Ahẹ Ụgama 114 - IWE ỌNỊNỊ

Anisirẹrị mẹ̀ hụrẹ Ijipiti

¹ Ịnị ụmẹ ọnị Anisirẹrị sị jịnẹ hụrẹ Ijipiti, di evere Ijekọvụ nịnị jịnẹ hụụnị ẹkụra ọzọga ọnọọ,

² Ijuda ẹnị vị aza Ohomorihi, di Anisirẹrị vị aza ọnị ori ohinọyị tụra ịjọnọọ nị.

³ Ókū ịkịịkẹ mè re ka ẹ yaa vẹ, dị ọ kụ́ ahụ nya iruvo nị. Di Okuha Ịjọdanị ọnị rẹ sị varẹma nị.

⁴ Ataba nini ee ji anka ẹvụ ọnịrị ịdẹba avọọ.

⁵ Ẹwụ òkū, sị ẹ vẹ di wee zwe? Sị ẹ vẹ dị ụ sị varẹma, ẹwụ Ijodani?

⁶ Sị ẹ rẹ vẹ dị ẹwụ nịnị ataba ee jị anka ẹvụ ọnịrị ịdẹba ọnọọ?

⁷ Ẹwụ nịnị anẹhẹ, wàa maanị re Ẹnẹyịmavara ana vị Ohomorihi oni Ijekọvụ aa hẹkẹ, waā banyị nịnị.

⁸ Ohomorihi ọnọọ ọ mẹ ka enyi ọ̀ọ tụ̀ hụụ ịnị ịda nị, dị ọ mẹ ka ịda ọ̀ vara avata enyi nị.