Aizaia 12 - Edo Bible (E Baibol Ẹdo) Version 1996

Ihuan Ekpọnmwẹ

¹ Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

² Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

³ Zẹ vbene amẹ ne ọ furre, ya ẹko ọmwa ne ovbamẹ gbe rhiẹnrhiẹn erriọ emwa Osanobua ghọghọ vbe ọ gha miẹn iran fan.”

⁴ Ẹdẹ dee ne emwa gha na so ihuan vbenian, “Wa rhie ekpọnmwẹ ne Nọyaẹnmwa! Wa tu tie ẹre ne ọ do ye uwa obọ! Tama avbe uhunmwu ẹvbo hia iwinna ne ọ winna ẹn wa tama iran vbene ọ kpọlọ hẹ!

⁵ Wa so ihuan ghe Nọyaẹnmwa rhunmwuda iwinna nọkhua ne ọ winnaẹn wa gie otọ agbọn hia họn ẹmwẹ na.

⁶ Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”