Ịrịka 2 - IWE ỌNỊNỊ

Eto a mẹmẹ ga ọzọza hi udi anị.

¹ Ẹnẹyịmavara ọ̀ ka yị Imosiisi ọnịrị Eerọnị ka,

² Ịrẹsụ-ịrẹsụ Anisirẹrị ẹ da okokoro ẹnịnị dị ẹ ga ovwoovu-ovwoovu. Ẹnịnị ẹ jị ajẹngụ ẹnịnị va eyi ka Ajẹngụ Ẹnẹyịmavara okiri-okiri.

³ Ịrẹsụ Ijuda ẹ jị ajẹngụ tụ eyi ịzị ọyị zị hụrẹ. Ọdọvịdị ẹnịnị ọ vaa vị Inasoni ana vị ozi Aminadabi nị.

⁴ Isoja ẹnịnị vaa vị aza ẹnị ịrịka (74,600)

⁵ Aza ana vaa ra gụrị wa ẹ vị ịrẹsụ Iisaka nị. Ọdọvịdị ẹnịnị ọ vị Ịnetanẹrị nị.

⁶ Isoja ẹnịnị vị aza ẹnị ịrịka (54,400).

⁷ Ịrẹsụ ọsa ana gụrị wa ọ vị Izeburuni nị. Ọdọvịdị ẹnịnị ọ vị Eriyabi ozi Iheroni nị.

⁸ Isoja ẹnịnị vị aza ẹnị ịrịka (57,400)

⁹ Avaba isoja ẹnẹ ẹ vị aza ẹnị ịrịka akahị-akahị oze (186,400). Isoja ẹnịnị ẹ vịdị vaa dọ ọvịdị ịrẹkụ nị.

¹⁰ Ịrẹsụ Irubẹnị vaa kụ udi tụ oze eyi ụvẹtẹ. Ọdọvịdị ẹnịnị ọ vị Erizuri ozi Isẹdọ nị.

¹¹ Isoja ẹnịnị vị aza ẹnị ịrịka (46,500)

¹² Aza ana vaa ra gụrị wa ẹ vị ịrẹsụ Isimiyọnị nị. Ọdọvịdị ẹnịnị ọ vị Iserumẹrị ozi Izurisadayị,

¹³ Isoja ẹnịnị vị aza ẹnị ịrịka (59,300)

¹⁴ Ịrẹsụ ana va tụra wa ọ vị Igadi nị. Ọdọvịdị ẹnịnị ọ vị Eriyasahwi ozi Iruweri nị.

¹⁵ Avaba isoja ẹnịnị vị aza ẹnị ịrịka (45,650)

¹⁶ Avaba isoja ẹnẹ ẹ vị aza ẹnị ịrịka (151,450). Ẹnị ẹ vaa va tụra ọnịpaapa ana ya ọvịdị nị.

¹⁷ Anireevi nịnị ẹ vaa va tụra Irubẹnị nị. Dị ẹ ya ịnị akakana aza ana vọ anka a mẹmẹ to tụ udi ọzọza.

¹⁸ Anehwireemi nịnị vana va ya oze eyi ịzị ọyị zị ngụ ẹtẹ. Ọdọvịdị ẹnịnị ọ vaa vị Erisama ana vị ozi Amihudi nị.

¹⁹ Ẹnị isoja anaa za ịrịka ịnị ịrẹsụ ọnọọ vị aza (40,500)

²⁰ Ịrẹsụ ana vatụra wa ọ vị Ịmanasẹ nị. Ọdọvịdị ẹnịnị ọ vị Ịgamarẹrị ana vị ozi Ipedazuri.

²¹ Isoja ẹnịnị vị aza ịrịka (32,200)

²² Ịrẹsụ ọnị o tu ọ vị Anịbẹnjamịnị nị. Ọdọvịdị ẹnịnị ọ vaa vị Abidanị ana vị ozi Igidiyọnị nị.

²³ Isoja ẹnịnị vị aza ịrịka (35,400)

²⁴ Avaba isoja ịrẹsụ ẹyịta ẹnịnị vị aza ịrịka (108,100). Ẹnịnị vị anaa vabẹ ogu ọnya ịnị ịrẹha Ehwireemi. Ẹnịnị ẹ vị ogu ọhụta anaa nọ eyi ịrẹkụ nị.

²⁵ Isoja ene hi oze eyi ẹbẹẹba ẹ vị ogu Ịdaanị nị. Ọdọvịdị isoja ịrẹsụ Ịdaanị ọ vị Ahiyẹza ozi Amisadayi nị.

²⁶ Isoja ẹnịnị vị aza ịrịka (62,700)

²⁷ Ịrẹsụ ana kụ udi gụrị wa ọ vị Aseri nị. Ọdọvịdị ẹnịnị ọ vị Ipagiri ozi Ochiranị.

²⁸ Isoja ẹnịnị vị aza ịrịka (41,500)

²⁹ Ọnọhụta ẹnịnị ọ vị ịrẹsụ Inahwitari nị. Ọdọvịdị ẹnịnị ọ vị Ahira ozi Enanị nị.

³⁰ Isoja ẹnịnị vị aza ịrịka (53,400)

³¹ Avaba ẹnị ẹyịta vabẹ vị (157,600) Ẹnị ẹ vị ogu ọdịrẹma anaa nọ eyi ịrẹkụ nị.

³² Aanị a mẹmẹ za ọkụrẹkụ Anisirẹrị nịnị ịrịkaa hụrị ovwoovu ohiku ọzọza nị. Avaba isoja Anisirẹrị ogu ẹẹna vabẹ vị aza ịrịka (603,550).

³³ Ọza ẹ yị za Anireevi nịnị beri aza ana vọ anka Ẹnẹyịmavara mẹ̀ vịdị ka yị Imosiisi.

³⁴ Anisirẹrị nịnị vana mẹ anka Ẹnẹyịmavara mẹ ka yị Imosiisi. Ọzọza vị ana ya aha anị a mẹmẹ ga wa hi ịrẹsụ-ịrẹsụ hụụnị ovwoovu ohiku ọzọza.