Ijosuwa 19 - IWE ỌNỊNỊ

Ọpa ẹtẹ Isimiyọnị

¹ Isimiyọnị ọ vị ọnị ụpọhụva ana á dà ẹtẹ yị nị. Abara-abara a dà ẹ yị wa nị. Ẹtẹ anị ộ ngụ ịnị ẹtẹ ana a sị yị Ijuda.

² Ọnị ọ nyị ịzị aā hị́ Ịbẹẹsẹba, Ịsẹba, Imorada,

³ Ihazari-Isuwari, Ibara ọnịrị Ezemi nị.

⁴ Ọnị ọ nyị Eritoradi, Ibeturi, Ịhọma,

⁵ Izikiragi, Ịbẹtị-Imakaboti, Ihazari-Isusa,

⁶ Ịbẹtị-Irebawoti, ọnịrị Isaruheni na vaka ẹkụra ẹbanyị-ẹbanyị ẹwụrẹta beri ẹkụra eweyi-eweyi ana kara wa.

⁷ Ọnị ọ nyị ịzị aā hị́ Ayini, Irimoni, Eteri, ọnịrị Asani ana vị ẹkụra ẹbanyị-ẹbanyị ẹẹna beri ẹkụra eweyi-eweyi ana kara wa.

⁸ Avaba ẹkụra ana kara ẹkụra ẹbanyị-ẹbanyị ẹnẹnị huuu na ngụ Ịbaaratị-Ịbẹẹrị ana a raa hị́ Irama Ịnẹgẹvị vị ana yà ịnị ẹtẹ anị. Ẹtẹ ọnọnị a dà yị ezi Isimiyọnị nịnị abara-abara nị.

⁹ Agụvị ka ẹtẹ Ijuda nịnị ộ banyị huna ọpa ene sì, â dà hụụnị ẹtẹ anị yị ezi Isimiyọnị nịnị.

Ẹtẹ ana a sị yị Izeburuni

¹⁰ Izeburuni ọ vị ọnị ọhụta a na da ẹtẹ yị nị. Abara-abara a dà ẹ yị wa nị. Ẹtẹ ẹnịnị ô tu ịzị aā hị́ Isaridi.

¹¹ Ẹhwị ẹtẹ anị ộ zị oze ọnị ọyịị̄ zịị naa ngụ ẹtẹ, dị ọ na ngụ ịzị aā hị́ Imara nị; ộ rẹ ngụ ịzị aā hị́ Idabeseti, dị ọ hụụ ịzọọ na ngụ ini okuha ana yà eyi ọnị ọyịị̄ zịị vẹ Íjokineyami nị.

¹² Ẹhwị ẹtẹ ẹnịnị ộ hụrẹ Isaridi zi oze ọsa eyi ọnị ọyịị̄ zị naa ngụ ẹtẹ nọ eyi ọnị ọyịị̄ zịị vẹ, dị ọ na ngụ ẹhwị ẹtẹ ịzị aā hị́ Ikisirọtị-Ịtabọ nị. Dị ọ hụụ ịzọọ na ngụ Idaberati, dị ọ huu ịzọọ và hịrẹ ne tu Ijahwiya nị.

¹³ Ộ hụụ ịzọọ zị oze ọnị ọyịị̄ zịị vẹ na ngụ ịzị aā hị́ Igati-Ihehwa, dị ọ rẹ na ngụ Etikazini nị. Ộ há zi oze Ineya, zị avọọ aa nọ Irimoni.

¹⁴ Eyi ẹbẹẹba, ẹhwị ẹtẹ ẹnịnị ộ ha zi oze ịzị aā hị́ Ihanatoni, dị ọ na zẹtẹ tụ inozi Ihwita-Eri nị.

¹⁵ Ẹkụra ẹnẹnị vị ana ya ịnị ẹtẹ ẹnịnị: Ịkatatị, Ịnaharari, Isimironi, Ịdaara, ọnịrị Ịbẹtịrẹhẹmị; avaba ẹnịnị vị ẹkụra ẹbanyị-ẹbanyị ẹwụrẹva beri ẹkụra eweyi-eweyi ana kara wa.

¹⁶ Ẹkụra ẹbanyị-ẹbanyị ẹnẹnị ẹnịrị ẹkụra eweyi-eweyi ene hi ịnị ẹnịnị yà ịnị ẹtẹ ana a sị abara-abara ezi Izeburuni.

Ẹtẹ ana a sị yị Iisaka

¹⁷ Ezi Iisaka nịnị ẹ vị ọnị ọhụna ana a dà ẹtẹ yị nị. Abara-abara a dà ẹtẹ yị wa nị.

¹⁸ Ịnị ẹtẹ ẹnịnị ẹkụra ẹnẹnị hi nị: Ijezirẹẹrị, Ichesuroti, Isunemi,

¹⁹ Ihahwareyimi, Isiyọnị, Anaharati,

²⁰ Irabiti, Ikisiyọnị ọnịrị Ebezi.

²¹ Ịrẹmẹtị, Eniganimi, Enihada, ọnịrị Ịbẹtị-Ipazezi.

²² Ẹhwị ẹtẹ ẹnịnị ô tụ Ịtabọ, Isahazuma, ọnịrị Ịbẹtịsẹmẹsị, dị ọ na zẹtẹ tụ Ijodani nị. Ẹtẹ ẹnịnị vị ẹkụra ẹbanyị-ẹbanyị ẹwụrịhịnọnyị beri ẹkụra eweyi-eweyi ene hi ịnị ẹnịnị.

²³ Ẹkụra ẹbanyị-ẹbanyị ẹnẹnị beri ẹkụra eweyi-eweyi ana kara wa ọ vị ẹtẹ ana a sị ezi Iisaka nịnị nị. Abara-abara a gà ẹ yị wa nị.

Ẹtẹ ana a sị yị Aseri

²⁴ Ezi Aseri nịnị ẹ vị ọgụ ọhụhị ana a dà ẹtẹ yị nị. Abara-abara a dà ẹtẹ yị wa nị.

²⁵ Ịnị ẹtẹ ẹnịnị ẹkụra ẹnẹnị hi nị: Iherikati, Ihari, Ibeteni, Akisahwi,

²⁶ Anamarẹkị, Amadi, ọnịrị Imisari. Eyi ọnị ọyịị̄ zị naa ngụ ẹtẹ, ẹtẹ ẹnịnị ộ ngụ Ịkamẹẹrị ọnịrị Ịsịhọ-Iribinati.

²⁷ Dị ọ zi oze oni ọyịị̄ zịị vẹ ha, na ngụ Ịbẹtị-Ịdagọnị, dị o re tu Izeburuni ọnịrị inozi Ihwita-Eri eyi ẹbẹẹba Ịbẹtị-Ẹmẹkị ọnịrị Ineyeri nị; ộ vavọọ yị na na ngụ eyi ẹbẹẹba ịzị aā hị́ Ikaburi.

²⁸ Ẹhwị ẹtẹ ẹnịnị ô tu Ebironi, Ịrẹhọbị, Ihamọnị, Ikana, huuu na ngụ Ịsịdọnị ana nyị ụbanyị.

²⁹ Ẹhwị ẹtẹ ẹnịnị ộ rẹ ha zi oze Iraama, dị ọ ngụ ẹkụra ọbanyị ana aā hị́ Ịtaya nị. Ịtaya vị ana jị ọvọ kara. Dị ẹtẹ ẹnịnị rẹ ha zị Ihosa, dị ọ na zẹtẹ tụ ịnị Òkū Imeditareniya nị. Ẹkụra ẹnẹnị vị ana rẹ yà ịnị ẹtẹ ẹnịnị: Imaharabi, Achizibi,

³⁰ Uma, Ahwẹkị, ọnịrị Ịrẹhọbị. Ẹtẹ ẹnịnị ộ nyị ẹkụra ẹbanyị-ẹbanyị ohurẹẹva beri ẹkụra eweyi-eweyi ana kara wa.

³¹ Ẹkụra ẹbanyị-ẹbanyị ẹnẹnị beri ẹkụra eweyi-eweyi ana kara wa ọ vị ẹtẹ ana a gà tu ezi Aseri nịnị nị. Abara-abara a gà ẹ yị wa nị.

Ẹtẹ ana a sị yị Inahwitari

³² Ezi Inahwitari nịnị ẹ vị ọgụ ọhụhịnọnyị ana a dà ẹtẹ yị nị. Abara-abara a gà ẹ yị wa nị.

³³ Ẹhwị ẹtẹ ẹnịnị ộ hụrẹ Ịhẹrẹhwị na ngụ ịnị ọchị ọbanyị ana ya Ịzaananimi, dị ọ na ngụ Adaminekebi ọnịrị Ịjamịnịya, huuu na na ngụ Ịrakumi. Dị ọ na zẹtẹ tụ Ijodani.

³⁴ Ẹhwị ẹtẹ ẹnịnị ọnọọ ộ zị oze ọnị ọyịị̄ zị naa ngụ ẹtẹ na ngụ Azinoti-Ịtabọ. Ộ hụụ ịzọọ na ngụ Ihukoki, dị ọ na gẹrị ẹhwị ẹtẹ Izeburuni eyi-ụvẹtẹ nị. Ịzọọ ọ vị ẹhwị ẹtẹ Aseri nịnị eyi ọnị ọyịị̄ zị naa ngụ ẹtẹ, ọnịrị Ijuda okuha Ijodani eyi ọnị ọyịị̄ zịị vẹ nị.

³⁵ Ẹkụra ana a jị ọvọ kara ịnị ẹtẹ ọnọnị ẹ vị. Izidimi, Izeri, Ihamati, Irakati ọnịrị Ichinereti nị,

³⁶ Adama, Ịrama, Ịhazọ

³⁷ Ịkẹdẹsị, Edireyi, ọnịrị Enihazọ.

³⁸ Ironi, Imigidareri, Ihoremi, Ịbẹtị-Anati, ọnịrị Ịbẹtịsemesi. Avaba ẹnịnị vị ẹkụra ẹbanyị-ẹbanyị ẹwụrịhịịna beri ẹkụra eweyi-eweyi ana kara wa.

³⁹ Ẹkụra ẹbanyị-ẹbanyị ẹnẹnị beri ẹkụra eweyi-eweyi ẹnẹnị ẹ vị ẹtẹ ana a gà Ezi Inahwitari nị. Abara-abara a gà ẹ yị wa nị.

Ẹtẹ ana a sị yị Ịdaanị

⁴⁰ Ezi Ịdaanị ẹ vị ọgụ ọhụhịmba ana a dà ẹtẹ yị nị. Abara-abara a dà ẹ yị wa.

⁴¹ Ịnị ẹtẹ ẹnịnị ẹkụra ẹnẹnị hi nị: Izora, Esitawori, Irisemesi,

⁴² Isaarabimi, Ayijaroni, ọnịrị Itira,

⁴³ Ẹrọnị, Itimina, Ekironi,

⁴⁴ Eriteke, Igibetoni, ọnịrị Ibaarati,

⁴⁵ Ijehudi, Ibene-Iberaki, Igati-Irimoni

⁴⁶ Imejakoni, ọnịrị Irakoni ana ya ẹhwị ẹtẹ, ọ̀ va eyi ka Ịjọpa.

⁴⁷ Ụmẹ ana a sị dọ ezi Ịdaanị nịnị ẹtẹ, ẹnịnị ệ kụ́ ịrẹkụ nọ Ịrẹsẹmị. Ê pe anịzọọ kụ ịrẹkụ, dị ẹ wụ̀ wa va ha nị. Ẹnịnị ệ dọ ẹtẹ ọnọọ, dị ẹ ra ịnị anị. Ẹnịnị ệ sị ịrẹha ohiku ẹnịnị yị ẹtẹ Ịrẹsẹmị, dị ẹ kụkụ aa hị́ ọ Ịdaanị nị.

⁴⁸ Ẹkụra ẹbanyị-ẹbanyị ẹnẹnị ọnịrị ẹkụra eweyi-eweyi ẹnịnị ọ vị ẹtẹ ana a ga tu ezi Ịdaanị nịnị nị. Abara-abara a gà ẹ yị wa nị.

Ẹtẹ ene tu Ijosuwa

⁴⁹ Ịjị Anisirẹrị nịnị sị ẹtẹ ọrụrụ-ọrụrụ gà, ẹnịnị ệ da ẹtẹ yị Ijosuwa ozi Inuni ka ọ̀ vị ẹtẹ ọnị ụvọta.

⁵⁰ Anka Ẹnẹyịmavara mẹ̀ vịdị mẹ̀ ẹ ọda yị Anisirẹrị nịnị ka, ẹkụra ọnị Ijosuwa òo họ̀ use anị kẹnẹ, ẹ̀ sị yọ, ẹnịnị ệ sị ẹkụra ana aā hị́ Itiminati-Ịsẹra yọ. Ịzọọ vị ana ya ịrẹsụ ataba Ehwireemi. Ô tenyi ịzọọ dà, dị ọ ra ịnị anị nị.

⁵¹ Ẹtẹ ẹnẹnị ohirẹsụ irehi Ohomorihi ana aā hị́ Eriyaza, ọnịrị Ijosuwa ozi Inuni, beri azọkụ-azọkụ abara-abara Anisirẹrị nịnị ga nị. Dị ẹ va gà a, ẹnịnị ệ si iruvo anị hụụnị ụvọ Ẹnẹyịmavara, enoze ajẹngụ Ẹnẹyịmavara Isiro. Aanị ẹ mẹmẹ gà ẹtẹ ọnọọ ta nị.