Oyinyima 10 - IWE ỌNỊNỊ

Ụnaka ezi Inowa

¹ Ịtọpa ezi Inowa ọ vị ọnọọ nị. Ezi Inowa ẹnẹẹ vị Isemi, Ihami ọnịrị Ịjahwẹtị. Ẹnị ẹ rẹ vana ma ezi ịrẹma ọnị ọhaara enyi kụ́ ẹhẹ.

² Ezi Ịjahwẹtị nịnị ẹ vị Igoma, Ịmagọgị, Ịmadayị, Ịjavanị, Itubari, Imeseki ne beri Itirasi.

³ Di Igoma ọnị rẹ ma Asikanazi, Iripati ọnịrị Itogarima.

⁴ Ezi ọnị Ijavani ọnị ma yị: Erisa, Itasisi, Ikitimi ne beri Idodanimi.

⁵ Ịpa ẹnịnị aza ana ra hi ini òkū ọnịrị ụtọ òkū chị hụrẹ nị. Ọzọza vị ana ra ẹkụra anị dị ọzọza raa kà ẹkụra anị nị.

⁶ Ezi ọnị Ihami ma yị: Ikusi, Ijipiti, Iputi ọnịrị Ikanaani.

⁷ Ezi Ikusi ẹ vị Ịsẹba, Ihavira, Isabita, Iraama ne beri Isabiteka. Di Iraama ọnị ma Iseva ọnị ma Iseva ọnịrị Idedanị nị.

⁸ Ikusi ọ ma Inimirodi nị. Inimirodi ọnọọ ọ vị ọnịpaapa ịnị ẹhẹ ana vị ọnụkata nị.

⁹ Ẹnẹyịmavara ộ sị ụkata yọ ka ó yara zube. Ọnị a sịị̄ kà a ka Ẹnẹyịmavara ọ̀ sị ụkata yị wụ anka ọ mẹ̀ sị ụkata yị Inimirodi ka ọ̀ yara zube.

¹⁰ Ẹtẹ ọnị Inimirodi rị ohinọyị tụra ô nyima hụrẹ ẹkụra Ịbabịrọnị, Ereki na ngụ ẹkụra Akadi ọnịrị ẹkụra Ikarine. Avaba ẹkụra ẹnịnị vi ene hi ini ẹtẹ Isinari.

¹¹ Inimirodi ộ hụrẹ ẹtẹ ọnọọ ộ nọ ịnị ẹtẹ Asiriya dị ọ na dà ẹkụra ọbanyị ana aā hị́ Ininivẹ, Irehoboti-Iri, Ikara ọnịrị

¹² Ịrẹsẹnị vị ana yà ịnị akakana Ininivẹ ọnịrị Ikara.

¹³ Ezi oni Ijipiti ọnị ma yị: Irudimi, Anami, Irehabimi, Inahwituhi,

¹⁴ Anipatirusimi ọnịrị Anikasiruhimi, beri Anikahwitorimi. Anihwirisiti nịnị vị ana chị hụrẹ Ikasiruhimi vẹ.

¹⁵ Ezi ọnị Ikanaani ma yị. Ozi ọzọkụ anị ọ̀ vị Ịsịdọnị nị. Ana vọ ẹ vị Iheti,

¹⁶ Anijebusi, Anamọrị, Anigirigasi,

¹⁷ Anihivi, Anaakị, Anisini.

¹⁸ Dị ọ rẹ ma Anaavadi, Anizema ọnịrị Anihamati. Ịjị ọ dà kụ̀ di obooro Anikenaani gara ngụ ọ zịịzị nị.

¹⁹ Ẹtẹ Anikenaani ộ hụrẹ Ịsịdọnị ẹbẹẹba ózee Igera dị ọ na pooro na ngụ ẹkụra Igaza nị. Ọ rẹ zi oze Isodọmị, éyi ọnị ọyị azị hụrẹ Igomora, Adima ọnịrị Izeboyimi vavọọ na ngụ ịzị aā hị́ Irasa.

²⁰ Ụnanka Ihami ẹ vị ẹnẹẹ nị anka ovwoovu ọzọza ọnịrị ẹkụra ẹnịnị ne beri ẹtẹ ẹnịnị.

²¹ Isemi ẹnẹbẹnị Ịjahwẹtị ọ vị ohiku ezi Ẹba nị, a rẹ ma ozi yị ọnị

²² Ezi Isemi ẹ vị Erami, Asuri, Aripakisadi, Irudi ne beri Aramị.

²³ Di ezi Aramị ẹnị vị Uzi, Ihuri, Ịgẹtẹrị ọnịrị Imasi nị.

²⁴ Aripakisadi ọnị ọ ma Ịsẹẹra, di ọnị vị ada Ẹba nị.

²⁵ Ama ozi ọnọrụ ẹẹva yị Ẹba Ọnya ọ rị Ịpẹrẹgị nị Ịnị ụmẹ Ịpẹrẹgị anẹhẹ sị gà hi nị. Ịrẹha ọyịnyara Ịpẹrẹgị ọ rị Ijokitani nị.

²⁶ Ezi Ijokitani ẹ vị Arimodadi, Iserepi, Ihazamaveti, Ijerahi,

²⁷ Ihadoramị, Uzari, Idikirahi,

²⁸ Ọbarị, Abimẹrị, Ịsẹba,

²⁹ Ohwiri, Ihavira ọnịrị Iyobabu. Avaba ẹnịnị vi ezi Ijokitani.

³⁰ Ẹtẹ ẹnị ẹ ra hi ịnị anị ộ hụrẹ Imesa ózee ẹkụra Isepara na ngụ ịnị ataba ene hi eyi ịzị ọyịị̄ zịị vẹ.

³¹ Ẹnị ẹ vị obooro Isemi nị. Ọzọza vị ana nyị ovwoovu anị, dị ẹ nyị ẹkụra ẹnịnị ẹnị ẹ yaa kà, dị ẹ rẹ nyị ẹtẹ ẹnịnị nị.

³² Aza ẹnẹẹ ẹ vị ezi Inowa nị. Ịpa ọzọza ịnị ẹkụra ọzọza a hị́ aanị nị. Hụụnị ịpa ẹnịnị avaba ẹkụra chị hụrẹ dị ẹ gara hi ẹhẹ ịrẹma ọhaara enyi nị.