram, Ahazaia, e Joas,

¹² Amezaia, Uzaia, e Jotam,

¹³ Ehaz, e Hẹzekaia, e Manasẹ,

¹⁴ Amọn kevbe Josaia.

¹⁵ E Josaia kegha mwẹ emọ ikpia enẹ, ena ọ re Johanan, Jehoiakim, Zedekaia kevbe Joahaz.

¹⁶ E Jehoiakim kegha mwẹ emọ ikpia eva, ena ọ re Jehoiakin kevbe Zedekaia.

Ivbi E Jehoiakin Ne Ọba

¹⁷ Ivbi uniẹn e Jehoiakin ne ọba, ne iran viọ ẹre oghunmwu gha rrie Babilọn ọ re ena khin. Emọ ikpia ihinrọn ọ re Jehoiakin gha mwẹ, ena ọ re Sieltiẹl,

¹⁸ e Malkiram, e Pedaia, e Sienaza, e Jekamaia, Hosiama kevbe Nedabaia.

¹⁹ E Pedaia kegha mwẹ emọ ikpia eva, ena ọ re Zerubabẹl kevbe Simẹi. E Zerubabẹl kevbe biẹlẹ emọ ikpia eva, ena ọ re Mẹsiulam kevbe Hananaia deba ọmọ okhuo ọkpa ne a tie ẹre Sielomit.

²⁰ Ọ kevbe gha mwẹ emọ ikpia isẹn ọvbehe, ena ọ re Hasiuba, Ohẹl, e Berakia, Hasadaia, kevbe Jesiab Hẹsed.

²¹ E Hananaia kegha mwẹ emọ ikpia eva, ena ọ re Pelatia kevbe Jesiaia, e Jesiaia ọ re ọ biẹ Rafaia ne ọ biẹ Anan ne ọ biẹ Obedaia ne erha Siekanaia.

²² E Siekanaia kegha mwẹ ọmọ okpia ọkpa, ọnii ọ re Siemaia, kevbe eyẹ ikpia isẹn. Ena ọ re Hatus, Igal, Baraia, Nearaia kevbe Siafat.

²³ Nearaia kegha mwẹ emọ ikpia eha, ena ọ re Ẹliọnai, e Hẹzekaia kevbe Azrikam.

²⁴ Ẹliọnai kegha mwẹ emọ ikpia ihinrọn, ena ọ re Hodavaia, Eliasib, Pelaia, Akub, Johanan, Delaia kevbe Anani.