Ịrịka 34 - IWE ỌNỊNỊ

Ẹhwị ẹtẹ Ikanaani

¹ Ẹnẹyịmavara ộ kà yị Imosiisi ka,

² ọ̀ mẹ̀ ọda yị Anisirẹrị nịnị, dị ọ kà yị wa ịzị ẹ vị ẹhwị ẹtẹ Ikanaani ana vị ogu ẹnịnị ọnị ẹ ya vaa ngụ aanị.

³ Ẹhwị anị eyi ụvẹtẹ vaa hụrị ịnị ụnọmị Izini na ngụ akaha Edomi nyima hụụnị ẹtaha eyi ụvẹtẹ oku ịkẹ.

⁴ Ẹhwị anị eyi ịzị ọyị zị ngụ ẹtẹ, ọ za oze Akirabimi na ngụ Izini, na ngụ Ịkẹdẹsị Ibaneya. Avọọ ọ mẹ ngụ Ihazari Adari huu ngụ Azimoni.

⁵ Hụrị Azimoni na ngụ Okuha Ijipiti na ta ha Òkū Imeditareniya.

⁶ Ẹtaha ẹtẹ ọnọọ eyi ịzị ọyị zị ngụ ẹtẹ ọ vị utenyi Òkū Imeditareniya nị.

⁷ Ẹhwị ẹtẹ ọnọọ eyi ẹbẹẹba vi ene nyima hụrị utenyi Òkū Imeditareniya huu na ngụ ataba Ihuuri.

⁸ Dị ẹtẹ ọnọọ hụrị ịzọọ na ngụ Irebo Ihamati, di o che parahu na ngụ Izedadi.

⁹ Dị ọ vavọọ na ngụ Izihwironi, dị ọ ta hi Ihazari-Enoni. Ẹhwị ọnị eyi ẹbẹẹba ẹtẹ ọnọọ za yị.

¹⁰ Ẹhwị ẹtẹ eyi ịzị ọyị zị hụrẹ vẹ vị ene nyima hụrị Ihazari-Enoni na ngụ Isehwami,

¹¹ dị ọ va chi na ngụ Iribira akaha Ayini, dị ọ hụrị ịzọọ na ngụ oku Chinereti ana a raà hị́ Òkū Igariri.

¹² Avọọ ẹhwị ẹtẹ ọnọọ mẹ na ngụ Okuha Ịjọdanị parahu na jẹẹ Irehu Anọ. Avaba ẹhwị ẹtẹ Anisirẹrị jesi kara ọ vị ọnọọ nị.

¹³ Dị Imosiisi ka yị Anisirẹrị ka, ẹtẹ ọnọnị Ẹnẹyịmavara sị yị wa ka ọ vị ogu ẹnịnị. Ẹnị ịrẹsụ ịhịịna ne beri achẹva Ịmanasẹ a vee si ụvọ zee dị aa ga ẹ yị wa nị.

¹⁴ Aa vịdị raà sị ẹtẹ yị ịrẹsụ Irubẹnị ọnịrị Igadi ne beri achẹva Ịmanasẹ nịnị.

¹⁵ Ẹtẹ ana ya akẹnẹ Okuha Ịjọdanị eyi ịzị ọyị zị kwẹẹtẹ ana va eyi ka Ijeriko ọ vị ẹnịnị nị.

Ọdọvịdị nịnị ene sị eyi pe ẹnya ọyị ga

¹⁶ Dị Ẹnẹyịmavara kà yị Imosiisi ka,

¹⁷ Eriyaza ọnịrị Ijosuwa ana vị ozi Inuni ẹ vị aza ana vaa ga ẹtẹ ọnọọ yị wa nị.

¹⁸ Ọ kà Imosiisi ọ nyị ọdọvịdị ọnyọọnya hụrẹ ịrẹsụ ọzọza ana vaa gụ́ wa ụvọ.

¹⁹ Ịrẹha aza ẹnẹẹ yị: Ikarẹbị ozi Ijehwụnẹ hụrị ịrẹsụ Ijuda,

²⁰ Ịsẹmụwẹrị ozi Amihudi hụrị ịrẹsụ Isimiyọnị,

²¹ Eridadi ozi Ikisironi hụrị ịrẹsụ Ịbẹnjamịnị,

²² Ibuki ozi Ijogiri hụrị ịrẹsụ Ịdaanị,

²³ Ihanịweri ozi Ehwodi hụrị ịrẹsụ Ịmanasẹ,

²⁴ Ịkẹmịwẹrị ozi Isihwitanị hụrị ịrẹsụ Ehwireemi,

²⁵ Erizahwani ozi Ipanachị hụrị ịrẹsụ Izeburuni,

²⁶ Iparitiwẹrị ozi Azanị hụrị ịrẹsụ Iisaka,

²⁷ Ahihudi ozi Iseromi hụrị ịrẹsụ Asahwi,

²⁸ Ipedaheri ozi Amihudi hụrị ịrẹsụ Inahwitari.

²⁹ Aza ẹnịnị Ẹnẹyịmavara nyị ka ẹ ga ẹtẹ Ikanaani yị Anisirẹrị nị.