Ahẹ Ụgama 82 - IWE ỌNỊNỊ

Ohomorihi ọ vị ohinọyị ene hu nị. (Ahẹ Asahwi).

¹ Ori nịnị mẹ̀ ta wara gụ, di Ohomorihi jẹẹ ịnị akakana ẹnịnị dị ọ mẹ̀ ọkarẹyị yị wa nị.

² Ẹwụ nịnị ana nyị ụkata, sị ẹ vẹ dị waa sị ịrẹyịị gụ ọza ana aa mẹ̀ ebira odivi nịnị? Sị ẹ vẹ dị wee sima ọkarẹyị mẹ ka wa sị gụ aza edivi nịnị?

³ Ọkụmị ọnịrị ozi oku vị ana vọrọ ka waa ba owu nịnị. Oniruwa ọnịrị aza ana aa mẹ ehuna yị vị ana vọrọ ka wa dọ ịrẹvụ ẹnịnị vụ̀.

⁴ Navọ wa dọ ọkụmị ọnịrị onosiye nịnị tụ́. Dọ wa hụụnị ụvọ aza edivi.

⁵ Ẹwụ nịnị ana nyị ụkata, wáa yẹ ka wẹ yị yẹ ịrẹyị nịnị vụrụ-vụrụ? Ụkọrọ odivi kẹnẹ ụ waa mẹẹ zị nịnị, wa sị ẹhẹ và ịrẹsụ chi nịnị.

⁶ Emi e si o ro ka wâ nyị ụkata nịnị, dị ẹmị aa hị́ ka avaba awụ nịnị vị ozi Ohomorihi ana yà ẹbẹẹba keekere nị.

⁷ Ama vi u vee sú nịnị kẹnẹ anka ọzarẹyịrẹsụ avọọ nị. Óohinọyị ana vọ mẹ̀ vịdị ta, avọọ ẹ́wụ nịnị mẹ̀ rẹ vaa ta nị.

⁸ Ohomorihi, navọ wa kwẹẹtẹ dị wa mẹ̀ ọkarẹyị anẹhẹ. Ẹwa nyị avaba anẹhẹ nị.