Inehemaya 10 - IWE ỌNỊNỊ

Ịrẹha aza ana sị ụvọ tụ ịnị iwe ana a sị hị́ eku yị ẹngụ yị.

¹ Inehemaya ozi Ihakariya ana vị ịgọvọnọ ọnịrị Ịzẹdẹkaya

² Iseraya, Azariya, Ijeremaya

³ Ipasihuri, Amarịya, Imarikija

⁴ Ihatusi, Isebaniya, Imaruki

⁵ Iharimi Imeremọtị Ọbadaya

⁶ Ịdanịyẹrị, Iginetoni, Ịbaruki

⁷ Imesurami Abija Imijamini

⁸ Imaazaya, Ibirigayi ọnịrị Ịsẹmaya. Aza ẹnẹnị ẹ vị ohirẹsụ irehi Ohomorihi nị.

⁹ Anireevi nịnị ana sị ụvọ tụ ọ yị: Ijesuwa ozi Azarịya, Ibinuyi ana hụ ịnị ovwoovu Ihenada, ọnịrị Ikadimẹrị

¹⁰ Ịrẹha anda ẹnịnị ana vọ yị; Isebaniya, Ihodiya, Ikerita Iperaya, Ihanani,

¹¹ Imika, Irehobi, Ihasabiya,

¹² Izaku, Isẹrẹbiya, Isebaniya,

¹³ Ihodiya, Ibani, ọnịrị Ibeninu

¹⁴ Ịrẹha aza ana vị ọdọvịdị yị: Iparosi, Ipahati-Imowabi Erami, Izatu, Ibani,

¹⁵ Ibuni, Azigadi, Ibebayi

¹⁶ Adonija, Ibigivayi, Adini,

¹⁷ Ateri, Ihezekaya, Azuri

¹⁸ Ihodiya, Ihasumi, Ibezayi,

¹⁹ Iharihwi, Anatọtị, Inebayi,

²⁰ Imagipiyasi, Imesurami, Iheziri,

²¹ Imesezaberi, Ịzadọkị, Ijaduwa,

²² Iperatiya, Ihanani, Anaya,

²³ Ihoseya, Ịhananịya, Ihasubi,

²⁴ Iharohesi, Ipiriha, Isobeki,

²⁵ Irehumi, Ihasabina, Imaseya,

²⁶ Ahija, Ihanani, Ananị,

²⁷ Imaruki, Iharimi, ọnịrị Ibaana.

Oto ẹnẹ ẹ mẹ

²⁸ Anisirẹrị ana vọ, ohirẹsụ irehi Ohomorihi nịnị, Anireevi, oserẹtẹ nịnị, ẹnị ọjahẹ, beri ẹnị anaā zị ụtụ ini irehi Ohomorihi ọnịrị avaba aza ana raà hụrẹ ẹngụ aza ene hi ịnị ẹtẹ ọnọọ ka ẹnị aa saasa ọda Ohomorihi beri ese ẹnịnị ẹnịrị ezi ọnọrụ ọnịrị anẹẹ ẹnịnị; avaba aza ana yẹ ịrẹyị dị ẹ́ yẹ ịsị aa na,

²⁹ ẹnịrị ọdọvịdị ẹnịnị ệ hị́ eku, dị é chì hi ọza ana àa sị ahụ jịnẹ eku ẹnẹ ẹ hị́ ka ẹnị vaa saasa ọda oni Ohomorihi sị tụ Imosiisi ana vị ozi ahụ anị hi ẹnị. Ẹ ka ẹnị vaa saasa avaba ịsa ọnị Ẹnẹyịmavara mẹ ọda anị yị ẹnị. Ẹnị vaa sị ụvọọ za avaba ọda ọnị ido anị.

³⁰ Dị ẹnịnị wo oto ka ẹnị ẹ yị vaa sị ezi anẹẹ ẹnịnịị ga anẹkụra ọsa ana kara ẹnịnị nị. Ẹnị ẹ yị rẹ vaa nyị ezi anẹẹ ẹnịnịị yị ezi anọrụ ẹnịnị.

³¹ Dị ẹ ka anẹkụra ana gụrị ẹnị ẹ̀ẹ kụ ịsa và ná ẹkụhị ụhwọtụ, ẹnị ẹ yị vaa hị́ ịsaa hụụnị ụvọ ẹnịnị ịhị ọnọọ ọnịrị ịnị ẹkụhị ụhwọtụ ana vọ. Ẹ ka ẹnị ẹ yị vaa kụ́ ẹtẹ ẹnịnị ọnyọọnyị ịrịkụ ịnị ịrayị ana tụ ọ ịrayị ịhịmba. Dị ẹ rẹ ka ẹnị vaa sị eyii hụụnị avaba ụta ana aza ẹ̀ẹ rị ẹnị ịnị ịrayị ịhịmba ọnọọ nị.

³² Ịrayị-ịrayị ẹnị vaa tụ́ isiriva cheeche ọyịmẹ̀ ọgụvọ ụkọrọ irehi Ohomorihi ẹnịnị.

³³ Ẹkẹhị ọnọnị é re vee sii si ụta ụbụrẹẹdị Ohomorihi ọnịrị ịsa ịsọvọ eyinị-eyinị beri ịsọvọ irenyi anka ẹkụhị ụhwọtụ, eche ụhwẹ ọwọọwa ọnịrị eche ana vọ. Ịnị anị e re vee si ụta ịsa ịsọvọ ọyị pa ẹvagu ịvị ẹnịnị ọnịrị ịrẹyị ẹkẹhị ịsa ana àa nyị ka à na mẹ ini irehi Ohomorihi nị.

³⁴ Ẹ ka ẹnị aza ana vọ, ohirẹsụ irehi Ohomorihi nịnị ọnịrị Anireevi nịnị ẹ sị ọ ga ẹ yị ẹngụ ka ovwoovu ọzọza vee si ọkụụ vẹ ini irehi Ohomorihi ịrayị-ịrayị ana vaa sị rị ịsọvọ ana a mẹ hi Ẹnẹyịmavara Ohomorihi ayị ịra anka ọda mẹ̀ kà a.

³⁵ Ịrayị-ịrayị vị ọnị ọzọza vaa sị akụ ịpaapa ọnịrị ẹtụtụ ọchị ịpaapa ene vi ịnị aarẹ vẹ ini irehi Ohomorihi.

³⁶ Ozi ọnọrụ ịpaapa ana ma ịnị ovwoovu vị ana aa sị nọ ịnị irehi Ohomorihi, dị ohirẹsụ Irehi Ohomorihi nịnị ẹ̀ sị ọ chire Ohomorihi ụvọ anka ọda Ohomorihi mẹ ka a. Avọọ a mẹ raa mẹ̀ ozi ịpaapa Imaaru, atẹmẹ ọnịrị ẹvụ nị.

³⁷ Ịsọyịrị ịpaapa ana a mẹ̀ hụụnị ịsa ịnị aarẹ vị ana aa sị na yị ohirẹsụ irehi Ohomorihi ịrayị-ịrayị, ọda ọnọọ vị ana rẹ za eche, angwẹ orivi, ọnịrị avaba ẹtụtụ ọchị ịnị aarẹ. Avaba agẹẹwụ ịsa ịnị aarẹ vị ana a kụ́ na yị ohirẹsụ irehi Ohomorihi.

³⁸ Ohirẹsụ irehi Ohomorihi ana vị ezi Eerọnị vaa jẹẹ pe Anireevi nịnị ẹ̀ẹ yaa dọ agẹẹwụ. Anireevi nịnị va sị agẹẹwụ hụụnị agẹẹwụ ẹnẹ ẹ dọ naa tụ́ ịnị aku anaā sịị ịsa tẹ̀ ini irehi Ohomorihi. Ẹnẹẹ á vaa sị mẹ̀ ịsọvọ ịnị irehi Ohomorihi nị.

³⁹ Anisirẹrị nịnị ẹnịrị Anireevi nịnị vaa kụ́ avaba akụ, eche ọnịrị angwẹ orivi ne hi ini aku ịzị aā kụ ẹnya ụkọrọ irehi Ohomorihi hi, ọnịrị ịzị ohirẹsụ irehi Ohomorihi nịnị ọnị ụkọrọ tu, oserẹtẹ nịnị, ọnịrị ọjahẹ nịnị ra. Ẹ ka ẹnị ẹ yị vaa varẹmaa ka irehi Ohomorihi ẹnịnị.