Ahẹ Ụgama 149 - IWE ỌNỊNỊ

Ahẹ ana a jị kụ́ Ohomorihi avọ

¹ Waa kụ́ Ẹnẹyịmavara avọ nịnị. Waa jị ahẹ ọwọọwa gono Ẹnẹyịmavara nịnị. Waa jị ahẹ kụ́ ọ avọ ịzị aza anị ẹ̀ẹ maanị kụ́ gụ hi.

² Ẹwụ nịnị Anisirẹrị, waa jẹ agụvị Ohomorihi ana mẹ wụ nịnị. Ẹwụ nịnị Anịzayọnị, waa jẹ agụvị ohinọyị awụ nịnị.

³ Wee hú ọkangga ọnịrị àgidibò, dị waa nyị ẹzẹ dị waa kụ́ ọ avọ nịnị.

⁴ Ịnẹ Ẹnẹyịmavara vi ene hine tù aza anị. Aza ana kà ẹngụ ẹnịnị chi vị ọnị ọọ̄ mẹ ka ẹ̀ nyị ehuna ọnịvị ẹnịnị.

⁵ Ẹwụ nịnị aza Ohomorihi, waa jẹ ka wa si ọnịvị awụ nịnị huna. Wàa yà ịnị ịbẹẹdị awụ nịnị, waa jẹ nịnị.

⁶ Wee nowuu kụ́ Ohomorihi awụ avọ nịnị, di we tenyi ụhwọ ọ̀ nyị eyi ẹẹva awụ nịnị rị ụvọ.

⁷ Dị wa sị sị ụya rị anẹkụra nịnị.

⁸ Dị ụ za ohinọyị ẹnịnị, dị ụ sị ẹba sụ́ wa, dị ụ rẹ kụ́ ịchẹkẹchẹkẹ tụ́ aza ẹbanyị ẹnịnị ahụ.

⁹ Dị ụ vavọọ sị ụya rị anẹkụra nịnị anka Ohomorihi mẹ vịdị chẹrẹ ẹ tịtẹ. Aanị avaba aza Ohomorihi mẹ̀ vaa nyị ehuna nị. Waa kụ́ Ẹnẹyịmavara avọ nịnị.