Ijosuwa 15 - IWE ỌNỊNỊ

A mẹmẹ ga ẹtẹ tu ịrẹsụ Ijuda

¹ Ẹtẹ ana a ga tu Ijuda, abara-abara vị ana na ngụ ụvẹtẹ ẹtẹ Edomi huu ne tù ụnọmị Izini eyi ụvẹtẹ kere-kere.

² Ẹhwị ẹtẹ ẹnịnị vi ene nyima hụrị ụtọ enyi ana ya eyi ụvẹtẹ irehu Anọ,

³ dị ọ jịnẹ tụ́ eyi ụvẹtẹ oze ana aa hị́ Uku na ngụ Izini. Avọọ ẹtẹ ọnọọ mẹ ne tu eyi ụvẹtẹ ẹkụra ana aā hị́ Ịkẹdẹsị Ibaneya nị. Ộ na ngụ Ihezironi hịrẹ ne tụ́ Adari, dị o jesi kara ne tu Ikarika.

⁴ Ộ para Azimoni hu na za irehu Ijipiti na ta ha ini òkū. Ịzọọ eyi ụvẹtẹ ẹtẹ ẹnịnị na ta ha hi nị.

⁵ Ẹhwị ẹtẹ ẹnịnị eyi ịzị ọyịị̄ kwẹẹtẹ ọ vị irehu Anọ huu na ngụ irenu irehu Ijodani nị. Ẹhwị ẹtẹ Ijuda eyi ẹbẹẹba vị ene nyima hụrị ụtọ enyi oku ana ya irenu irehu Ijodani,

⁶ dị ọ vavọọ hụụ ịzọọ na ngụ Ịbẹtị Ihogira, ne tu eyi ẹbẹẹba Ịbẹtị Araba na ngụ ịrẹta Ibohani ana vị ozi Irubẹnị.

⁷ Ẹhwị ẹtẹ ẹnịnị ộ hụrị ịzọọ na ngụ Idebiri hụrị inozi Enirogeri va hịrẹ ne tụ́ Igirigari ana va eyi ka oze ọbanyị Adumimi eyi ụvẹtẹ osuusu. Ẹtẹ ọnọọ ọ vavọọ hụrị ịzọọ na ngụ ịnị enyi Enisemesi, dị ọ jịnẹ tù ẹhẹ Enirogeri,

⁸ ộ hụrị ịzọọ hịrẹ na ngụ inozi Iveni Ihinọmị ana ya eyi ụvẹtẹ ọvachi ẹkụra ọbanyị Anijebusi ana vị Ijerusarẹmị. Ẹtẹ ọnọọ ộ hụrẹ nọ ịrẹsụ ataba eyi ịzị ọyịị̄ ngụ ẹtẹ ịnị inozi Ihinọmị ana ya eyi ẹbẹẹba ẹtaha inozi Irehwayimi.

⁹ Hụrị ịrẹsụ otutu ọ vavọọ sị ịrẹsụ ka apasị Inehwitowa jịnẹ tụ ẹhẹ ẹkụra ene hi ataba Ehwironi, chi na zi eyi Ibaara ọnị aa rẹ hị́ Ikiriyati-Ijeyarimi.

¹⁰ Ẹhwị ẹtẹ anị ô jesi kara eyi ọnị ọyịị̄ zị naa ngụ ẹtẹ ịzị aā hị́ Ibaara, ọ̀ sị gụrị ataba Ịsẹyị. Ộ zị oze ẹkụra ana aā hị́ Ikesaroni. Ikesaroni vị ana yà ọkahi eyi ẹbẹẹba ataba Ijerimi. Ẹhwị ẹtẹ ẹnịnị ọnọọ ộ và chi na ngụ ịzị aā hị́ Ịbẹtị-Isemesi, dị ọ rẹ na ngụ Itimina nị.

¹¹ Ẹhwị ẹtẹ ọnọọ ộ na ngụ ịnị ataba Ekironi eyi ẹbẹẹba. Dị ọ zị oze Isikeroni, para Ataba Ịbaara hu, dị ọ na ngụ ịzị aā hị́ Ịjabịnẹẹrị nị; dị a hịka ịnị Òkū Imeditareniya ọ na zẹtẹ tụ nị.

¹² Ụtọ Òkū Imeditareniya ọnọnị ọ vị ẹhwị ẹtẹ eyi ọnị ọyịị̄ zị naa ngụ ẹtẹ nị. Ẹhwị ẹtẹ ẹnẹnị Anijuda nịnị ra hi nị. Ẹhwị ẹtẹ ẹnẹnị Anijuda nịnị ra hi nị.

Ịkarẹbị ộ nyị ẹbẹẹba Ihebirọnị ọnịrị Idebiri

¹³ Anka Ẹnẹyịmavara mẹ̀ kà a yị Ijosuwa, â nyị ịpa ịnị ẹtẹ Anijuda nịnị ọnị ọ sị yị Ịkarẹbị ozi Ijehwụnẹ. Anijuda ọ vị nị. Ọnị a sị ịzị aā hí Ihebirọnị yị nị. Ọnọrụ ana aā hị́ Arịba ada Anaki ọ nyị ẹkụra ọnọọ nị.

¹⁴ Ịkarẹbị ộ dụ ezi Anaki nịnị hụụ ịzọọ. Abara ezi Anaki ẹnẹẹ ẹ rị Isesayi, Ahimanị, ọnịrị Itarimayi nị.

¹⁵ Ijosuwa ộ hụụ ịzọọ kụ́ ịrẹkụ ne tu aza ana ra hi ịzị aā hị́ Idebiri. Ẹkụra ọnọọ aā vịdịị hị́ Ikiriyati Isehwa nị.

¹⁶ Ịkarẹbị ộ kà a ka ọza tụra ọza ana àa nọ ịrẹvụ Ikiriyati Isehwa dị ọ dọ wa ẹtẹ ẹnịnị nị, ọnị vaa sị ozi ọnẹẹ aanị gà a ka ọ̀ vị ose anị. Ozi anị ọnọọ ọ rị Akịsa nị.

¹⁷ Â nyị ozi ọnọrụ ọnya ana aā hị́ Ọtịnẹrị. Ozi ọyịnyara Ịkarẹbị ana aā hị́ Ikenazi ọ vị nị. Ọtịnẹrị ọnọọ ọ va na dọ anẹkụra ọnọọ ẹtẹ nị. Dị Ijosuwa sị ozi anị Akisa gà a ka ọ̀ vị ose anị nị.

¹⁸ Ịhị ẹnẹ ẹyaa nyị ẹngụ, Ọtịnẹrị ộ kà a yị Akisa ka; ọ̀ kà a yị ada anị ka ọ̀ dà ẹtẹ yị ọnị. Akisa ô chí hụụ ịrẹsụ ịkẹrịkẹtẹ anị, dị Ịkarẹbị họ̀ ọ use ka, sí ee sì nị.

¹⁹ Akịsa ộ kà a yị ada anị ka, ọ̀ mẹ̀ ọnị ẹyịza, ọ ka ẹtẹ ọnị ọ sị yị ọnị vị ẹtẹ ọyịwụ. Ọnị ee sì ịzị ẹ nyị enyi. Ịzẹyịza, dị Ịkarẹbị sị apasị ana yị ẹbẹẹba ọnịrị ụvẹtẹ yọ nị.

Ẹkụra-ẹkụra ene hi ẹtẹ Ijuda

²⁰ Ẹtẹ ana a sị yị Anijuda nịnị abara-abara yị

²¹ Ẹkụra ana vị Anijuda nịnị vị ene hi ẹnẹẹnẹ eyi ụvẹtẹ. Ẹnị ana gụrị ẹhwị ẹtẹ Edomi ẹ vị Ikabizeeri, Ederi, ọnịrị Ijaguri,

²² Ikina, Idimona, Adada,

²³ Ịkẹdẹsị, Ịhazọ beri Itinani,

²⁴ Izihwi, Ịtẹrẹmị, Ibeyarọtị,

²⁵ Ịhazọ Ihadata, ọnịrị Ikeriyoti Ihezironi (ọnị ọ vị Ịhazọ nị)

²⁶ Amami, Ịsẹma, beri Imorada,

²⁷ Ihaza-Igada, Ihesimoni, Ịbẹtị-Ipereti

²⁸ Ihazari-Isuwari, Ịbẹẹsẹba, Ibiziyotiya

²⁹ Ibaara, Irimi, ọnịrị Ezemi.

³⁰ Anijuda nịnị ẹ rẹ nyị Eritoradi, Ichesiri beri Ịhọma nị.

³¹ Ẹnị ẹ nyị Izikiragi, Ịmadimana, Isansana,

³² Irebawoti, Isirihimi, Ayini, ọnịrị Irimoni: Ẹnịnị ệ nyị ẹkụra ẹbanyị-ẹbanyị ohurịhịịna, vaka ẹkụra eweyi-eweyi ana kara wa.

³³ Ẹnị ẹ rẹ nyị ẹkụra ene hi ụvẹtẹ ataba nịnị nị. Ẹkụra ẹnẹẹ aā hị́ Esitawori, Izora, Asina

³⁴ Izanowa, Ẹnganịmị, Itapuwa, Enami

³⁵ Ijarimuti, Adurami, Isoko, beri Azeka

³⁶ Isaarayimi, Aditayimi, Igedera, Igederotayimi; avaba anị vị ẹkụra ẹbanyị-ẹbanyị ẹwụrẹna beri ẹkụra eweyi-eweyi ana kara wa.

³⁷ Ẹnị ẹ nyị ẹkụra ana aā hị́ Izenani, Ihadasa, Imigidari-Igadi

³⁸ Idirani, Imizipe, Ijokiteeri,

³⁹ Irakisi, Ibozikati, ọnịrị Egirọnị nị.

⁴⁰ Ịkabọnị, Ịrahịmasị, Ikitirisi,

⁴¹ Igederoti, Ịbẹtị-Ịdagọnị, Inaama, ọnịrị Imakeda-avaba anị vị ẹkụra ẹbanyị-ẹbanyị ẹwụrịhịnọnyị beri ẹkụra eweyi-eweyi ana kara wa.

⁴² Ẹnị ẹ nyị Iribina, Eteri, Asihani.

⁴³ Ihwita, Asihanahi, Inezibi

⁴⁴ Ikeyira, Achizibi, ọnịrị Imaresa nị avaba anị vị ẹkụra ẹbanyị-ẹbanyị ịhịịna beri ẹkụra eweyi-eweyi ana kara wa.

⁴⁵ Ekironi, beri ẹkụra ana vaka wa ọnịrị ẹkụra eweyi-eweyi,

⁴⁶ ọnịrị avaba ẹkụra ẹbanyị-ẹbanyị ẹnịrị eweyi-eweyi ana gụrị ịzị aā hị́ Asidodi, hụrẹ Ekironi na ngụ Òkū Imeditareniya, Anijuda nịnị ẹ nyị nị.

⁴⁷ Asidodi beri ẹkụra ẹbanyị ẹnịrị eweyi-eweyi ene hi ịzọọ; Igaza beri ẹkụra ẹbanyị ẹnịrị eweyi-eweyi ene hi ịzọọ; na ngụ ini okuha ana yà ẹhwị ẹtẹ Ijipiti, ọnịrị ụtọ-ụtọ Òkū Imeditareniya.

⁴⁸ Â nyị ẹkụra ene hi ịnị ataba ana aā hị́ Isamiri, Ijatiri, ọnịrị Isoko,

⁴⁹ Ịdana, Ikiriyati-Isana (ọnị ọ vị Idebiri nị),

⁵⁰ Anabi, Esitemo, Animi,

⁵¹ Igoseni, Ihoroni, ọnịrị Igiro; avaba anị vị ẹkụra ẹbanyị-ẹbanyị ẹwụrọnya beri ẹkụra eweyi-eweyi ana kara wa.

⁵² Â nyị ẹkụra ana a raa hị́ Arabi, Iduma, Esani,

⁵³ Ijanimi, Ịbẹtịtapuwa, Izanowa,

⁵⁴ Ihumita, Ikiriyati-aba (ana aā hị́ Ihebirọnị), ọnịrị Iziyọ: Ẹkụra ẹbanyị-ẹbanyị ịhịịna beri ẹkụra eweyi-eweyi ana kara wa.

⁵⁵ Â nyị ẹkụra ana aā hị́ Imawoni, Ịkamẹẹrị, Izihwi, Ijuta,

⁵⁶ Ijezirẹẹrị, Ijokideyami, Izanowa

⁵⁷ Ikeeni, Igibiya, ọnịrị Itimina: ẹkụra ẹbanyị-ẹbanyị ẹẹwụ beri ẹkụra eweyi-eweyi ana kara wa.

⁵⁸ Â nyị ẹkụra ẹnyị ana aā hị́ Iharihuri, Ịbẹtịzuri, Ịgẹdọ,

⁵⁹ Imaarati, Ịbẹtị-Anoti, ọnịrị Eritekoni; ẹkụra ẹbanyị-ẹbanyị ịhịnọnyị beri ẹkụra eweyi-eweyi ana kara wa.

⁶⁰ Â rẹ nyị ịzị aā hị́ Ikiriyati-Ibaari (ana aā hị́ Ikiriyati-Ijeyarimi), ọnịrị Ịraba: Ẹkụra ẹbanyị-ẹbanyị ẹẹva beri ẹkụra eweyi-eweyi ana kara wa.

⁶¹ Â nyị ẹkụra ene hi ịnị ụnọmị ana aā hị́ Ịbẹtị-Araba, Imidini, Isekaka,

⁶² Inibisani, Ẹkụra anọ, ọnịrị Enggedi; ẹkụra ẹbanyị-ẹbanyị ịhịnọnyị beri ẹkụra eweyi-eweyi ana kara wa.

⁶³ Ama Anijuda nịnị ẹ rẹ va nyẹngụ dụ Anijebusi nịnị; ọnị ọ mẹ̀ ka Anijebusi nịnị ẹ̀ ra beri Anijuda pooro tu ajịnị hi Ijerusarẹmị nị.