Iwe Ọhụhị Imosiisi ana aa hị́ Ọyịvatụrọda 2 - IWE ỌNỊNỊ

Imosiisi ô tamayị Anisirẹrị ịsị ẹ me Ịsẹyị

¹ Imosiisi ka, ịjị Anisirẹrị vavọọ raa vara eyi aa ngụ ụnọmị, dị ẹ vatụra oze ana na ngụ oku ịkẹ-ịkẹ anka Ẹnẹyịmavara mẹ mẹ̀ ọda yị wa nị. Dị ẹ kú ịzọọ ẹtẹẹtẹrẹ, ẹ maa va chị va hịrẹ ịrẹsụ ataba Ịsẹyị nị.

² Ụmẹ ọnọọ, Ẹnẹyịmavara ô pe Imosiisi ka ịrẹyị.

³ Dị ọ ka, Ẹhụ ene e jesi kara ẹtẹ avọọ ò zee. Ẹnịnị ẹ va ịrẹsụ ka oze ẹyị ẹbẹẹba.

⁴ Dị ọ ka, Imosiisi ọ̀ ka yị wa ka è vee che Ịsẹyị ẹtẹ Anedomi ana vị anda ẹnịnị parahu. Aza ene hi ịzọọ vee hí angwa, ama asị ẹ va ẹngụ ha.

⁵ Asị ẹnịrị evere Iisọ zyaazị ẹtẹ ọnyọọnyị agụvị ka Ẹnẹyịmavara ộ ra sị avaba ẹtẹ Anedomi ene hị́ ịrẹsụ ataba Ịsẹyị yị wa.

⁶ Ama ẹnịnị ẹ zụ hị́ ịsọyịrị ọnịrị ẹnyị hụụnị ụvọ ẹnịnị ẹ̀ẹ yaa parahu.

⁷ Dị Imosiisi ka, asị ayị hi wa ka Ẹnẹyịmavara vene sere wa ịrayị ẹbẹẹva ịhị ụnọmị paragada. Ộ mẹ̀ ẹhẹ rọ wa ẹngụ, ẹ yị nyị ịsị ẹ zwọ wa.

⁸ Dị Anisirẹrị para Ịsẹyị hu sị oze ana hụrẹ Erati ngụ Ezayọnị-Ịgẹba tịtẹ, dị ẹ va eyi ka oze ịnị ụnọmị Animowabi nị.

⁹ Dị Ẹnẹyịmavara kà yi Imosiisi ka asị e beri Animowabi ana vị evere Ịrọọtị zyaazị agụvị ẹtẹ. Ẹnị ẹ nyị ẹkụra ana a hị́ Aarị nị. Ọnị ẹ yị vaa dọ evere Iisọ ẹtẹ yị wa.

Ịrẹsụ ana ra gụrị Ịkanaanị

¹⁰ Anemimi ẹ vịdị ra ịzọọ nị. Ẹnịnị ệ rụrụ, ệ nyị ụkata, dị ẹ hụ anka ezi Anakimi avọọ nị.

¹¹ Ịrẹha ọsa ana a hị́ wa ọ vị Irehwayimi nị.

¹² Anihori nịnị ẹ̀ vị ọdịrẹma ana ra Ịsẹyị dị evere Iisọ vaa dọ wa jịnẹ anka Anisirẹrị mẹ dụ ọnịvị ẹnịnị hụụnị ẹtẹ ọnị Ẹnẹyịmavara sị yị wa.

Anisirẹrị ana jịnẹ opooporo Ịzẹrẹdị

¹³ Ịzẹyịza, dị Anisirẹrị nịnị kwẹẹtẹ, dị ẹ jịnẹ okuha Ịzẹrẹdị anka Ẹnẹyịmavara mẹ̀ ka yị wa.

¹⁴ Ịrayị ohurẹẹwụ tụra ịhịnta ẹ sị zị ụsẹ hụrẹ Ịkẹdẹsị Ibaneya na ngụ okuha Ịzẹrẹdị nị. Avaba anọrụ ana kụ́ ịrẹkụ vene su anka Ẹnẹyịmavara mẹ kà a yị wa.

¹⁵ Ẹnẹyịmavara vana sị ụya rị wa pooro dị avaba ẹnịnị su va ha.

¹⁶ Ịrẹma ọnị avaba ẹnịnị wusu ha,

¹⁷ dị Ẹnẹyịmavara kà a yị wa ka,

¹⁸ ịhị ọnọọ ẹ yaa hụụnị ẹtẹ Animowabi na ngụ Arị nị.

¹⁹ Ịjọnọọ ẹ yaa gụrị ẹtẹ Anamọnị ana vị evere Ịrọọtị. Asị e beri wa zyaazị ẹtẹ ẹnịnị agụvị ka ọnị ọ yị vaa varẹma sị ẹtẹ yị wa.

Anẹkụra ana vọ ana ra gụrị ẹtẹ Ịkanaanị

²⁰ Anirehwayimi ana nyị ẹtẹ ọnọọ ana ra ịzọọ vị ọnị Anamọnị nịnị hị́ Izamizumi.

²¹ Aza ẹnẹẹ ẹ̀ kata, dị ẹ rụrụ, dị ẹ hụ bahị-bahị anka evere Anakimi avọọ. Ẹnẹyịmavara ọ̀ vịdị vu wa ẹtẹ, dị Anisirẹrị va sị ịzọọ mẹ ẹtẹ ẹnịnị nị.

²² Avọọ Ẹnẹyịmavara mẹ̀ rẹ mẹmẹ dọ ẹtẹ yị evere Iisọ nị. Dị ẹ vavẹ ịzọọ, Ẹnẹyịmavara ọ raà kụ́ Anihori ana ra Ịsẹyị kwooze agụvị dị ịzọọ ọ vị ẹtẹ ẹnịnị. Evere Iisọ ẹ ra ịzọọ pooro tu ajịnị nị.

²³ Ẹngụ ịrẹyị ọnọọ o re tu Avimi ana ra ẹkụra ana gụrị Igaza nị. Anịkahụtọ ana vị Anikereti ọ̀ hụ wa ẹkụra ẹnịnị dị ẹ sị ẹtẹ ẹnịnị nị.

Anisirẹrị nịnị ana jịnẹ opooporo Arinọnị

²⁴ Ịrẹma ọnị Anisirẹrị sị para Imowabi hu, dị Ẹnẹyịmavara kà ẹnịnị ẹ kwẹẹtẹ ẹ jịnẹ okuha Arinọnị, ọ ka ọnị ọ raa sị Isihoni, ohinọyị Anihesiboni chire ụvọ. Ẹ na kụ ịrẹkụ dị ẹ dọ wa ẹtẹ.

²⁵ Ẹnẹyịmavara kà ọnị vaa mẹ ka avaba aza ee hí angwa ẹnịnị. Ọza tụra ọza anaa wụ ịrẹha ẹnịnị kẹnẹ, dị ivóvó anị aa za a.

 mẹmẹ huna Isihoni Ohinọyị Ịhẹsịbọnị

²⁶ Ịnị ụnọmị Ikedemoti, Imosiisi ộ tụ́ ụtụ ẹngwọọrọ ne tù Isihoni ana vị ohinọyị Ịhẹsịbọnị.

²⁷ Imosiisi ka, ọ̀ navọ ọnịrị aza e che ẹkụra anị parahu. Oze kẹnẹ ẹnị vaa vatụra nị. Ẹnị ẹ ị vaa ha zị aha ẹnyẹnyị.

²⁸ Ẹnị vee sị ụta ịsọyịrị ọnịrị enyi ọnị ẹnị ee hu. Aarihini ọ̀ jẹẹ ẹnị ẹ parahu,

²⁹ anka Anedomi ene hi Ịsẹyị ọnịrị Animowabi mẹ sị oze yị ẹnị parahu ịnị ẹtẹ ẹnịnị.

³⁰ Ama, Isihoni ẹ yị zẹ ka ẹ parahu. Ẹnẹyịmavara ô mẹ̀ ayị katẹngụ agụvị ẹnị ẹ zụ nyị ẹbẹẹba anị, dị ẹnị ẹ dọ ọ ẹtẹ anị.

³¹ Dị Ẹnẹyịmavara kà yị Imosiisi ka ọnị ọ raa tụ́ Isihoni ọnịrị aza anị ọkụmị, ẹnịnị ẹ na dọ ọ ẹtẹ dị ọ vị ẹnịnị.

³² Dị Isihoni kụ́ aza jịnẹ nọ ịrẹkụ ẹnịnị ọ gụrị ẹkụra ana a hị́ Ijahazi nị.

³³ Ama dị Ẹnẹyịmavara Ohomorihi ẹnịnị sị ọ chire ẹnị ụvọ, dị ẹnị wụ ọnịrị ezi anị beri avaba aza nị.

³⁴ Ịnị ụmẹ ọnọọ, ẹnị sị rị avaba ẹkụra ẹnịnị, dị ẹnị wụ̀ avaba aza ene hi ịzọọ, dị e yị nyị ọza ana ha ịnị, ẹnịnị vụrụ-vụrụ.

³⁵ Dị ẹnị kụ ịsụpa ọnịrị ogu ẹnịnị nị.

³⁶ Dị Ẹnẹyịmavara mẹ ka ẹ rị avaba ẹkụra ẹnẹẹ hụrị Aroyeri huu va ngụ Igiriyadi.

³⁷ Ama ẹnịnị ẹ yị gụrị ẹtẹ Anamọnị a vị ụtọ irehu Ijaboki, a vị ẹkụra ene hi ịrẹsụ ataba ọnịrị aha ana vọ ịzị Ẹnẹyịmavara kà yị wa ka asị ẹ ngụ.