Asan-Ibo 4 - Edo Bible (E Baibol Ẹdo) Version 1996

¹ I keghi vbe dọlegbe do ghe avbe emwi hia ni sunu ne ẹ i la ihe vbe agbọn, iran ne a zẹ kpokpo gha viẹ egbe, sokpan a i miẹn ne ọ ru iyobọ ne iran. A i miẹn ne ọ ru iyobọ ne iran rhunmwuda obọ ọghe iran ni zẹ iran kpokpo, ọ re ẹtin khua ghe.

² Ọmakin iran ni wulo lahin agbọn na rre nẹ, ọghe iran ọ re ọ maa sẹẹ ọghe iran ni ye rre agbọn.

³ Sokpan, ne ọ ye vbe maa sẹ iran eveva ọrọre ọmwa ne a ma zẹdẹ he biẹ, emwa ne aro ẹre ma he dekan emwi ni sunu la ihan vbe agbọn na.

⁴ I vbe rẹn emwi ne ọ si ẹe nẹ, ne emwa na miẹn ẹsọn sẹrriọ vbe agbọn na, ne ọ miẹn ehe na dunna ne iran: emwi ne ọ siẹe ọrọre wẹ emwi ne ogieva iran mwẹ viẹn ye iran aro, sokpan, ọna i vbe mwẹ esa, te ọ yevbe ne a khu ẹhoho khian.

⁵ Emwa khare wẹ akpa ọ re ọ viọ obọ ku akharha ne ohanmwẹ gbe ẹe rua.

⁶ Ughaghe ẹmwata onii gele khin, sokpan ne a gha mwẹ ekherhe vbene otọe uhunmwu na fu ọmwa rre, ọ re ọ maa sẹẹ ne a ya obọ eveva gha winna khu ẹhoho khin.

⁷ Emwi ọvbehe vbe rrọ ne I miẹn vbe agbọn na, ne ẹ i zẹdẹ vbe maa.

⁸ Wa ghe ọmwa na ne irẹn okpa vbe ẹhi ẹre rre owa. Ẹ i mwẹ ọmọ, ẹ i mwẹ etẹn, sokpan, ẹsọn ọ re ọ miẹn vbe ẹghẹ hia, ẹfe ne ọ mwẹ i ye vuọn ẹre aro. De ọmwa ne ọ ghi miẹn ẹsọn na na yi ne ẹ i na hẹwẹ gbe amẹ sa wọn? Ọna i zẹdẹ ma hiehie, agbọn usẹ ọ re nọ.

⁹ Emwi eva ọ re ọ maa sẹẹ okpa rhunmwuda, iran ọ re emwi mwẹ ọre uhunmwu sẹẹ.

¹⁰ Adeghẹ ọkpa vbọ de, nọkpa gha sẹtin si ẹe kpaegbe. Sokpan, adeghẹ orhiọnkpa kẹkan nọ, ọ na de, ẹ i zẹdẹ maa hiehie, rhunmwuda, ọmwa rhọkpa i rrọ ne ọ gha si ẹre obọ kpaegbe.

¹¹ Adeghẹ oni fi, arhienva sẹtin lovbiẹ, oni i ghi gbe iran, sokpan vbe orhiọnkpa ra sẹtin lovbiẹ hẹ ne oni i ra na gbẹe?

¹² Arhienva gha sẹtin rrọ igbinna ne orhiọnkpa i ra sẹtin rhie uhunmwu da. Irri ne a ba ẹre eha kugbe I rherhe fian.

^13-14 Ọmwa wa sẹtin ke ovbiogue kpao do rriọba ẹvbo ẹre, ra ne ọ ke ẹwẹdọ la ẹkete, sokpan, adeghẹ a miẹn wẹ vbe ọ khian ọmaẹn nẹ, ẹ i he ye wan vbene ọ gha na gha rhie vbe a gha bu ẹre ude, ọ ma maa vba igbama ne ọ re ovbiogue sokpan, ọ keghi mwẹ ẹwaẹn.

¹⁵ I keghi do roro ẹmwẹ emwa hia ni rre agbọn na, I keghi do rẹn wẹ vbe uwu iran na, igbama okpa rrọ ne ọ gha rhie ihe ọba.

¹⁶ Ugbẹnso a i sẹtin ka inu emwa ne ọba khaemwisẹ yan, ọ gha wu nẹ, a i ghi miẹn ne ọ kpọnmwẹ ye ẹse ne ọ ru. Ọna i zẹdẹ maa. Te ọ yevbe ne a khu ẹhoho khian.