Oyinyima 5 - IWE ỌNỊNỊ

Ezi Adamị ne tu Inowa ọnịrị ezi anị

¹ Ọsọnị ọ vị ịtọpa ezi Adamị nị. Ịjị Ohomorihi mẹ aza, ọ mẹ wa vene ẹngụ anị nị.

² Ọnọrụ ọnịrị ọnẹẹ ọ mẹ wa nị. Ộ mẹ̀ aduwa yị wa, dị ọ ka ọza ẹ rị nị.

³ Adamị ọ sị gụ ịrayị eche ịhịnọnyị tụra ẹẹwụ, dị ọ ma ozi ọnọrụ ọnya nị. Ozi ọnọọ ô vene e, ọnị osusu ọ vị nị. Dị ọ yị ozi anị ọnọọ Ịsẹtị nị.

⁴ Adamị mẹ̀ sị Ịsẹtị ma, ọ vana ra mẹ ịrayị akana, dị ọ vana ma ezi anọrụ ọnịrị anẹẹ nị.

⁵ Avaba ịrayị Adamị ịnị ẹhẹ vị akanarẹchịhịnọnyị tụra ẹẹwụ, di o ve su nị.

⁶ Ịsẹtị ọnị vị ịrayị ẹchẹhị tụra ẹẹhị dị ọ ma Enosi.

⁷ Ịrẹma ọnị ọ ma Enosi, Ịsẹtị ộ vana mẹ ịrayị akana tụra ịhịmba, dị ọ vana ma ezi anọrụ ọnịrị anẹẹ nị.

⁸ Avaba ịrayị ọnị Ịsẹtị mẹ ịnị ẹhẹ vị akanarẹchẹhị tụra ẹwụrẹva.

⁹ Enosi ọnị rẹ vị ịrayị ẹbẹẹna tụra ẹẹwụ dị ọ ma Ikenani.

¹⁰ Ọ mẹ sị Ikenani ma, Enosi ọ rẹ vana mẹ ịrayị akana tụra ẹwụrẹhị, dị ọ rẹ vana ma ezi anọrụ ọnịrị anẹẹ nị.

¹¹ Di avaba ịrayị ēni Enosi mẹ ịnị ẹhẹ vị akanarẹchẹhị tụra ẹẹhị, di o ve su nị.

¹² Ikenani ọnị mẹ̀ rẹ sị gụ ịrayị ẹtarẹwụ, dị ọ ma Imahareri nị.

¹³ Ọ mẹ̀ sị Imahareri ma, Ikenani ộ vana mẹ ịrayị akana tụra ẹbẹẹva, dị ọ rẹ ma ezi anọrụ ọnịrị anẹẹ nị.

¹⁴ Avaba ịrayị Ikenani ịnị ẹhẹ vị akanarẹchẹhị tụra ẹẹwụ, di o ve su nị.

¹⁵ Imahareri ọnị ọ rẹ sị gụ ịrayị ẹbẹẹta tụra ẹẹhị dị ọ ma Ịjarẹdị.

¹⁶ Ọ mẹ̀ sị Ịjarẹdị ma, Imahareri ộ vana mẹ ịrayị akana tụra ohurẹẹwụ, dị ọ rẹ ma ezi anọrụ ọnịrị anẹẹ nị.

¹⁷ Avaba ịrayị Imahareri ịnị ẹhẹ vị akana tụra ẹnarẹwụ ộ tụra ẹẹhị dị ọnị re su nị.

¹⁸ Ịjarẹdị mẹ sị gụ ịrayị ẹchịhịnta tụra ẹẹva dị ọ ma Enọkị nị.

¹⁹ Ọ mẹ̀ sị Enọkị ma, Ịjarẹdị ộ vana mẹ ịrayị akana, dị ọ vana ma ezi anọrụ ọnịrị anẹẹ nị.

²⁰ Avaba ịrayị Ịjarẹdị ịnị ẹhẹ vị akanarẹchẹhị tụra ẹbẹẹta ộ tụra ẹẹva dị ọnị re su nị.

²¹ Enọkị mẹ̀ sị gụ ịrayị ẹbẹẹta tụra ẹẹhị, dị ọ ma Imetusẹra nị.

²² Enọkị ọnịrị Ohomorihi ệ rị pooro mẹ ịrayị ịrẹkẹẹchẹhị ọ mẹ̀ hụrẹ ma Imetusẹra. Ộ rẹ vana ma ezi anọrụ ọnịrị anẹẹ.

²³ Avaba ịrayị Enọkị ịnị ẹhẹ vị ịrẹkẹẹchị tụra ẹbẹẹta ộ tụra ẹẹhị.

²⁴ Enọkị ọnịrị Ohomorihi ệ rị, dị ọza ò yi vene re e nị, agụvị ka Ohomorihi ọ raà sị ọ si hu.

²⁵ Imetusẹra ọnị rẹ vị ịrayị ẹchịhịmba tụra ẹbẹẹva ộ tụra ịhịmba dị ọ ma Irameki.

²⁶ Imetusẹra ộ vana mẹ ịrayị akahịnọnyị tụra ẹchẹhị ộ tụra ẹbẹẹna rị uto ẹẹva, dị ọ vana ma ezi anọrụ ọnịrị anẹẹ nị.

²⁷ Avaba ịrayị ọnị Imetusẹra mẹ ịnị ẹhẹ vị akanarẹchẹhị tụra ẹbẹẹta ộ tụra ịhịịna, di oni re su nị.

²⁸ Irameki ọnị mẹ̀ rẹ sị gụ ịrayị ẹchịhịmba tụra ẹbẹẹva ộ tụra ẹẹva dị ọ ma ozi ọnọrụ ọnya nị,

²⁹ dị ọ hị́ ọ Inowa nị. Ọ kà, Ozi ọnọnị vaa mẹ̀ ka ẹnị ẹ̀ daba hi ụhwẹ ịnị ụkọrọ ẹnịnị ọnịrị ụya ọnị ẹnị sị Ochẹtẹngụ rị Ẹnẹyịmavara mẹ̀ hụrẹ chì hi ẹhẹ.

³⁰ Irameki mẹ̀ ma Inowa, ộ vana mẹ ịrayị akavarẹchẹhị tụra ẹnarẹwụ ộ tụra ẹẹhị, dị ọ vana ma ezi anọrụ ọnịrị anẹẹ nị.

³¹ Avaba ịrayị Irameki ẹhẹ vị akatarẹchẹhị tụra ẹtarẹwụ ộ tụra ịhịmba, dị ọnị re su nị.

³² Inowa vị ịrayị akavarẹchẹhị dị ọ ma Isemi, Ihami ọnịrị Ịjahwẹtị.