Ahẹ Ụgama 54 - IWE ỌNỊNỊ

Ohomorihi navọ wa dọ mị hụụnị ụvọ ọnịvị amị (Ahẹ Idevidi oni o hí agidibò tụ́. Ahẹ ana a sị sị ịrẹyọyẹ kọ ọza ana yà ịnị ụvọ ọga ọjahẹ).

¹ Ohomorihi, navọ wa hụ agụvị ụbanyị ẹngụ awụ wa dọ mị tụ́ Navọ wa sị ụkata sị zụ̀ ka mẹ yị rị ịvị

² Ohomorihi, aarịhịnị batọ, dị wa wụ ịpẹ ọnị maa dá.

³ Aza edivi ene ee wo otoo zi ẹ sị kwẹẹtẹ tù mi e yee sì ka ẹnị ẹ̀ wụ̀ mị Ohomorihi, wâ yẹ ka aza ẹnẹẹ ẹ yị hyakụ hị́ ịrẹyị awụ ịrẹyị.

⁴ Mâ yẹ kaakara ka Ohomorihi aa gụ mị ụvọ nị Ọnị Ẹnẹyịmavara ọ sị ụvọ za mị nị.

⁵ Ohomorihi, navọ ịrẹyị odivi ọnị ọnịvị amị ee roo tụra mị ọ̀ varẹma tụra wa ịrẹsụ Navọ wa wụ̀ wa va ha, agụvị ka ọnịzẹyịza ụ vị nị.

⁶ Ẹnẹyịmavara, wê zoza chẹngụ Mị vaa sị ayị ohinee mẹ ịsọvọọ wụ, dị maa kụ́ wụ avọ.

⁷ Ohomorihi ọ raà tụ̀ mị hụụnị avaba ẹngụkata amị A sị ọnịvị huna ini eyi amị.