Ahẹ Ụgama 3 - IWE ỌNỊNỊ

Ahẹ oni Idevidi jị Abịsarọmị ozi anị mẹ̀ dụ ọ

¹ Ẹnẹyịmavara, tee, aza ana aa bàrà mị ẹ sị rụrụ baaba ọ. Wéē re aza ana mẹhị kwẹẹtẹ tù mị!

² Aza ọrụrụ-ọrụrụ ka mba, ẹwụ Ohomorihi ọ yị kụkụ vaa dọ mịị tụ́.

³ Ama ẹwụ Ẹnẹyịmavara, ẹwụ vị ana maanị jesi kara mị okiri-okiri wẹ yị zẹẹ ka à nyị ịsị ẹ kanyị mị. Wâ sị ụbanyị mị dị ụ mẹ ka ma nyị ehuna nị.

⁴ Ụmẹ tụra ụmẹ oni mèe nowu hị́ Ẹnẹyịmavara dị ọ rẹ vavọọ ba mi owu ịnị ataba ọnị ọ yà.

⁵ Màa hụtẹtẹẹ dị mị sụ ara hwanaa dị mị rẹ ha mâ vavọọ hā agụvị ka Ẹnẹyịmavara ee sere mị.

⁶ Òo zee e eyi otomiroku aza ẹ̀ kwẹẹtẹ tù mi, eyi ụvọnị-ụvọnị angwa ọ yị hyakụ maanị ee hi mị.

⁷ Ẹnẹyịmavara, navọ wa kwẹẹtẹ Ohomorihi amị, navọ wa dọ mị tụ́. Jị ọgọ chire ọnịvị amị nịnị irenu dị asị ụ zẹẹ ka à nyị ịsị aza edivi kụkụ zụ kà.

⁸ Ẹnẹyịmavara ẹwaā dọ ọzaa ha nị. Navọ wa mẹ ka ò zee yị aza awụ.