Ahẹ Ụgama 13 - IWE ỌNỊNỊ

Ohomorihi navọ wa gụ mị ụvọ (Ahẹ Idevidi)

¹ Ẹnẹyịmavara, te wẹ yị kụkụ tamayị amị vụrụ-vụrụụ? U wee reè hi ayị amị paa aanị nị? Wẹ yị kụkụ vaa kana eyii sì mị pooro?

² Ụ wáá ka ma maanị yii ro ịrẹyị pooro kẹnẹ eyinị-eyinị nị? Aanị ka ọnịvị amị ẹ vị vaa nyị ẹbẹẹba amị pooro nị?

³ Ẹwụ Ẹnẹyịmavara ana vị Ohomorihi amị. Navọ wa kana eyi amị dị wa ba mi owu. Navọ wa sị ụkata mị ka mi ve su.

⁴ Wâ yẹ ka mèe su vị ọnịvị amị aa kà a ka ẹnị ẹ sị mị huna nị, Ẹnịnị vị ana aa jẹ màa sị hyẹdụ.

⁵ Ama mâ yẹ ka ẹwụ vi ene eē sì ịrẹyị ọza pooro. Ọnọọ mị sị ayị tụra nị Maa jẹ agụvị ka ẹwa vaa dọ mịị tụ́ nị.

⁶ Mị vaa jị ahẹ gono Ẹnẹyịmavara agụvị ka ịsa ozoza aa mẹẹ mị nị.