Ijoovu 23 - IWE ỌNỊNỊ

Ohi ọnị Ijoovu sị Erihwazị Ịrẹyị ọnị Ijoovu kà

¹ Ijoovu ka:

² Ajịnị vị ọnị nyayịnẹ ee du ayị hi Ohomorihi agụvị ka aa chamayị yị ọnị. Ộ mẹ ka ọnị ọọ rị ụya.

³ Àa yẹ ọnị ọ yẹ ịzị ọ ya dị ọnị o ne tu ọ.

⁴ Dị ọnị ọ sị ịrẹyị anị tụ ọvịdị anị, dị ọnị ọ kụ irenu anị zụ ọ.

⁵ Ijoovu ka ọnị ee si ka ọnị ọ yẹ ohi ọnị Ohomorihi vaa sị yị ọnị.

⁶ Ohomorihi ẹ yị vaa hụvị avọọ wure ọnị. Eyiyee, ọ vee batọ dị ọ wụ irenu anị.

⁷ Ka ọnị ẹ yị rị ịvị, ọ vaa hụrẹ ọnị ụvọ.

⁸ Ama ọnị o si Ohomorihi ịrẹma ọnịrị ọvịdị anị, ọnị e yi re.

⁹ Ọnị rẹ si ọ akaha eyi ẹnyị ọsa, ọnị e yi re e. Ama Ohomorihi vị anaā yị mẹ̀ ụkọrọ anị na.

¹⁰ Ọ yẹ avaba ịsa ọnị aa mẹ. Ọ̀ọ zama ọnị re, ọ yẹ ka ọnị ọ nị anka Igooru.

¹¹ Ijoovu ka ọnị ẹ yị ha hụrẹ oze anị. Vị́ ọnị saasa a nị.

¹² Ịsa ọnị Ohomorihi ka ọnị saasa a ụmẹ tụra ụmẹ nị. Ọnị sị ụvọ za ẹtẹẹrẹ nị.

¹³ Ama Ohomorihi ọ mā vara. Ẹnẹ zụ za a ka asị ọ mẹ ene zee eyi?

¹⁴ Ọ vaa mẹ ịsị ọ ka ọnị aa mẹ yị ọnị ịnị ịsa ọrụrụ ọnị ọ mẹ eto anị.

¹⁵ Avọọ angwa vanaa nyayịnẹ ee hi ọnị ọvịdị Ohomorihi.

¹⁶ Ọ raa mẹ ka ayị o swe enyi hi ọnị ịnẹ.

¹⁷ Ohomorihi ee chire ọnị angwa nị, ẹ yị etohozi ene ku ọnị ka asị ọnị re ẹtẹ.