Ezikẹẹrị 15 - IWE ỌNỊNỊ

Ijerusarẹmị vị ana sị mẹẹ ọchị ịvayịnị ẹnẹ ẹ̀ yị tụ́ ẹtụtụ.

¹ Ezikẹẹrị ka ẹkụhị ọnya, Ẹnẹyịmavara ộ kà a yị ọnị ka.

² Ozi-ọza, sị ọkụ ịvayịnị sị huna ọkụ ana vọ kẹ? Sị́ avọ anị si huna ọchị ana vọ hi ini iruku kẹ?

³ Â dà ọchị hụụnị anị naa mẹ̀ ịsa ọnyọọnyị da: Ọchị anị ọ rụra ọza dà ne hì jẹẹ, dị ọ̀ọ kụ ịsa gẹ ẹ?

⁴ Re, ịra kẹnẹ ọ rụra ka nị. Ịjị ụtụụtọ anị ệ sị rị ịra, dị ini akakana anị kuku ee mine nị, sị ọ kụkụ rụra mẹ kẹ?

⁵ Rẹ, ịjị ọ vị ọyịvụrụ, ẹ́ yị nyị ịsị ọ rụra mẹ, ọ́ mẹ kụkụ va sị rị ịra di ee mine aanị ộ vaa rụraa mẹ ịsị ọnyọọnyị nị.

⁶ Avọọ, Ẹnẹyịmavara Ananyị ụkata hu ka, anka ọchị ịvayịnị mẹ yà ịnị akakana ọchị ana vọ hi ini uruku, ọnị ọnị sị ka asị kà ịra avọọ, avọọ ọnị mẹ vaa hụrẹ Anijerusarẹmị nịnị ụvọ nị.

⁷ Ọ kà ọnị vaa và eyi ịrazịị ka wa. Ẹnịnị ệ há hụụnị ụvọ ịra dee, ama ịra o vee vu wa ẹtẹ nị. Ịjị ọnị ọ̀ọ va eyi ịrazị ka wa, ẹnịnị vaa yẹ ka ọnị ọ vị Ẹnẹyịmavara nị.

⁸ Ẹnẹyịmavara Ananyị ụkata hu ka, ọnị vaa tụ́ Ijerusarẹmị osusu, agụvị ka ẹnịnị ẹ yị sị ayị tụra ọnị.