Inehemaya 12 - IWE ỌNỊNỊ

Ohirẹsụ irehi Ohomorihi ọnịrị Anireevi nịnị ana vavẹ eehi.

¹ Ịrẹha ohirẹsụ irehi Ohomorihi ọnịrị Anireevi nịnị ana saasa Izerubabẹrị ozi Isiritiyẹrị ọnịrị Ijesuwa ohirẹsụ ọbanyị irehi Ohomorihi varẹma hụrị Ịbabịrọnị vẹ eehi. Ohirẹsụ irehi Ohomorihi ẹnẹẹ ẹ vị Iseraya, Ijeremaya, Ẹzịra,

² Amarịya, Imaruki, Ihatusi,

³ Isekaniya, Irehumi, Imeremọtị,

⁴ Ido, Iginetọyị, Abija,

⁵ Imijamini, Imaadaya, Ibiriga

⁶ Isemaya, Ijoyaribi, Ijedaya

⁷ Isaru, Amọọkị, Ihirikaya ọnịrị Ijedaya ọsa. Aza ẹnẹnị ẹ vị ọdọvịdị ohirẹsụ irehi Ohomorihi beri ọnọgụvọ ẹnẹnị ịnị ụmẹ Ijesuwa.

⁸ Anireevi nịnị ana varẹma vẹ eehi ẹ vị Ijesuwa, Ibinuyi, Ikadimẹrị, Iserebiya, Ijuda, Imataniya. Aza ẹnẹnị ẹnịrị ọnọgụvọ ẹnịnị e si eyi pe ịrẹyị ahẹ ama aa jị gono Ohomorihi nị.

⁹ Ibakibukiya ọnịrị Uni, ẹnịrị ọnọgụvọ ẹnịnị e si eyi pè ogu ẹnị anaā gụ ahẹ nị.

Evere Ezi Ijesuwa ohirẹsụ irehi Ohomorihi

¹⁰ Ijesuwa ọ vị ada Ijoyakimi ana vị ada Eriyasibi nị; dị Eriyasibi ọnị ma Ijehoyada nị.

¹¹ Ijehoyada ộ ma Ijonatani nị, dị Ijonatani vị ada Ijaduwa nị.

¹² Ịnị ụmẹ ọnị Ijoyakimi vị ohirẹsụ ọbanyị irehi Ohomorihi, dị ohirẹsụ irehi Ohomorihi ẹnẹnị vị ọdọvịdị ovwoovu ẹnịnị nị: Imeraya ọ vị ohirẹsụ ovwoovu Iseraya, dị Ịhananịya jẹẹ yị ovwoovu Ijeremaya nị.

¹³ Imesurami ọ vị ọdọvịdị ovwoovu Ẹzịra nị, dị Ijehohananị vị ọdọvịdị ovwoovu Amarịya,

¹⁴ Ijonatani ọ jẹẹ yị ovwoovu Imaruki nị, dị Ijosẹẹhụ jẹẹ yị ovwoovu Isebaniya nị.

¹⁵ Adina ọ jẹẹ yị ovwoovu Iharimi, dị Iherikayi jẹẹ yị ovwoovu Imerayoti nị.

¹⁶ Ịzakaraya ọ jẹẹ yị ovwoovu Ido nị, dị Imesurami jẹẹ yị ovwoovu Iginetoni nị.

¹⁷ Izikiri ọ jẹẹ yị ovwoovu Abija nị, dị Iminiyamini jẹẹ yị ovwoovu Imowadiya nị.

¹⁸ Isamuwa ọ jẹẹ yị Ibiriga, Ijehonatanị jẹẹ yị Isemaya,

¹⁹ Imatenayi jẹẹ yị ovwoovu Ijoyaribi, dị Uzi jẹẹ yị ovwoovu Ijedaya nị.

²⁰ Ikarayi ọ jẹẹ yị ovwoovu Isarayi nị, dị Ẹba jẹẹ yị ovwoovu Amọọkị nị.

²¹ Ihasabiya ọ jẹẹ yị ovwoovu Ihirikaya nị, dị Inetaneri jẹẹ yị Ovwoovu Ijedaya nị.

Ovwoovu ohirẹsụ Irehi Ohomorihi ọnịrị Anireevi nịnị

²² Â chẹrẹ ịrẹha ẹnị ovwoovu Anireevi nịnị ọnịrị ovwoovu ohirẹsụ ịrẹsụ Ohomorihi nịnị ụmẹ ọnị aza ẹnẹnị sị vị ohirẹsụ ọbanyị irehi Ohomorihi: Eriyasibi, Ijehoyada, Ijohananị ọnịrị Ijaduwa. Ụmẹ avọọ Ịdarịyọsị sị ohinọyị Ípasiya nị.

²³ Ama ịnị ụmẹ Ijohananị ana vị aazị Eriyasibi a va sị chẹrẹ ịrẹha ohirẹsụ ovwoovu-ovwoovu Anireevi nịnị tịtẹ nị.

²⁴ Ọdọvịdị Anireevi nịnị ana aā hị́ Ihasabiya, Iserebiya, Ijesuwa ozi Ikadimẹrị ẹnịrị ẹyịnyara ẹnịnị ệ gà wa hi oze ẹẹva ka ẹẹ jị ahẹẹ gono Ohomorihii tù ẹngụ tù ẹngụ, dị ẹẹ kụ́ Ohomorihi avọ anka Idevidi ohinọyị, ọza Ohomorihi mẹ mẹ̀ ẹ ọda.

²⁵ Imataniya, Ibakibukiya, Ọbadaya, Imesurami, Ịtarịmọnị, ọnịrị Akubi ẹ vị oserẹtẹ ini irehi Ohomorihi ana si eyi pe sere aku ana a kụ́ ẹnya hi ọgụrị oze ọbanyị Irehi Ohomorihi nị.

²⁶ Avaba aza ẹnẹnị vị ana ra ịnị ụmẹ Ijoyakimi ozi Ijesuwa; Ijesuwa vị ozi Ijehozadaki. Ụmẹ ọnọọ Inehemaya sị vị Ịgọvọnọ, dị Ẹzịra sị vị ohirẹsụ Irehi Ohomorihi ọnịrị ọchẹrịsa nị.

 sị ọvọ Ijerusarẹmị chire Ohomorihi ụvọ

²⁷ Ịnị ụmẹ ọnị a sị sị ọvọ Ijerusarẹmị chire Ohomorihi ụvọ, â hị́ Anireevi nịnị hụrẹ avaba ẹtẹ Ijuda vẹ Ijerusarẹmị va mẹ ọgụvọ. Ẹnịnị ê ve beri wa jẹ ịrajẹ, dị ẹ jị ahẹ, di e hu ịchacha, Igita, okokoro ọnịrị ẹnya isohu ana vọ kụ́ Ohomorihi avọ nị.

²⁸ Ogu ọjahẹ nịnị ệ gụ́ hụrị ẹkụra ana kara Ijerusarẹmị ọnịrị ẹkụra Aninetohwa nịnị.

²⁹ Ọjahẹ nịnị ệ rẹ hụrị Ịbẹtị-Igirigari ọnịrị ẹtẹ Ịgẹba ọnịrị Azimaveti vẹ. Ẹnịnị vi a na dà ẹkụra eweyi-eweyi ya ẹngụ ẹnịnị kara Ijerusarẹmị.

³⁰ Avaba ohirẹsụ irehi Ohomorihi ẹnịrị Anireevi nịnị ệ mẹ ido ọ̀yịvara ẹngụ ẹnịnị ọnịrị aza ne beri oze ọbanyị ọnịrị ọvọ ọnịnị.

³¹ Inehemaya ộ kù ọdọvịdị Ijuda nịnị nọ ịrẹsụ ọvọ ka e si eyi pe ogu ẹyịva ana vaa zị ụsẹẹ kara ọvọ Ijerusarẹmị, dị ẹẹ jị ahẹẹ gono Ohomorihi. Ogu ịpaapa ộ zị ụvọrị ana na ngụ oze ọbanyị ana ya ịzị itutu ya.

³² Ihosaya ọnịrị achẹva ọdọvịdị Anijuda nịnị ẹnẹẹ vị ana saasa wa,

³³ beri Azariya, Ẹzịra, Imesurami,

³⁴ Ijuda, Ịbẹnjamịnị, Isemaya ọnịrị Ijeremaya,

³⁵ ne beri ẹnị ene e hu ịkakanchị. Ịzakaraya ozi Ijonatani ozi Isemaya, ozi Imataniya, ozi Imikaya, ozi Izaku, ozi Asahwi vị ana rẹ saasa wa bẹẹ.

³⁶ Anda ẹnịnị ẹnẹnị ẹ vatụra a nị: Isemaya, Azarẹrị, Imirarayi, Igirarayi, Imaayị, Inetaneri, Ijuda ọnịrị Ihanani. Avaba ẹnịnị ệ kụ ẹngụ isohu ọnị Idevidi ọza Ohomorihiī vidii hú, dị Ẹzịra, ọzwọzọda dọ ọvịdị ẹnịnị ẹ́ maa na nị.

³⁷ Ịjị e tu oze ọbanyị ana ya ịzị enyiī tụ̀, dị ẹ hịrẹ ode na ngụ ẹkụra Idevidi nị. Ẹnịnị ệ para irehi ohinọyị hu na jẹẹ oze ọbanyị ịzị enyi ya eyi ịzị ọyịị̄ zịị vẹ.

³⁸ Inehemaya kà ẹnị ọpa ọjahẹ ọhụva anaa kụ Ohomorihi avọ vị ana zị oze ụvọha dị ẹ vatụra ọvọ, dị ọnị saasa wa beri achẹva aza ana vọ nị. Ẹnị ệ zị para irehi ọgọdọ ịzị aku ana a kà ịra tụ hu na ngụ ịzị ọvọ ọgana ya.

³⁹ Dị ẹnị hụụ ịzọọ na ngụ oze ọbanyị Ehwireemi, oze ọbanyị Ijesana, oze ọbanyị ivovo, irehi ọgọdọ Ịhananẹrị ọnịrị irehi ọgọdọ ẹchẹhị na ngụ oze ọbanyị atẹmẹ. Dị ẹ za ụsẹ ẹnịnị ẹtẹ ọ̀ gụrị oze ọbanyị Irehi Ohomorihi nị.

⁴⁰ Ọpa ọjahẹ ẹyịva anaa jị ahẹẹ kụ́ Ohomorihi avọ vị ọzọza jẹẹ aha anị ọvịdị irehi Ohomorihi. Di Inehemaya ọnịrị achẹva ọdọvịdị ẹkụra nịnị ẹnị rẹ jẹẹ.

⁴¹ Ohirẹsụ irehi Ohomorihi ẹnẹnị vị ana rẹ jẹẹ pe mị dị ẹ kụ ịkakanchị ẹnịnị rị ụvọ: Eriyakimi, Imaseya, Iminiyamini, Imikaya, Eriyoyenayi, Ịzakaraya, ọnịrị Ịhananịya.

⁴² Aza ẹnẹnị ẹ vatụra wa nị: Imaseya, Isemaya, Eriyaza, Uzi, Ijehohananị, Imarichija, Erami ọnịrị Ezeri. Ẹnịnị vị ọpa ọjahẹ, dị ahịka Ijezirahaya ọ vị ọdọvịdị ẹnịnị nị.

⁴³ Ohomorihi ộ mẹ̀ ayị aza hine ẹtẹẹtẹrẹ, dị ẹ yaa jẹ, dị ẹ mẹ̀ ịsọvọ ọrụrụ-ọrụrụ nị. Ẹnịrị anyẹnẹẹ beri ezweyi e dudu rị eche ọnọnị nị. Ẹ maa jẹ Ijerusarẹmị, ọngwẹ ẹnịnị vị ọnị aza aa wụụ hụrẹ aha ẹnẹẹnẹ.

Aza ee tenyi ẹngụ ọyị hẹkẹ Ohomorihi

⁴⁴ Ụmẹ ọnọọ dị a nyị anọrụ ẹnyị ka ẹ̀ sị eyi pe aku ana a kụ ịsa ana aza kụ́ vẹ hi nị beri agẹẹwụ ọnịrị ịsa ịnị aarẹ ịpaapa nị. Ẹnị aa dọ ịsaa hụụnị aarẹ ene hi ẹkụra-ẹkụra vaa yị ohirẹsụ irehi Ohomorihi ọnịrị Anireevi nịnị anka ọda mẹ kà a nị. Ayị avaba aza ene hi Ijuda ê hine yị ohirẹsụ irehi Ohomorihi ọnịrị Anireevi nịnị anaa mẹ̀ ụkọrọ Ohomorihi.

⁴⁵ Ẹnịnị ệ mẹ̀ ụkọrọ Ohomorihi ẹnịnị, dị ẹ mẹ ido anaa sị ọzaa nị anka Ohomorihi mẹ mẹ̀ ọda anị nị. Ẹnị ọjahẹ ọnịrị oserẹtẹ nịnị vị ana rẹ mẹ̀ ụkọrọ ẹnịnị anka ọda ọnị Idevidi ọnịrị Isoromọnị mẹ̀ tịtẹ.

⁴⁶ Hụrẹ ịyẹẹyẹ ụmẹ Idevidi ohinọyị ọnịrị Asahwi a hụrẹ nyị ọdọvịdị ọjahẹ nịnị nị, dị a rẹ nyị ahẹ ana a sịị gono Ohomorihi ọnịrị ana a sịị kụ́ ọ avọ nị.

⁴⁷ Ịnị ụmẹ Izerubabẹrị ọnịrị Inehemaya, avaba Anisirẹrị nịnị vị anaa sị eyinị-eyinịị sị ẹyịza vaa yị ọjahẹ nịnị ẹnịrị aza ẹnẹẹ sere ẹtẹ ini irehi Ohomorihi ọyịmẹ̀ ọgụvọ yị wa nị. Ẹnịnị ệ ịsa ana vị Aanireevi nịnị yị wa, dị Anireevi nịnị ẹnị rẹ sị ene tú ohirẹsụ irehi Ohomorihi nịnị yị wa nị.