Ahẹ Ụgama 124 - IWE ỌNỊNỊ

Ohomorihi vi eneē sere aza anị (Ahẹ Idevidi ana aā jị àa nọ ịnị eehi Ohomorihi)

^1-2 Ịsị a vọrọ ka Anisirẹrị ẹ̀ẹ kà kẹnẹ ọ vị ka ò zee ka Ẹnẹyịmavara ộ jẹẹ yị ịrẹma. À yị vị ẹnị Ẹnẹyịmavara jẹẹ yị ịrẹma, ịjị aza ẹnẹẹ kwẹẹtẹ tù yị,

³ dị ẹ yaa kụ́ ayịị hi yị, vị ẹ yaanị gà yị rị ireyi-ireyi nị.

⁴ Ọnịvị ayị yaanị reè hì yi hụrẹ oze anka ọhaara mèe kụ́ ẹtẹ avọọ. Ẹnịnị yaanị sị yị mụnẹ.

⁵ Ẹnịnị vị ana aa jị ayịị tù yị anka okuha mèe jị ayị avọọ. Ẹ yaanị raà wara yị hụrẹ oze.

⁶ Yâ kụ́ Ẹnẹyịmavara avọ ka ọ rẹ vaa zẹẹ ka ẹ̀ gara yị và ha pẹẹpẹrẹ.

⁷ Ya sị tụ̀ anka inomi ọnị ịrẹpa za mẹ̀ tụ̀ avọọ. Ịrẹpa ọnị ọnịvị ayị và zi yi o si che, ya sị tụ̀.

⁸ Ẹnẹyịmavara aa gụ yị ụvọ nị. Ọnị ọ mẹ ihinẹba ọnịrị ẹtẹ.