Biblia Todo Logo
Bìoball air-loidhne

- Sanasan -

Ahẹ Ụgama 61 - IWE ỌNỊNỊ


Ọza ana mẹ̀ aduwa ka Ohomorihi ò sere ọnị (Ahẹ Idevidi oni o hú agidibò tụ́, ana yà ịnị ụvọ ọga ọjahẹ).

1 Ohomorihi, navọ kwogwo wa ba mi owu, dị wa wụ́ aduwa amị.

2 Wéē re ka mẹ yị gụrị eehi vụrụ-vụrụ ịzị mị yà aa hị́ wụ aanị Ọ kụ́ mị tụ́, ộ ta du mi eyi Navọ we sì aha sị mị tẹ dị asị a nyị ịsị ẹ zụ mẹ mị.

3 Ohomorihi, ẹwụ ee sere mị ka asị a nyị ịsị ẹ mẹ̀ mị, nọ Wẹ yị zẹẹ vụrụ-vụrụ ka ọnịvị ò re oze kanyị mị.

4 À kà ka ini eehi awụ mị yà pooro ịnị ẹhẹ amị nị, di me re aha vaka tụ́ ịda awụ.

5 Ohomorihi wâ wụ́ ịsị mị ka mị vaa mẹẹ wụ Aza ana àa sị ụbanyị wụ â nyị ịsị u sịị̄ yị wa wa raà sị ịsa ọnọọ mị.

6 Navọ kwogwo wa mẹ ka ohinọyị ò kú orubo ọcha, ò kú orubo ẹya.

7 Ohomorihi, navọ kwogwo ohinọyị ọ̀ maanị yị yà eyi awụ dị ọọ mẹ ohinọyị pooro Navọ we sere e anka u mè sii sì ịrẹyị ọza, dị ụ rẹ nyị ịzẹyịza.

8 Wàa maanị mẹ, dị maa jị ahẹ kụ́ wụ avọ pooro Ịsị mị ka maa mẹẹ wụ, dị mị vavọọ aa mẹ̀ ẹ wụ eyinị-eyinị.

Ebira First Bible © Bible Society of Nigeria, 2014.

Bible Society of Nigeria
Lean sinn:



Sanasan