Ahẹ Ụgama 6 - IWE ỌNỊNỊ

Aduwa oni Idevidi mẹ ọ mẹ̀ nyị ẹngụkata (Ahẹ Idevidi oni o hú agidibò tụ́)

¹ Ẹnẹyịmavara, navọ wa nyị isuuru, asị ụ sị ụya rị mị. Navọ asị ụ zẹẹ ka ọyịkụ ọ̀ mẹ ka we tụ́ mi ipono.

² Ẹnẹyịmavara, aarịhịnị vayị amị ka ọ kụ́ mị tụ́; aarịhịnị navọ wa sị ẹngụ amị nịya ka ẹngụkata ọnọnị vi ene chi mi ẹngụ.

³ Ẹngụ amị vị ana nyayịnẹ kata ẹnẹmẹhị, aarịhịnị navọ we juntu gụ mị ụvọ.

⁴ Ẹnẹyịmavara ẹwụ vị ene ee sì ịrẹyị ọza pooro. Navọ wa nyị isuuru dị wa dọ mị tụ́.

⁵ Ọza òo wusu ọ yị kụkụ zụ tamayị awụ. Vị ọza wáá zụ hụụnị ikuta va sị ụgaa wụ nị?

⁶ Mê sụ́ ùnè pooro, ọ kụ́ mị tụ́ mẹ yị sụ ara ịrahụ m màa jị òrèrè. Avaba ịzị mị sụ vi ene horo yị ẹgọ.

⁷ Ọnịvị amị ệ mẹ ka ma jị òrèrè pooro, eyi amị ệ ta wu guugu me yi kuku zụ re ẹtẹ.

⁸ Avaba ẹwụ nịnị ana aa mẹ̀ ebira odivi è jesi hụụ ịda amị; ka Ẹnẹyịmavara ọ raà wụ́ ịpẹ ọnị maa dá di mee sụ́ ùnè.

⁹ M màa dá ịpẹ ka Ẹnẹyịmavara ọ̀ ba mị owu, ọ raà dọ ooho.

¹⁰ Avaba ọnịvị amị vị ana vaa tẹ, dị ẹngụkata tù wa. Ohomorihi vị ana vaa mẹ ụhịị nyị wa, dị ẹ wụsẹ và ịrẹma amị.