Itan 28 - Edo Bible (E Baibol Ẹdo) Version 1996

¹ Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.

² Uhunmwu ẹvbo gha ru orukhọ, nikhaemwisẹ iran ghi gha lele egbe kpẹkpẹkpẹ. Sokpan, adeghẹ uhunmwu ẹvbo okpa mwẹ ọkaolotu ne ọ wan kevbe ne ẹdẹ gbe vbe ẹko, ọ ghi wegbe, ọ ghi vbe kpee vbe otọ ẹsẹse.

³ Ọmwa ne ọ rre asẹ, ne ọ zẹ ivbiogue kpokpo, te ọ yevbe amẹ ne ẹhoho lele, ne ọ gbele emwiokọ.

⁴ Adeghẹ wẹ i zẹye vbene uhi khare, avbe emwa dan ọ re uwẹ ye egbe baa, sokpan, u gha ya ẹe ru emwi, te u gu iran gbinna.

⁵ Emwa dan ma rẹn emwi ne a ya ohiẹn ẹmwata kha, sokpan, iran ni ga e Nọyaẹnmwa, rẹn ọnrẹn ẹsẹse.

⁶ A re ovbiogue ne uyinmwẹ adazẹ, ọ re ọ maa sẹẹ ne a gha re ọmwa ẹfe ne ẹwobi.

⁷ Igbama ne ọ lele uhi ru emwi, umẹwaẹn nọ. Ọmọ ne ọ lele avbe emọ ni kẹkua khian, efaa ọ re ọ khin erha ẹe re.

⁸ Adeghẹ igho isu kevbe igho ne u miẹn vbe obọ emwa ne emwi ba so ọ re u ya fe, ẹfe ruẹ gha gberra gha rrie obọ ọmwa ne ọ tohan ivbiogue.

⁹ Adeghẹ wẹ i ya uhi ru emwi te erhunmwu ruẹn ra wa gha sọnnọ Osanobua.

¹⁰ U gha rẹrẹ ọmwa esi fi orukhọ, ifi ne uwẹ tobọ khuẹn gha mu ẹẹn. A ghi san ọmwa ne ọ ma rukhọ ẹsẹse.

¹¹ Emwa ni fe ghi gha ro vbe ẹghẹ hia wẹ iran wan an; sokpan, ovbiogue ne ọ ghe umian uyinmwẹ ọmwa, rẹn sẹẹ ọre.

¹² Emwa esi gha rre asẹ, agbọn hia ghi gha ghọghọ; sokpan, emwa dan gha re ukpo, edọmwadẹ ọghọe ghi rhie uhunmwu lẹre.

¹³ U gha gbe gue orukhọ ruẹ, agbọn i maa ruẹn ẹdẹ, miẹn iran kue ne u vbe zobọ vbọ, Osanobua gha tohan ruẹn.

¹⁴ Gha họn ẹmwẹ ne Nọyaẹnmwa ẹghẹ hia, wẹ gha mwẹ ẹko rhiẹnrhiẹn mwẹ. Adeghẹ u zevbudu te u ra fuan.

¹⁵ Ivbiogue i miẹn ẹmwẹ guan vbe odaro enọkhaemwisẹ ne ọmwa dan, ọ zẹ ẹbe sẹẹ oduma ne ọ tu ye evbare kevbe akpakomiza ne ọ ru ohuẹ khian.

¹⁶ Enọkhaemwisẹ ne ẹ i wan, ọmwa ne ọ rre asẹ ne ekhọe azẹn khian gha nọ. Ọmwa ne uyinmwẹ ero i yẹ, gha tọ vbe egie.

¹⁷ Ọmwa ne ọ de izigha, idin egbe ẹre ọ re ọ wa zẹgiẹgiẹ fian nii, ghẹ da ẹre obọ yi.

¹⁸ Gha ta ẹmwata, u gha fe vbe obọ ẹbe. Adeghẹ u i ta ẹmwata, u gha de vbe udomwurri.

¹⁹ Ọwẹe ne ọ mu aro ye iwinna ghi miẹn gha re wọrhọwọrhọ, ọmwa ne ọ rhọ eghẹrẹ, i kpao vbe ovbiogue rre ẹdẹ.

²⁰ Emwa ni mwẹ uyinmwẹ ne ọ diae, te ẹdagbọn iran wa ye ọyẹnmwẹ sẹ ota, sokpan, u gha wẹ ẹfe ẹgiẹgiẹ ọ re u gualọ, a gha rriọ oya.

²¹ Ohiẹn ikhuiwu i maa. Sokpan, enibuohiẹn eso gha ru emwikemwi ne ọ ma gba, sokpan ne ọ miẹn igho odieke ne ọ kanmwa sẹẹ re vbọ.

²² Emwa ni, rẹn ọghe egbe iran okpa wa khirhi ne iran fe sẹrriọ wẹ, iran i rẹn vbe ogue a ra fi iran emwi.

²³ Gu ọmwa gui dia ẹre ye odẹ, vbe okiekie, ọ gha do yẹ ọ re sẹ aranmwẹ ne ọ kpe ọmwa ye ewọwọ.

²⁴ Ọmwa ne ọ ro wẹ ẹ i re uyinmwẹ ne ọ ma gba ne a gha do emwi evbibiẹ ọmwa hẹ, ọ ma vbe maa sẹ oyi ne oyi.

²⁵ Ne a rẹn ọghe egbe ọmwa ọkpa, orueghe ọ re ọ si rre. U mu ẹtin yan e Nọyaẹnmwa, ọ re ọ wa fu egbe sẹẹ.

²⁶ Ukọnmwẹ nọ ne u wa gha ye ẹwaẹn obọ ruẹ okpa ru emwi. Gha ya emwi ne emwa ni wan sẹẹ ma ọmwa re ru emwi ne u gha rrọọ vbe a i mwẹ ẹbe.

²⁷ Gha rhie emwi ne avbe ivbiogue, wẹ i ra vbabọ ẹdẹ. U gha fi aro rua vbe egbe ovbiogue, emwa nibun ghi gha tie ihẹn nuẹn.

²⁸ Emwa dan gha la ukpo asẹ emwa hia ghi ya lẹre, iran gha dele hin asẹ rre, emwa ẹmwata ghi do dọlegbe gha rre asẹ.