Ịzakaraya 3 - IWE ỌNỊNỊ

Etore Ọhụna: Ijosuwa ọnịrị echu

¹ Ịnị etore ọsa ọnị Ẹnẹyịmavara sị zụ Ịzakaraya, ô re Ijosuwa ohirẹsụ irehi Ohomorihi ka ọ jẹẹ ọvịdị anggẹẹrị Ẹnẹyịmavara, di echu jẹẹ eyi ụvọrị anị ka ọnị o du ọ nị.

² Dị anggẹẹrị Ẹnẹyịmavara kà yị echu ka Ẹnẹyịmavara ọ mẹ̀ ọkarẹyị yọ nị. Ẹnẹyịmavara ene sì ịrẹyị Ijerusarẹmị ọ jị ịvị yọ. Ọnọrụ ọnọnị sị mẹ anka ọchị ana tụ̀ hụụnị ịra avọọ nị.

³ Ịnị ụmẹ ọnọọ Ijosuwa vị ene chire awuru ana dọtị jẹẹ ọvịdị anggẹẹrị ọnọnị.

⁴ Dị anggẹẹrị kà yị aza ana jẹẹ ọvịdị anị ka ẹ ngwa awuru ịvị ẹnẹẹ hụrẹ ẹ ẹngụ.

⁵ Dị Ịzakaraya kà a jị ọ ubobo ana nị tụ́ ọ ịrẹsụ, avọọ dị ẹ jị ọ ubobo ana nị, di e chire awuru eyi anggẹẹrị Ẹnẹyịmavara ana jẹẹ pe wa ịzọọ nị.

⁶ Anggẹẹrị Ẹnẹyịmavara ộ kà yị Ijosuwa ka,

⁷ Ịsị ọnị Ẹnẹyịmavara Ochẹtẹẹngụ kà yị, Ọ kà Ijosuwa ọ̀ọ zị ụsẹ ịnị avaba oze anị, dị ọ mẹ̀ ịsa ọnị ọnị sì nị, ọ vaa mẹ ịjọva tụra irehi anị ịrẹsụ, dị ọ vị ọga tụra avaba ohweje ene hi ini irehi anị nị. Ọnị vaa sị ọ tụ́ udi ịnị akakana aza ene hi ịzọọ.

⁸ Ọ kà Ijosuwa ana vị ohirẹsụ ọbanyị irehi Ohomorihi ohirẹsụ ọnịrị ohirẹsụ irehi Ohomorihi nịnị ana vọ ẹ batọ. Ọ kà ẹnịnị ẹ vị apojuwe ẹhẹ ozoza anaa vẹ ịrẹma nị.

⁹ Re, a reè tenyi ịrẹta tụ ọvịdị Ijosuwa. Ịrẹta ọnọọ ọ nyị eyi ịhịmba. Ẹnẹyịmavara Ochẹtẹẹngụ kà ọnị va chẹrẹ ịsa tụ́ ọ. Ịnị ẹkụhị ọnya ọnị vaa nyee ịvị ẹtẹ ọnọnị kwooze.

¹⁰ Ịhị ọnọọ Ẹnẹyịmavara kà ọzọza vaa hị́ ọnọhụva anị ka ọ yaayịtẹ uruvo ọchị ịvayịnị ọnịrị ihwigi.