Ijosuwa 21 - IWE ỌNỊNỊ

Ẹkụra ana a sị yị Anireevi nịnị

¹ Aza ana vị ọdọvịdị Anireevi nịnị ệ kụ ẹngụ ve tu Eriyaza ohirẹsụ irehi Ohomorihi ọnịrị Ijosuwa ozi Inuni ne beri ọdọvịdị Anisirẹrị nịnị.

² Isiro ịnị ẹtẹ Ikanaani ẹ vavọọ ve tu wa nị. Ệ kà a Ẹnẹyịmavara ọ̀ vịdị kà yị Imosiisi ka a sị ẹtẹ yị ẹnị ịzị ẹ nyị avị ọnị ịsụpa ẹnịnị vaa rị.

³ Ọda ọnị Ẹnẹyịmavara mẹ̀, a sị sị ẹkụra ẹnẹnị vaka ịzị avị hi ka ẹ vị ogu ẹnịnị nị.

⁴ Evere Ikohati ịnị ịrẹsụ Ireevi vị ana sị ẹkụra ẹwụrẹta yị hụụnị ẹtẹ ana a sị yị Ijuda, Isimiyọnị, ọnịrị Ịbẹnjamịnị.

⁵ Anikohati ana vọ vị ana a dọ ẹkụra ẹẹwụ hụụnị ụvọ Ehwireemi, Ịdaanị ọnịrị achẹva Ịmanasẹ

⁶ Evere Igerisoni vị ana a sị ẹkụra ẹwụrẹta yị hụụnị ẹtẹ Iisaka, Aseri, Inahwitari ọnịrị achẹva Ịmanasẹ ana ya ịnị ẹtẹ Ịbasanị.

⁷ Evere Imerari ịnị ezi Ireevi vị ana a sị ẹkụra ẹwụrẹva yị hụụnị ẹtẹ Irubẹnị, Igadi, ọnịrị Izeburuni.

⁸ Avaba ẹkụra ẹnẹnị ọnịrị ịzị aa kụ ịsụpa rị ọnị Anisirẹrị sị yị Anireevi anka Ẹnẹyịmavara mẹ kà a yị Imosiisi.

Ẹkụra hụrị ẹtẹ Ijuda, Isimiyọnị ọnịrị Ịbẹnjamịnị

⁹ Ijuda ọnịrị Isimiyọnị ẹ̀ sị ẹkụra ẹnẹnị

¹⁰ ọnị ezi Eerọnị ana vị ọnya ịnị evere Ikohati ịnị ịrẹsụ Ireevi nị. Ẹnị ọ za ka ẹ vị ọnịpaapa anaa ga ẹtẹ tu nị.

¹¹ A sị ẹkụra ana a hị́ Ikiriyati-Arịba (ịrẹha ohiku Anaki nịnị) ana a raa hị́ Ihebirọnị ịrẹsụ ataba Ijuda vaka ịzị ịsụpa rị ana kara wa.

¹² Ama â vịdị raà sị ẹtẹ ẹkụra ọbanyị ọnọọ ọnịrị ẹkụra eweyi-eweyi ene hi ịzọọ yị Ịkarẹbị ozi Ijehwụnẹ. Ọnọọ ọ vị ọnyịrẹva anị nị.

¹³ Ẹkụra ẹbanyị-ẹbanyị ana vọ beri Ihebirọnị ana a sị ezi Eerọnị ohirẹsụ Irehi Ohomorihi nịnị: Iribina,

¹⁴ Ijatiri, Esitemowa,

¹⁵ Ihoroni, Debiri,

¹⁶ Ayini, Ijuta ọnịrị Ịbẹtị-Isemesi beri ẹtẹ aarẹ nịnị; ẹkụra ẹbanyị-ẹbanyị ịhịịna hụụnị ẹtẹ Ijuda ọnịrị ẹtẹ Isimiyọnị.

¹⁷ Ẹkụra ẹbanyị-ẹbanyị ịhịịna ana a sị hụụnị ẹtẹ Ịbẹnjamịnị yị evere Eerọnị ẹ vị Igibiyọnị, Ịgẹba,

¹⁸ Anatọtị, ọnịrị Arimoni, beri ẹtẹ aarẹ ẹnịnị.

¹⁹ Avaba ẹkụra ẹbanyị-ẹbanyị ẹnẹẹ vị ẹwụrẹta beri ẹtẹ aarẹ beri ẹtẹ aarẹ ẹnịnị â si yi evere Eerọnị ana vị ohirẹsụ irehi Ohomorihi.

Ẹkụra hụrị ẹtẹ Ehwireemi, Ịdaanị ọnịrị Ịmanasẹ eyi ụvẹtẹ

²⁰ Evere Ireevi ọsa ana vị ezi Ikohati vị ana a sị ẹtẹ Ehwireemi yị.

²¹ Ẹkụra ẹbanyị-ẹbanyị ẹẹna ana a sị yị wa ẹ vị Ịsẹkẹmị ọnịrị ẹtẹ ọyị kụ́ ịsụpa rị ana ya ịrẹsụ ataba anị, Ịgẹzẹrị,

²² Ikibizayimi, Ịbẹtị-Ihoroni ọnịrị ẹtẹ ọyị kụ́ ịsụpa rị anị,

²³ Ẹkụra ẹbanyị-ẹbanyị ẹẹna ana a sị yị wa ịnị ẹtẹ Ịdaanị ẹ vị Eriteke, Igibetoni,

²⁴ Ayijaroni, ọnịrị Igati-Irimoni beri ẹtẹ ọyịkụ ịsụpa rị anị.

²⁵ Ẹkụra ẹbanyị-ẹbanyị ẹẹva a sị yị wa ịnị ẹtẹ Ịmanasẹ ana ya eyi ịzị ọyịị̄ zịị ngụ ẹtẹ ẹ vị; Itaanaki, ọnịrị Igati-Irimoni beri ẹtẹ ọyị kụ́ ịsụpa rị.

²⁶ Abara-abara ẹnẹnị ịnị ịrẹsụ Ikohati ệ dọ ẹkụra ẹbanyị-ẹbanyị ệ dọ ẹkụra ẹẹwụ ọnịrị ẹtẹ ọyị kụ́ ịsụpa rị ịnị anị nị.

Ẹkụra hụrị ẹtẹ acheva Ịmanasẹ ọhụva, Iisaka, Iisaka, Inahwitari

²⁷ Ịrẹsụ Igerisoni ịnị evere Ireevi ệ dọ ẹtẹ ẹkụra ẹbanyị-ẹbanyị ẹẹva hụụnị ẹtẹ Achẹva Ịmanasẹ ana ya eyi ịzị ọyịị̄ kwẹẹtẹ hụrẹ. Ẹtẹ ẹnẹẹ ẹ vị Igorani ịnị ẹtẹ Ịbasanị ọnịrị Ibeesitera beri ẹtẹ ọyị kụ́ ịsụpa rị.

²⁸ Ẹkụra ẹbanyị-ẹbanyị ẹẹna ana a sị yị wa hụụnị ẹtẹ Iisaka ẹ vị Ikisiyoni, Idaberati,

²⁹ Ijarimuti ọnịrị Eniganimi beri ẹtẹ ọyị kụ ịsụpa rị.

³⁰ Hụụnị ẹtẹẹtẹ ịrẹsụ Aseri, a sị ẹkụra ẹbanyị-ẹbanyị ẹẹna yị ezi Eerọnị nị. Ẹkụra ẹnẹẹ ẹ vị Imisari, Abidoni,

³¹ Iherikati ọnịrị Irehobi beri ẹtẹ ọyị kụ́ ịsụpa rị.

³² Hụụnị ẹtẹ ịrẹsụ Inahwitari a sị ẹkụra ẹbanyị-ẹbanyị ẹẹta, ana vị Ịkẹdẹsị ịnị Igariri ọnịrị ẹtẹ ọyị kụ́ ịsụpa rị, Ihamoti-Ịdọrị ọnịrị Ikaritani beri ẹtẹ ọyị kụ́ ịsụpa rị.

³³ Avaba ẹkụra ọnị abara irenyi-irenyi ene hi ịnị ịrẹsụ Igerisoni dọ vị ẹwụrẹta beri aha ọyị kú ịsụpa rị ịnị ọzọza.

Ẹkụra hụrị ẹtẹ Izeburuni, Irubẹnị ọnịrị Igadi

³⁴ Ịnị Anireevi nịnị ana vọ, ịrẹsụ Imerari ệ dọ ẹtẹ Izeburuni ẹkụra ẹbanyị-ẹbanyị ẹẹna. Ẹkụra ẹnẹ dọ ẹ vị Ijokinimi, Ikarita,

³⁵ Idimina, ọnịrị Inaharari beri ẹtẹ ọyị kụ́ ịsụpa rị.

³⁶ Hụụnị ẹtẹ Irubẹnị ẹ dọ ẹkụra ẹbanyị-ẹbanyị ẹẹna. Ẹkụra ẹnẹẹ ẹ vị Ibezeri, Ijahazi,

³⁷ Ikedemọtị ọnịrị Imehwaati beri ẹtẹ ọyị kụ́ ịsụpa rị ẹkụra ẹbanyị-ẹbanyị ẹẹna.

³⁸ Ẹkụra ana dọ ịrẹsụ Igadi ẹ vị Ịramọtị ịnị ẹtẹ Igiriyadi beri Imahanayimi ẹtẹ ọyị kụ́ ịsụpa rị anị,

³⁹ Ịhẹsịbọnị ọnịrị Ijazeri beri ẹtẹ ọyị kụ́ ịsụpa rị ẹnịnị.

⁴⁰ Avaba ẹkụra ana a sị yị ịrẹsụ Imerari vị ẹwụrẹva.

⁴¹ Ịnị avaba ẹtẹ ọnị Anisirẹrị nịnị dọ, avaba ẹkụra ẹbanyị-ẹbanyị ana sị yị ezi Ireevi vị ẹbẹẹva tụra ịhịnta.

⁴² Avaba ẹkụra ana sị yị wa vị ana nyị ẹtẹ kara wa ịzị ẹ yaa kụ́ ịsụpa ẹnịnị rị.

Anisirẹrị nịnị ẹẹ dọ ẹtẹ.

⁴³ Ẹnẹyịmavara ộ sị avaba ẹtẹ ọnị ọ wo oto anị yị ohiku ẹnịnị ka ọnị aa sị yị wa. Ệ dọ ẹtẹ ọnọọ dị ẹ ra ịnị anị nị.

⁴⁴ Ẹnẹyịmavara ộ mẹ̀ ẹngwọọrọ yị wa ịnị avaba ọnọọ anka ọ mè wo oto anị yị ohiku ẹnịnị. Ẹ yị nyị ọnịvị ẹnịnị ana zụ va eyi ka wa agụvị ka Ohomorihi ộ sị wa nyị ẹbẹẹba avaba ọnịvị ẹnịnị.

⁴⁵ Ẹnẹyịmavara ộ mẹ̀ avaba ịsa oni o wo oto anị yị Anisirẹrị nịnị.