Ijeremaya 45 - IWE ỌNỊNỊ

Ịrẹyị ọnị Ẹnẹyịmavara kà tịtẹ yị Ibaruki.

¹ Ịnị ịrayị ọhụna ọnị Ijehoyakimi ozi Ijosaya sị rị ohinọyị Ijuda, Ijeremaya ka, ọnị ộ za ịrẹyị ọnị Ẹnẹyịmavara kà yị ọnị ịrịka hi ẹtẹ yị Ibaruki ozi Ineraya, dị ọ́ chẹrẹ wa tụ ịnị iwe nị. Ọnị ộ kà a yị ọ ka,

² Ẹnẹyịmavara, Ohomorihi Anisirẹrị ka, Ibaruki,

³ Ụ ka, wa sị da! ka Ẹnẹyịmavara, ọ raa sị ayodu vaka ẹngụkata awụ yị wụ. Ụ ka, ọ́ sị ngụ wụ ẹngụ u mee rimanya, wẹ́ yi nyị ụhwọtụ vụrụ-vụrụ.

⁴ Ẹnẹyịmavara kà, ọnị ọ̀ kà a yị Ibaruki ka, ọnị Ẹnẹyịmavara vaa gara ịsị ọnị ọnị vịdị kụ gụụ ha, dị ọnị re hu ịsị ọnị ọnị vịdị chire hụrẹ ẹtẹ. Avọọ ọnị mẹ vaa mẹ avaba ẹhẹ nị.

⁵ Avọọ, asị ẹwụ Ibaruki kà a ka wee si ịsa ozoza-ozoza yị ẹngụ awụ, agụvị ka ọnị Ẹnẹyịmavara vaa kụ ẹngụkata tu avaba aza, ọ ka, ama ẹwụ Ibaruki, aha tụra aha ọnị waa nọ, ọnị ẹ́ yị vaa zẹẹ ka à nyị ịsị ẹ mẹ̀ ẹwụ.