Ahẹ Ụgama 87 - IWE ỌNỊNỊ

Ahẹ ana a jị gono Ijerusarẹmị (Ahẹ ezi Ikora).

¹ Ẹnẹyịmavara vị ana dà ẹkụra anị tụ́ ịrẹsụ ataba ọnịnị anị.

² Ô sì ịrẹyị Ijerusarẹmị huna avaba ẹkụra ana vọ ịzị Anisirẹrị nịnị ra.

³ Ẹwụ ẹkụra Ohomorihi, Ohomorihi vị ana kà ọyịza-ọyịza awụ.

⁴ Ọ kà ọnị vaa chẹrẹ ẹ ka Ịrahabị ọnịrị Ịbabịrọnị yị ịnị anẹkụra ana yẹ ọnị. Anihwirisiti ne beri Anitaya ọnịrị Anikusi ka ẹnị ẹ̀ rẹ yẹ ọnị bẹẹ.

⁵ Aza vị ana vaa kà a ka avaba anẹkụra e hí Ịzayọnị nị. Ohomorihi ana nẹba hu keekere ọnị ụvọta ọ vaa sị Ịzayọnịị jẹẹ nị.

⁶ Ẹnẹyịmavara vaa chẹrẹ ịrẹha avaba anẹkụra tụ́ ini iwe. Avaba ẹnịnị vị ọnị ọ vaa chẹrẹ ka Anịzayọnị ẹ vị nị.

⁷ E vee hú ịsa, dị ẹ yaa jị ahẹ ka, “Avaba ogu ayị vị ana hụrị Ịzayọnị vẹ”.