Hibru 2 - Edo Bible (E Baibol Ẹdo) Version 1996

Imiẹnfan Nọkhua

¹ Ọnii ọ si ẹe ne ima gha na kakabọ ye obọ da ẹe yi sẹ ayọ, ighẹ ẹmwata ne ima họn nẹ ne a ghẹ ya ya ima de odẹ.

² A miẹn ọẹn wẹ, ẹmwẹ ne avbe odibo Osa do ta, ẹmwata nọ, kevbe wẹ, ọmwaikọmwa ne ọ ma ya ẹe ru emwi ra ne ọ ma ru vbe ne ọ khare, ọ ghi rri oya ne ọ ma ẹn.

³ Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.

⁴ Erriọ vbe nọ zẹ, Osanobua keghi rhie osẹe ọghọe te ọghe iran vbe ekpa ne ọ gha winna iwinna ama, ẹtin, ọyunnuan, kevbe iwinna ọyunnuan ni bun. Deba ẹre, ọ keghi ya ọhẹ Orhiọn Ne Ọ Huanrẹn ghae ne emwa hia vbene ọ yẹ ọre.

Ọkaolotu Imiẹnfan

⁵ Rhunmwuda, Osanobua ma ya avbe odibo Osa ru ni khaemwisẹ yan agbọn ne ọ ra yi, agbọn ne ima kha na.

⁶ Sokpan zẹ vbene ihe eso vbe Ebe kha re, “Vbe ọmwa a khin Osanobua, ne uwẹ mu ẹmwẹ ọnrẹn roro, de emwi ne ọmwa kẹkan khin, ne uwẹ zẹ ye ọre re?

⁷ U yi ẹe vbe ovbi ẹghẹ kherhe ne ọ ghẹ vba avbe odibo Osa u keghi ye uyi kevbe ọghọ rhuẹ ọre ẹde,

⁸ u keghi ya ẹe gha khaemwisẹ yan emwi hia.” Ọ khare wẹ Osanobua ya ọmwa ru “nọkhaemwisẹ yan emwi hia” ọ na wa rhie maa wẹ emwi hia ọre ọ wa kaẹn. Sokpan ma ma he miẹn nian wẹ, ọmwa gele khaemwisẹ yan emwi hia.

⁹ Sokpan ma miẹn Jesu! Vbe ovbi ẹghẹ kherhe, a keghi ru ẹe ne ọ ghẹ vba avbe odibo Osa, ne a miẹn ehe na miẹn wẹ, vbe ekpa ẹsọhẹ Osanobua, ne ọ wu ne emwa hia.

¹⁰ Ma miẹn ọẹn vbe a ya ọghọ kevbe uyi rhu ẹre ẹde, rhunmwuda oya uwu ne ọ ree. Emwi ọkpa ne ọ gele wa ke ne ọ ru ighẹ Osanobua, ọmwa ne ọ ọre ne ọ yi kevbe ne ọ viọ emwi hia mwẹ, ọrọre ne ọ ye Jesu khian ne ọ gbae vbe uyi ẹre, rhunmwuda, Jesu ọrọre ọmwa ne ọ su iran gha rrie imiẹnfan.

¹¹ Ọ khuẹ emwa huan hin orukhọ iran rre, irẹn kevbe emwa ni irẹn khuẹ huan, erha ọkpa iran mwẹ. Ọnii ọ si ẹe ne ekhue i na mu Jesu vbe ọ gha tie iran etiọnrẹn.

¹² Zẹ vbene ọ tae wẹẹ, “Osanobua I gha ta emwi ne u ru ma etẹn mwẹ, I gha so ihuan rho ruẹ, vbe ehe ne iran gbe ẹbu yi.”

¹³ Ọ keghi vbe ta ẹe wẹ, “I gha mu ẹtin mwẹ yan Osanobua” ọ keghi ye vbe ta ẹe wẹẹ, “Ghe mwẹ ghe emọ ne Osanobua hẹ mẹ.”

¹⁴ Vbene a na miẹn wẹ zẹ vbene ọ ta ẹe wẹ emwa ifun egbe kevbe esagiẹn iran khin, ighẹ avbe emọ nii, Jesu Kristi tobọ ẹre keghi vbe do gha ye vbene iran ye, vbe ekpa ne ọ na ghae vbe emwi emwa kẹkan ọghe iran. Emwi ne ọ ya ẹe ru ẹe ọrọre ne ọ sẹtin la ekpa uwu ne irẹn wu miẹn Esu uhunmwu, ọmwa ne ọre ne ọ khaemwisẹ yan uwu.

¹⁵ Ọ keghi la odẹ vbenian fannọ iran ye otọ ighẹ avbe emwa ni te rhunmwuda ohan uwu gha re eviẹn vbe ẹdẹ agbọn iran hia.

¹⁶ Rhunmwuda aro dae ighẹ, ẹ i re avbe odibo Osa ọre ọ ru iyobọ na. Sokpan, zẹ vbene Ebe khare, “Ivbi uniẹn Ebraham ọre ọ ru iyobọ na.”

¹⁷ Ọnii rhie maa wẹ, te irẹn gha do ya egbe khian vbene avbe etiọnrẹn ye vbe odẹ hia, ne ọ miẹn ehe na gha re Ogie Ohẹn iran ne ekhọe esi ni mwẹ itohan vbe uwu ugamwẹ ne ọ ga Osanobua, ne a miẹn ehe na ye orukhọ avbe emwa ni bọ iran.

¹⁸ Banbanna nian, te irẹn ghi sẹtin ya emwa ni miẹn edanmwẹ obọ, rhunmwuda rẹn tobọ ẹre, a danmwẹ ọẹn ghe, ọ vbe rri oya. iẹnfan obọ.