Biblia Todo Logo
Bìoball air-loidhne

- Sanasan -

Ayịsaya 35 - IWE ỌNỊNỊ


Ịrajẹ aza Ohomorihi

1 Ụnọmị ọnịrị ẹtẹ ana vịdị tịtẹ paapara re venee hunẹnẹ, dị ọchị ene hi ịnị anị aa tụ́.

2 Mị ka ụnọmị ẹnẹẹ vee hunẹnẹ, dị ẹngụ avaba ọchị ene hi ịnị anị tịtẹ hụtụ-hụtụ. Ịrẹbanọnị rẹ vanaa vàa nọ udi ụbanyị anị. Ataba Ịkamẹrị ọnịrị Ịsarọnị re venee hunẹnẹ di e zoza. Avaba aza vee re ụbanyị ọnịrị ụkata Ẹnẹyịmavara ana vị Ohomorihi ayị.

3 Tụ́ aza ọnị ọ sị ngụ ẹngụ ọtụtụrụma. Sị ụkata yị aza ana vaa hyẹdụ ka ẹ̀ jẹẹ.

4 Kà ẹ yị aza ana ayị aa hụrẹ ịnẹ ka asị angwa rè hí wa; ẹ̀ nyị ọtụtụrụma, ka Ohomorihi ẹnịnị aa vaa dọ wa há. Dị ọ ụya rị ọnịvị ẹnịnị.

5 Ogweyi nịnị vee re ẹtẹ, di ogutọ nịnị aa wụ́ ịrẹyị.

6 Oswahụ nịnị vaa kwẹẹtẹ di e yee ji iriga anka ẹdọ avọọ, di ogurenu nịnị ee nowu ẹ màa jẹ ịrajẹ. Orosi nini vaa ha irenu ịnị ụnọmị ọpaapara di enyi ee si.

7 Àarẹ ana aa ngụraa za ọza vaa vara adagu enyi, dị ẹtẹ ana sị wụ̀ kokoroko kụkụ aa tụ̀ enyi avaba aha. Ịzị akatapooro nịnịị̄ vịdịị yà, vị avị ini apasị ọnịrị ịkẹ vee nyii hi.

8 A vaa nyị oze ọbanyị ọnya ịzọọ, ana a hị́ “Oze Ọnịnị”. Aza ana aa mẹ̀ ebira odivi ẹ yị vaa zị oze ọnọọ pàá. Aza edivi ana aa mẹ ụra ẹ yị vaa zị oze ọnọọ.

9 Ẹ yị vaa nyị Idu ịzọọ. Ẹ yị rẹ nyị uye odivi ọnyọọnyị ana vaa vatụra oze ọnọọ. Aza oni Ohomorihi sị hị́ varẹma kẹnẹ ẹ vaa vatụra oze ọnọọ nị.

10 Ẹnịnị vaa sị ayohine na ngụ Ijeruasarẹmị, dị ẹ yaa jẹ ịrajẹ, dị ẹ yaa jị ahẹ naa pooro. Ẹnịnị vaa jẹ pooro, dị ẹ mā vana yẹ ịsị aā hị́ orere ọnịrị ayodu pàá.

Ebira First Bible © Bible Society of Nigeria, 2014.

Bible Society of Nigeria
Lean sinn:



Sanasan