Ahẹ Ụgama 11 - IWE ỌNỊNỊ

Ohomorihi mị sị ayị tụra nị (Ahẹ Idevidi ana yà ịnị ụvọ ọga ọjahẹ)

¹ Wáá yẹ ka Ẹnẹyịmavara mị sị ayị tụra nị? Ụ́ mẹmẹ zụ kà ka mee zwee nọ ịnị ataba anka inomi avọọ?

² Wéē re aza edivi nịnị! Ẹnịnị ẹ sị ọkịta ẹnịnị tụra, ẹ raà sị ọpa gẹ ọ́za dị ẹ na tẹ̀ aha ẹvagu ka ẹnị ee re ọza ana aa mẹ̀ ịsa oni Ohomorihi sì dị ẹnị è che e ịsa nị.

³ Ahẹẹ, àa kụ́ ịsa du hi ẹtẹ sị ọnịzẹyịza nịnị kụkụ zụ mẹ?

⁴ Ẹnẹyịmavara yà ini Irehi Ọnịnị anị ọ yà ịrẹsụ ode ohinọyị anị ẹbẹẹba. Ee re avaba ịsa ọnị ọzọza aa mẹ.

⁵ Ẹnẹyịmavara ee re ịsị ọnịzẹyịza aa mẹ. Ama ebira aza edivi ọnịrị aza ana aā chamayịị yị ọza vị ọnị ọ nyị ịhyẹrẹ anị.

⁶ Ẹnẹyịmavara vị ana vaa zụ̀ orihi ịrịịra hi aza edivi ịrẹsụ Ịra ana a sị ohuru kà ọnịrị ahị ịrịịra ọ vaa vẹ ịrẹsụ aza edivi nị.

⁷ Ẹnẹyịmavara vị ana mẹ ịzẹyịza ô sì ka àa mẹ̀ ebira ene zoza Aza ana aa mẹ̀ ebira ana vọrọ vị ana vaa ra ịda anị.