Ahẹ Ụgama 12 - IWE ỌNỊNỊ

Ohomorihi, navọ wa gụ yị ụvọ (Ahẹ Idevidi ana yà ịnị ụvọ ọga ọjahẹ ana aā sí Iseminitiị jị)

¹ Ẹnẹyịmavara, navọ kwogwo wa gụ yị ụvọ kụkụ nyị ọza ana aa mẹ ịzẹyịza ọ! Ọnịzẹyịza ệ ta hụụ nị ẹhẹ.

² Ireche kẹnẹ aza kuku ee chee yị ẹngụ nị Ẹnịnị vi ene ee vene aza ama dị ẹ yaa kụ́ hworo-hworo.

³ Ẹnẹyịmavara aza ana vavọọ aa kụ́ hworo-hworo di e yee wo otoo zị aanị, navọ wa za wa irenu kụ oku.

⁴ Ẹnịnị ee ro o, ẹ ka ịrarẹ ọ mā yà ọza irenu dị ụvọ ò re kú ọza ọnọọ. Ẹ ka ịsị èe zee ẹnị eyi kẹnẹ ẹnị vaa kà nị Ẹ ka ẹ yị nyị ọza ana zụ za ẹnị irenu kụ oku.

⁵ Ama Ẹnẹyịmavara vaa hụ agụvị ọkụmị ọnịrị aza anaaa mẹ ẹchakaa yị, dị ọnị kwẹẹtẹ. Ọ kà ọnị vaa kwẹẹtẹ agụvị aza ene ee nowu ka à ba ẹnị owu ọnịrị agụvị oniruwa nịnị Ọ kà ọnị vaa dọ wa hụụnị ụvọ aza ana aa chamayịị yị wa.

⁶ Ẹnẹyịmavara ọ̀ọ kà ka ọnị vaa mẹ ịrẹyị ịrẹyị anị vị a naa gẹẹ. Vị ọ sị mẹẹ anka igooru ana a raà sị ịra tenyi ẹtẹẹtẹrẹ avọọ nị, kụkụ nyị evene ịnị anị.

^7-8 Aza edivi vị ana gwẹtẹ avaba aha. Ịsa odivi aza kụkụ sị ụbanyị yị nị Ẹnẹyịmavara, aarịhịnị navọ wa dọ yị tụ́. Asị ụ zẹẹ ka ya ngụ ịnị ụvọ ẹngụ aza ẹnẹẹ.