Ahẹ Ụgama 141 - IWE ỌNỊNỊ

Aduwa oruva

¹ Ẹnẹyịmavara, mê nowu va za wụ. Aarịhịnị wụsẹ va ba mị owu.

² Navọ wa dọ aduwa ọnị maa mẹ̀ anka ụ mẹ̀ẹ dọ eturare ana rị ịra mẹ̀ ịsọvọ wụ avọọ. Navọ m mẹ̀ tana ụvọ tụ́ ẹba aa mẹ̀ aduwa, wa dọ anka ụ mèẹ dọ ịsọvọ oruva ana mẹ wụ avọọ.

³ Ẹnẹyịmavara, aarịhịnị sere irenu amịị mị, navọ wa sị ụvọ za mi irenu kú oku.

⁴ Aarịhịnị asị ụ navọ ka ma sị ịrẹyị odivi tụ́ ịnị ayị amị. Asị mị na bẹ ụvọ tụ́ ini ebira aza edivi aa mẹ Navọ asị mi ne pè wa rị ịsa.

⁵ Mâ dọ ka aza ana aa mẹ ịzẹyịza è vene tụ́ mị dị ẹ̀ẹ tụ́ mị ohuvọ. Mâ yẹ ka vi e sì ịrẹyị amị nị. Ẹngụ ẹnẹẹ vị ana sị mẹẹ angwẹ ozoza ana a sịị̄ sisi ọza ịrẹsụ Mẹ yị vaa kà ka mẹ yị dọ ẹngụ ẹnẹẹ. Ama aza edivi vị ọnị maa mẹ̀ aduwa ịnị ẹhẹ amị ka asị ẹ̀ zụ mẹ̀ ebira odivi ẹnịnị.

⁶ Ịjị àa raà tụ́ ọdọvịdị ẹnịnị ụvọ wọrọ ọ̀bà, aza ẹnẹẹ vaa dọ ka ịrẹyị ịzẹyịza m maa kà nị.

⁷ Ẹnịnị va kà a ka ẹchụkụ ẹnịnị vị ana a sẹ̀ chẹkẹ-chẹkẹ hi irenu ikuta anka a mẹ̀ẹ sị ẹdụụ chaka ẹtẹ avọọ.

⁸ Ama Ẹnẹyịmavara ana vi ohinọyị ene hu keekere ẹwụ mị sị ayị tụra nị. Ịda awụ mi zwe va tẹ ka asị a nyị ịsị ẹ mẹ̀ mi nị, asị ụ zẹẹ ka me sú.

⁹ Navọ wa dọ mị tụ́ di asị ịrẹpa ana aza edivi và zi mi zụ za mị.

¹⁰ Navọ ịrẹpa ana aza edivi và ò rẹ vara eyi za wa, dị ẹmaa na haara kẹnẹ.