Itan 23 - Edo Bible (E Baibol Ẹdo) Version 1996

— 6 —

¹ U gha tota ne u gu ọmwa kpataki rri evbare, ghẹ mianmian ọmwa ne irẹn khin.

² Adeghẹ ohanmwẹ wa kakabọ gbe uẹ, kuẹn egbe ruẹ rre.

³ Ghẹ fifi ye evbare ne ọ rhiẹnrhiẹn ne ọ viọ yotọ, ughaghe te ọ hẹko lẹga ruẹ.

— 7 —

⁴ Gie ẹwaẹn gba nuẹn sẹrriọ ne u i ra na wiẹn egbe ruẹ ua ighẹ te u gualọ ẹfe.

⁵ Igho ruẹ sẹtin wa ru gbee, vbene a miẹn wẹ te ọ zẹ ifuẹn, ọ na tin gha rrie zẹvbe oghohọn.

— 8 —

⁶ Ghẹ rri evbare vbe eteburu ọkhẹnemwidamwẹ ra ne u gha fifi ye evbare ne ọ rhiẹnrhiẹn ne ọ viọ ye otọ.

⁷ Ọ ghi kha wẹẹ, “Gele rri evbare.” Ọ ma sẹ otọ ẹko. Vbene irẹn ye ọ re ọ vbe zẹ iro ghe.

⁸ Te u ra kpa evbare ne u re ladian, utianmwẹ ne u gha tian rẹn, te u ru ehia kua kẹkan.

— 9 —

⁹ Ghẹ gu ọzuọ zẹ iro agbọn, ẹ i zẹ yọ.

— 10 —

¹⁰ Ghẹ vbọ ikhinmwi ne ẹdẹ ne u miẹn ehe na mu otọ ọmọ ne ẹ i mwẹ erha.

¹¹ E Nọyaẹnmwa ọrọre ọmwa ẹtin ne ọ gbinna ne iran, ọ gha guẹ gui ẹzọ iran.

— 11 —

¹² Gha danmwehọ ọmwa ne ọ ma ruẹn emwi ne u ruẹ emwi hia ne u gha sẹtin ruẹ.

— 12 —

¹³ Ghẹ dobọ ọmọ ne a gbe hin ọkhọ rre yi. Ubi ẹmwata vbe ikebe iran i gbe ẹe rua.

¹⁴ Vbene ẹmwata, u gha ghe ọ gha sinmwi ẹre uhunmwu ye agbọn.

— 13 —

¹⁵ Ovbi mwẹ, ẹko gha rhiẹnrhiẹn mwẹ gbe adeghẹ u waan.

¹⁶ Egbe ghi gha mu mwẹ vbe I a họn vbe ẹmwẹ ẹwaẹn ke unu ruẹn ladian.

— 14 —

¹⁷ Ghẹ gie ekhọe ruẹ la ghe ẹmwẹ emwa orukhọ, gie ayọghọ ne Nọyaẹnmwa gha re emwi ne u mu aro yi vbe agbọn.

¹⁸ Ọ gha ye vbe rrio, umamwẹ rre odaro.

— 15 —

¹⁹ Danmwehọ ovbi mwẹ, gha waan, ne u vbe gha hannọ emwi ru.

²⁰ Ghẹ gu iran ni da ayọn gbe, mu obọ ra iran ni re gbe ẹko rua.

²¹ Avbe ọdayọn kevbe emwa oregbe, ogue ọ re ọ ra gha ye. Adeghẹ u i miẹn emwi ne u rhie ru gberra ne u gha re ke ne u gha vbiẹ, osọnmwẹ ukpọn ọ re u ra do gha rhuan wanwan.

— 16 —

²² Danmwehọ ẹmwẹ ne erhaa tama ruẹn, adeghẹ ẹ i re irẹn, u ghẹ i gha rre agbọn na. Iyuẹ gha vbe khian ọmaẹn nẹ, ya obọ enọrẹn ẹse mu ẹẹn.

²³ Emwata, ẹwaẹn, iruẹemwi, kevbe ẹwaẹn esi, ehia wa sẹ ne a ha osa yi, sokpan, emwi ighobioye ne ọ ma kei ne a khiẹn nọ.

²⁴ Erha ẹmwata wa mwẹ emwi ne ọ zẹe ne ọ gha na gha sẹ ọyẹnmwẹ.

²⁵ Gie erha a kevbe iye uẹ ya a gha hio, rhie ọyẹnmwẹ na ne iye uẹ.

— 17 —

²⁶ Kakabọ gbe aro kotọ, ovbi mwẹ, ne u gie uyinmwẹ mwẹ gha re igiemwi nuẹn.

²⁷ Avbe igberagia kevbe ikhuo ni sakan an, ifi ne ọ gbe ọmwa ọ re iran khin.

²⁸ Iran gba khẹ ọmwa vbe oyi, iran ghi gha gie ikpia nibun khian ni sakaan.

— 18 —

^29-30 Ma mwẹ ọmwa ne ọ da ayọn gbe, ne ọ danmwẹ ayọn ayemwirre ghe, I gha ma ruẹn ọmwa ne agbọn khan rẹn, ne ọ viẹ egbe ẹre, ne ọ si ẹti khian, ke ne ọ vian vbe ẹghẹ hia. Aro ẹre ghi vin uan kpan an, ẹtẹ ihuaro ghi gba ẹre egbe hia.

³¹ Ghẹ gie ayọn viẹn ye uẹ aro, ọ gha khọn rẹn ne ọ ye yẹnghẹn vbe aro, ne ọ vbe gha fi ghẹn ẹnghẹn vbe ukpu ọ na ye vbẹkhẹẹ vbe ẹho.

³² Ẹdẹ gha gbe, ọ ghi do yevbe wẹ ẹyẹn ne ọ mwẹ obi ọ re ọ saa.

³³ Aro ruẹ ghi gha bẹghe otutu, u i ghi sẹtin roro emwi ẹse ra ne u guan ẹse.

³⁴ Ọ ghi yevbe ne a miẹn wẹ te u gua okọ yo uwu okun, ighe te u khuọnmwi emianmwẹ ẹzẹ ne ọ fiọ yo fiọ rre.

³⁵ U ghi do kha wẹẹ, “Te iran fi mwẹ emwi, te emwa eso koko gbe mwẹ, I ma ghi ye rre. Vbọzẹ ne I ma na sẹtin rhiọrre yi? I ye ho ne I da ayọn.”