Ahẹ Ụgama 44 - IWE ỌNỊNỊ

Ịtọpa ịsa ọnị Ohomorihi vịdị sị mẹ (Ahẹ Ikora ana a sị sị ịrẹyọyẹ kọ ọza)

¹ Ohomorihi yâ sị ụtọ ayị wụ́ ọ ohiku ayị nịnị mẹ̀ẹ kà a yị avaba ịsa ọnị ụ mẹ ịnị ụmẹ ẹnịnị ịnị ịyẹẹyẹ.

² Ẹwa sị ụkata awụ dụ aza ẹnẹ ẹ̀ yẹ wụ hụụnị ẹtẹ ana aza ẹnẹẹ yà dị ụ ka ohiku ayị ẹ̀ kụkụ ra hi ịnị ẹtẹ ọnọọ nị Wâ pa ịva yị aza ẹnẹẹ ẹtẹẹtẹrẹ ama dị ụ mẹ ka ò zee yi ohiku ayị nịnị nị.

³ Vị agụvị ka ohiku ayị ệ dà yara kụ́ ịrẹkụ ọ mẹ ka ẹ̀ dọ ẹtẹ ọnị ụ sị yị wa vị ụkata ẹnịnị ẹ sị nyị ehuna; ụkata awụ ọ mẹ ka ẹ̀ nyị ehuna nị agụvị ka wê sì ịrẹyị ẹnịnị dị ụ vavọọ nyị wa iyi nị.

⁴ Ẹwa vị́ Ohinọyị amị dị ụ rẹ vị Ohomorihi amị nị Ẹwa kà a ka aza awụ e vee huna ọnịvị ẹnịnị nị.

⁵ Ẹwa sị ụkata yị ka ye zụ huna ọnịvị ayị dị ya và wa nẹtẹ nị.

⁶ Vị ọpa amị mị sị ayị tụra me yi ro o ka ụhwọ ọbanyị amị ọ vaa mẹ ka me huna ọnịvị amị nị.

⁷ Ama ẹwa mẹ ka ye huna ọnịvị ayị dị ụ mẹ̀ ụhị nyị wa yị nị.

⁸ Ohomorihi ẹ́ yị vaa ga pooro nị Ọnị kẹnẹ ị raa kụ́ avọ pooro nị.

⁹ Ohomorihi, ẹwụ ana vịdị maanị mẹ yị, wa raà mẹ ka ọnịvị ayị ẹ̀ nyị ehuna ayị wẹ yị kụkụ saasa aza ayị nọ ịrẹkụ.

¹⁰ Wâ mẹ ka yee zwee yị ọnịvị ayị, dị ẹnị kụkụ kụ́ ogu ayị kẹnẹ nị.

¹¹ Wâ hụrẹ yị ụvọ ka ọnịvị ayị ẹ̀ẹ wụ yị anka atẹmẹ avọọ dị ẹ gara yị zị hi avaba ẹhẹ nị.

¹² Ẹyị ana vị aza awụ vị ọnị ụ ná ọyịpọ̀ yị ọnịvị ayị ị kụkụ sị mẹẹ anka ịsa kẹnẹ-kẹnẹ avọọ nị.

¹³ Anokokooro ayị vi ene kuku ee nyị yi unyi dị ẹyaa mẹ yị isiya.

¹⁴ Anẹhẹ vị ana kụkụ aa sị eyi ịyẹyẹẹ re yi, dị ẹ yaa mẹ yi isiya di e re yee mi ịrẹsụụ hi yi.

¹⁵ Ụhị vị ana kụkụ aa nyị mị pooro kẹnẹ me yi kuku re aha sị eyi tụ́ agụvị

¹⁶ ọnịvị amị ana aa mẹ mi isiya di e yee nyị mi unyi ẹnịnị vị ana dà pè mị.

¹⁷ Ye yi hi ayị awụ, yẹ yị sị ahụ jịnẹ ọda awụ, dịị maanị aa rịị rị ụya aanị nị.

¹⁸ Ẹwụ ị sị sị ayị ayịị yị dị ị raa sịị saasa ọda awụ nị.

¹⁹ Ama wâ za yị wâ pa ịva yị, dị ụ vara ẹkụra ayị ịzị uye ediviī hi nị dị ụ kụkụ navọ yị hi ịnị ịrahụ nị.

^20-21 Ịsa tụra ịsa ọnị ọza èe ro, Ohomorihi wâ yẹ yèe hi ayị awụ dị ahịka ori ị kụkụ aa hẹkẹ nị, ụ yaanị sị yẹ.

²² Awụ aza ee chire yi angwa eyinị-eyinị ka ẹnị vaa wụ̀ yị nị ẹ yaa mẹ yị anka atẹmẹ ana aa vaa wụ̀ avọọ.

²³ Ẹnẹyịmavara, vị waa sụ ara nịị? Navọ wa kwẹẹtẹ kwogwo 2 Navọ asị ụ maanị hi ayị pooro dê!

²⁴ Ẹnẹyịmavara, navọ kwogwo asị u hi ayị ayị navọ wa tamayị ụya ọnị yaa rị ọnịrị ẹngụkata ene tù yị.

²⁵ Ụvọ ọnịvị o si yi huna, ya sị hyẹdụ navọ wa va gụ yị ụvọ.

²⁶ Mâ yẹ ka vị ụụ̄ sì ịrẹyị ọza pooro nị, navọ wa va dọ yị tụ́.