Ijeremaya 47 - IWE ỌNỊNỊ

Ịrayị ọnị Ẹnẹyịmavara kà ịnị ịpa ẹkụra ana aā hị́ Ihwirisitiya

¹ Ijeremaya ka, dị ohinọyị Ijipiti va kụ́ ịrẹkụ ne tu ẹkụra ana aā hị́ Igaza, Ẹnẹyịmavara ộ kà ịrẹyị yị ọnị ịnị ịpa Ihwirisitiya,

² Ọ kà, ré, ịrẹyị aa vẹ hụrị eyi ẹbẹẹba. Aa vẹ eyiha-eyiha anka irehu ọọ́ há ngụ ẹkụra avọọ. Ịrẹyị ọnọọ vee tu avaba aha ọnịrị ịsa ene hi ịnị anị, o vee tu ẹkụra ọrụrụ ọnịrị aza ana ra hi ịzọọ. Aza vee nowu ka à va gụ ẹnị ụvọ; dị avaba anẹhẹ aa jị òrèrè ọngwọọngụ.

³ Aza vaa wụ́ ahụ umaata nịnị ịrẹyị é mee zwe echi, ẹ vaa wụ́ ụkẹkẹ ịrẹkụ ọnịvị ẹnịnị ịrẹyị dị ẹyaa wụ́ ahụ ụkẹkẹ ọnịvị ịrẹka. Aza ezi nịnị ẹ́ yị va jẹẹ ka ẹnị ẹ̀ gụ ezi ẹnịnị ụvọ. Ụvọ ẹnịnị vị ene vee sú za wa ẹngụ,

⁴ ka, ụmẹ o si tu ka è vu Ihwirisitiya ẹtẹ. Dị aa wụ̀ avaba aza ana vẹtẹ ana yaanị aa mẹ ọgụvọọ yị ẹkụra Ịtaya ọnịrị Ịsịdọnị. Ẹnẹyịmavara kà ọnị vee vu Anihwirisitiya ẹtẹ dị ọnị vu avaba aza ana hụrị utenyi ẹtẹ Ikerete vẹ ẹtẹ.

⁵ Ịrẹyị ayodu ana banyị ộ ka Anigaza vẹ. Anẹkụra ana aā hị́ Asikeroni vị ana vaa tịtẹ sisisi. Ịzị Anihwirisitiya ana vọ vaa maanị sụ ùnè nee tu da?

⁶ Ẹwụ nịnị Anihwirisiti ka, kaaa! Ẹnẹyịmavara ọ̀ raa kụ́ ịrẹkụ tu wu nịnị. Ụ ka ịzị ọ vaa maanị tọ̀ wụ nịnị ụnava nee tu? Ịhị ụ vaa nyị ụhwọtụ nịnị da?

⁷ Ama ịrẹkụ ọnọnị mẹmẹ zụ ji ịrẹma ọnị Ẹnẹyịmavara sị ọda mẹ ka aa kụ̀ ọ? Ọnị ọ mẹ ọda ka a kụ́ ịrẹkụ ne tu Asikeroni ọnịrị aza ana ra hi utenyi nị.