Ịrịka 33 - IWE ỌNỊNỊ

Anisirẹrị nịnị mẹmẹ zị ụsẹ hụrị Ijipiti va ngụ Imowabi.

¹ Ịrẹha ẹnẹnị ẹ vị ịrẹha ẹkụra irenyi-irenyi ịzị Anisirẹrị nịnị yaa jẹẹ tụhwọ dị ẹ́ va hụrị Ijipiti va ngụ Imowabi nị. Imosiisi ọnịrị Eerọnị ana vị ọdọvịdị ẹnịnị vị ene to wa ịrẹsụ-ịrẹsụ.

² Ẹnẹyịmavara vị ana mẹ̀ ọda yị Imosiisi ka ọ chẹrẹ ịrẹha ẹkụra-ẹkụra ẹnẹ ệ jẹẹ tụhwọ tịtẹ.

³ Ẹnịnị ê hụrị Iramesisi ịnị ẹkụhị ẹwụrẹhị ịnị ụhwẹ ịpaapa Aniju. Ịhị ọnọọ ọ vị eyinẹhẹ eche ọyịparahu nị. Ẹnịnị vị ana a kwẹẹtẹ eyi avaba Anigipiti.

⁴ Ụmẹ ọnị ẹ̀ sị kwẹẹtẹ Anigipiti nịnị e si ne oku avaba ezi ịpaapa ẹnịnị anọrụ ẹnị Ẹnẹyịmavara wụ̀ nị. Ẹnẹyịmavara vị ana sị zụ wa ka ọnị ọ nyị ụkata hụụnị avaba ori ẹnịnị nị.

⁵ Anisirẹrị ệ hụrị Iramesisi ini ẹtẹ Ijipiti na jị udi tụ ẹkụra ana a hị́ Isukoti.

⁶ Ẹnịnị ệ hụrị ịzọọ va ka ahụ jẹẹ Etami ana ya ụtọ ụnọmị.

⁷ Dị ẹ hụrị Etami vara eyi na ngụ Ipi-Ihahiroti eyi ịzị ọyị zị hụrẹ vẹ Ịbaarị-Izehwọnị, dị ẹ jị udi tụ́ Imigidori nị.

⁸ Ẹnịnị mẹ̀ hụrị Ipi-Ihahiroti, dị jịnẹ ịnị akakana oku na ngụ ịnị ụnọmị, dị ẹ zị ụsẹ ẹkụhị ẹẹta ịnị ụnọmị Etami, dị ẹ va kụ udi tụ́ Imara.

⁹ Dị ẹ hụrị Imara na ngụ Erimi, Erimi ọnọọ ộ nyị aha oswe ẹwụrẹva ọnịrị ọsọchị ẹtarẹwụ. Agụvị avọọ dị ẹnịnị jị udi tụ́ ịzọọ nị.

¹⁰ Dị ẹ hụrị Erimi dị ẹ na jị udi gụrị oku ịkẹ nị.

¹¹ Dị ẹ hụụ ịzọọ nị ngụ ịnị ụnọmị Izini nị.

¹² Dị ẹ hụrị Izini na jị udi tụ́ Idohwika.

¹³ Dị ẹ hụụ ịzọọ na jị udi tụ́ Arusi

¹⁴ Dị ẹ hụrị Arusi na jị udi tụ́ Irehwidimi ịzị aza e yi re enyi ana avọrọ ka ẹ hú nị.

¹⁵ Dị ẹ hụụ ịzọọ na jị udi tụ́ ụnọmị Ịsịnayị.

¹⁶ Dị ẹ hụrị Ịsịnayị na jị udi tụ́ Ikibiroti Ihataava.

¹⁷ Dị ẹ hụụ ịzọọ na jị udi Ihazeroti.

¹⁸ Dị ẹ hụrị Ihazeroti na jị udi tụ́ Iritima.

¹⁹ Dị ẹ hụụ ịzọọ na jị udi tụ́ Irimoni Ịpẹrẹzị.

²⁰ Dị ẹ hụrị Irimoni Ịpẹrẹzị na jị udi tụ́ Irisa nị.

²¹ Dị ẹ hụụ ịzọọ na jị udi tụ́ Irisa nị.

²² Dị ẹ hụrị Irisa na jị udi tụ́ Ikeherata.

²³ Dị ẹ hụụ ịzọọ na jị udi tụ́ ịnị ataba Isehwa.

²⁴ Dị ẹ hụrị ịnị ataba Isehwa na jị udi tụ́ Iharada.

²⁵ Dị ẹ hụụ ịzọọ na jị udi tụ́ Imakeroti.

²⁶ Dị ẹ hụrị Imakeroti na jị udi tụ́ Itahati.

²⁷ Dị ẹ hụụ ịzọọ na jị udi tụ́ Ịtẹra.

²⁸ Dị ẹ hụrị Ịtẹra na jị udi tụ́ Imitika.

²⁹ Dị ẹ hụụ ịzọọ na jị udi tụ́ Ihasimona.

³⁰ Dị ẹ hụrị Ihasimona na jị udi tụ́ Imoseroti.

³¹ Dị ẹ hụụ ịzọọ na jị udi tụ́ Ibene Ijaakanị.

³² Dị ẹ hụrị Ibene Ijaakanị na Jị udi tụ́ Ihọ̀ Ihagidigadi.

³³ Dị ẹ hụụ ịzọọ na jị udi tụ́ Ijotebata.

³⁴ Dị ẹ hụrị Ijotebata na jị udi tụ́ Abirona.

³⁵ Dị ẹ hụụ ịzọọ na jị udi tụ́ Eziyọnị-Igeberi.

³⁶ Dị ẹ hụrị Eziyọnị-Igeberi na jị udi tụ́ Ikadesi ịnị ụnọmị Izini.

³⁷ Dị ẹ hụụ ịzọọ na jị udi tụ́ ataba Ihọ̀ ana vị ẹhwị ẹtẹ Edomi.

³⁸ Dị Ẹnẹyịmavara kà yị Eerọnị ana vị ohirẹsụ Irehi Ohomorihi ka ọ̀ hịrẹ nọ ịrẹsụ ataba Ihuuri. Ịzọọ o su tụ́ ịnị ẹkụhị Ịpaapa ụhwẹ ẹẹhị ịnị ịrayị ẹbẹẹva ọnị Anisirẹrị sị kwẹẹtẹ hụrị Ijipiti.

³⁹ Eerọnị vị ịrayị ẹchẹhị tụra ohurẹẹta ịnị ụmẹ ọnị o si su ịnị ataba Ihuuri.

⁴⁰ Ẹ mẹ ya ịzọọ â nyị Anikenaani ọnya aanị ana vị ohinọyị Aradi ana ra Ịnẹgẹvị ịnị ẹtẹ Ikanaani. Ộ wụ́ ọ ka Anisirẹrị nịnị ẹ yaa vẹ.

⁴¹ Anisirẹrị nịnị ẹ hụrị ataba Ihuuri na jị udi tụ́ Izarimona.

⁴² Dị ẹ hụụ ịzọọ na jị udi tụ́ Ipunoni.

⁴³ Dị ẹ hụrị Ipunoni na jị udi tụ́ Oboti.

⁴⁴ Dị ẹ hụụ ịzọọ na jị udi tụ́ Iye Abarimi ẹhwị ẹtẹ Imowabi.

⁴⁵ Dị ẹ hụrị Irimi na jị udi tụ́ Idiboni Igadi.

⁴⁶ Dị ẹ hụụ ịzọọ na jị udi tụ́ Arinọnị Idibiratayimi.

⁴⁷ Dị ẹ hụrị Arinọnị Idibiratayimi na jị udi tụ́ ataba Abarimi eyi ịzị oyi zị hụrẹ ịnị Inebo.

⁴⁸ Dị ẹ hụụ ịzọọ na ngụ na jị udi tụ inozi Imowabi akaha Okuha Ịjọdanị akẹnẹ Ijeriko.

⁴⁹ Di udi ẹnịnị dọ ẹtẹ hụrị Ịbẹtị Ijesimoti na ngụ Akasiya ọnị ịrẹha anị ọsa rị Ẹba Isitimi nị.

A mẹmẹ aa dọ ẹtẹ àa jịnẹ Okuha Ịjọdanị

⁵⁰ Ịnị inozi Imowabi ịzọọ, Ẹnẹyịmavara kà yị Imosiisi ka,

⁵¹ ọ̀ kà yị Anisirẹrị nịnị ka ịjị ẹ̀ẹ jịnẹ Okuha Ịjọdanị na ngụ ẹtẹ Ikanaani,

⁵² ẹ dụ avaba aza ana ra ịzọọ jịnẹ eyi anị, dị gara avaba ịrẹta ẹnẹẹ̄ mẹ̀ ịsọvọ ịrẹsụ anị, dị wú avaba ụta ịsọvọ ẹnịnị.

⁵³ Dị ẹ dọ ẹtẹ ọnọọ, dị ẹ ra ịnị anị agụvị ka ọnị ọ ra sị yị wa ka ọ vị ẹẹnịnị.

⁵⁴ Ẹnẹyịmavara kà Imosiisi vaa ga ẹtẹ ọnọọ ịrẹsụ-ịrẹsụ ọnịrị a mẹmẹ rụrụ huu ẹngụ nị.

⁵⁵ Ama ẹnịnị ẹ̀ yị dụ aza ana ra hi ọ jịnẹ, ịhyọsịhyọsa vị aza ẹnẹẹ vaa kụ́ ẹngụkata tụ́ wa anka akọkọ òo che hi ọza eyi avọọ nị. Dị ẹ vị igegenechi aa tụ́ wa ẹngụ ọmọọma, dị e yee beri wa kụ́ pooro kẹnẹ.

⁵⁶ Ẹnẹyịmavara kà ọnị vaa mẹ̀ ịsa ọnị mẹ eto anịị yị wa.