1 Ịtọpa 6 - IWE ỌNỊNỊ

Evere Ireevi

¹ Ireevi ộ ma ezi ọnọrụ ẹẹta ana aā hị́: Igesomi, Ikohati, ọnịrị Imerari.

² Ikohati ộ ma ezi ọnọrụ ẹẹna ana aā hị́: Amịramị, Iziha, Ihebirọnị, ọnịrị Uziyẹrị.

³ Amịramị ộ ma ezi ọnọrụ ẹẹva ana aā hị́: Eerọnị ọnịrị Imosiisi; dị ọ ma ozi ọnẹẹ ọnya ana aā hị́ Imeriyamị nị. Eerọnị ộ ma ezi ọnọrụ ẹẹna. Ẹnị ẹ rị Inadabi, Abihu, Eriyaza, ọnịrị Ịtama nị.

⁴ Eriyaza ọ vị ada Ihwinihasi nị; dị Ihwinihasi ọnị vị ada Abisuwa nị.

⁵ Abisuwa ọ vị ada Ibuki ozi Uzi nị.

⁶ Ibuki ọ ma Uzi nị, dị Uzi ma Izerahiya nị.

⁷ Izerahiya ọ ma Imerayoti nị, dị Imerayoti ọnị ma Amarịya nị. Amarịya ọ ma Ahitubi nị.

⁸ Ahitubi ọ vị ada Ịzadọkị nị, dị Ịzadọkị ma Ịsarọmị nị, Ịsarọmị ọ vị ada Ahimaazị nị.

⁹ Ahimaazị ọ ma Azariya.

¹⁰ Azariya ọ vị ada Ijohananị nị, dị Ijohanị ma Azarịya nị. (Azarịya ọnọnị ọ vị ohirẹsụ irehi Ohomorihi ọnị Isoromọnị da tụ Ijerusarẹmị nị.)

¹¹ Azarịya ọ vị ada Amarịya nị; dị Amarịya ọnị ma Ahitubi nị.

¹² Ahitubi ộ ma Ịzadọkị nị; dị Ịzadọkị ma Isarumi nị.

¹³ Ịsarọmị ọ vị ada Ihirikaya nị,

¹⁴ dị Ihirikaya vị ada Azarịya nị. Azarịya ọ vị ada Iseraya nị, dị Iseraya ọnị vị ada Ijehozadaki nị.

¹⁵ Â za Ijehozadaki ọrịhị ụmẹ ọnị Ohomorihi sị mẹ ka Inebukadineza ọ̀ za Anijuda nịnị ọnịrị Anijerusarẹmị nịnị ọrịhị ne hi ẹkụra ọsa.

Ezi ọsa ọnị Ireevi ma

¹⁶ Ireevi ộ ma ezi ọnọrụ ẹẹta ana aā hị́ Igerisoni, Ikohati, ọnịrị Imerari.

¹⁷ Ọzịnya-ọzịnyara ẹnịnị ẹnị ệ rẹ ma ozi. Igerisoni ọ vị ada Iribini ọnịrị Isimeyi nị.

¹⁸ Ikohati ọ vị ada Amịramị, Iziha Ihebirọnị, ọnịrị Uziyẹrị nị.

¹⁹ Dị Ịmẹrari ọnị vị ada Imahiri ọnịrị Imusi nị.

²⁰ Aza ẹnịnị ẹ vị evere Ireevi hụrẹ ụmẹ ọnyị ngụ ọsa nị: Igerisoni ọ ma Iribini, Ijahati, Izima,

²¹ Ijowa, Ido, Ịzẹra ọnịrị Ijeyaterayi.

²² Aza ẹnẹnị ẹ vị ezi Ijohati hụrẹ ịrẹma-ịrẹma vẹ nị: Aminadabi, Ikora, Asiri,

²³ Ẹrịkana, Ebiyasahwi, Asiri,

²⁴ Ịtahati, Uriyẹrị, uziya, ọnịrị Ịsọọrụ.

²⁵ Erikana ộ ma ozi ọnọrụ ẹẹva. Ịrẹha ẹnịnị ọ rị Amazayị ọnịrị Ahimọtị nị.

²⁶ Aza ẹnẹnị ẹ vị ezi Ahimọtị hụrẹ ịrẹma-ịrẹma vẹ nị: Erikana, Izohwayi, Inahati,

²⁷ Eriyabi, Ijerohami, ọnịrị Ẹrịkana.

²⁸ Ịsamụwẹrị ộ ma ezi ọnọrụ ẹẹva. Ana vị ọzọkụ ọ rị Ijowẹrị nị, dị ana vị ozweyi rị Abija nị.

²⁹ Ezi Imerari hụrẹ ịrẹma-ịrẹma vẹ ẹ vị: Imahiri, Iribini, Isimeyi, Uza

³⁰ Isimeya, Ihagiya, ọnịrị Asaya.

Ẹnị anaā jị ahẹ ịnị Irehi Ohomorihi

³¹ Á mẹ̀ raà sị apoti oto Ohomorihi na ngụ Ijerusarẹmị aza ẹnẹnị ohinọyị Idevidi nyị ka ệ mẹ aahẹ ini Irehi Ohomorihi Íjerusarẹmị nị.

³² Ẹnịnị vị anaā yà ọvịdị ajẹngụ Ohomorihii jị ahẹ àa maanị aà mẹ̀ ahẹkẹ, dị ohinọyị Isoromọnị va da ụkọrọ ẹnịnịị tu ẹngụ tu ẹngụ nị.

³³ Aanị ẹ́ mẹ̀ yà Ovwoovu-ovwoovu ana sị ụvọ za ụkọrọ ahẹ ọyịjị ọnọnị vẹ nị: Ihemani ana vị ozi Ijowẹrị ana hụụnị ezi Ikohati ọ vị ọdọvịdị ẹnị ọjahẹ ịpaapa nị. Aanị ẹ mẹ̀ yà ịnị ovwoovu ẹnịnị huuu ne tu Ijekọvụ nị: Ihemani, Ijowẹrị, Ịsamụwẹrị,

³⁴ Erikana, Ijerohami, Eriyẹrị, Itowa,

³⁵ Izuhwi, Erikana, Imahati, Amazayị

³⁶ Erikana, Ijowẹrị, Azariya, Ịzẹhwanaya

³⁷ Ịtahati, Asiri, Ebiyasahwi, Ikora,

³⁸ Iziha, Ikohati, Ireevi, dị o ne tu Ijekọvụ nị.

³⁹ Asahwi, ọ vị ọdọvịdị ẹnị ọjahẹ ụpọhụva nị. Aanị ovwoovu anị mẹ̀ yà huuu ne tu Ireevi nị: Asahwi, Ịbẹrẹkiya, Isimeya,

⁴⁰ Ịmayịkẹẹrị, Ibaaseya, Imarichija,

⁴¹ Etini, Ịzẹra, Adaya,

⁴² Etaanị, Izima, Isimeyi,

⁴³ Ijahati, Igerisoni, dị o ne tu Ireevi nị.

⁴⁴ Etaanị vị Imerari. Ọnị ọ vị ọdọvịdị ẹnị ọjahẹ ụpọhụta nị. Aanị ovwoovu anị mẹ̀ yà huuu ne tu Ireevi nị: Etaanị, Ikisi, Abidi, Imaruki

⁴⁵ Ihasabiya, Amaziya, Ihirikaya

⁴⁶ Amizi, Ibani, Isimẹrị

⁴⁷ Imahiri, Imusi, Imerari, di o ne tu Ireevi nị.

⁴⁸ Anda ẹnịnị Anireevi ana vọ á ka ẹẹ mẹ̀ ụkọrọ ana vọ àaa hẹkẹ Ohomorihi ịnị ajẹngụ anị nị.

Evere Eerọnị

⁴⁹ Ama Eerọnị ọnịrị ezi anị ẹẹ̄ mẹ̀ ịsọvọ ịrẹsụ ụta ana aā yaa rị ịsa ịsọvọ ịra nị. Ẹnị ẹ rẹẹ mẹ̀ ịsọvọ ịrẹsụ ụta ana aā yaa rị eturare ịra nị. Ẹnị ẹẹ̄ mẹ avaba ụkọrọ ana a nyị ịzị ẹ gụrị Ohomorihi hu keekere àa mẹ ahẹkẹ nị. Eerọnị ọnịrị ezi anị ẹnẹnị ẹẹ̄ mẹ̀ ịsọvọ oni Ohomorihi sịị̄ vagu ịvị Anisirẹrị nịnị nị. Avaba ụkọrọ ẹnẹnị vị ẹnẹ ẹnịnịị̄ mẹ anka Imosiisi, ozi ahụ Ohomorihi mẹ̀ kà a yị wa.

⁵⁰ Aanị ezi Eerọnị mẹ ya nị: Eriyaza, Ihwinihasi, Abisuwa,

⁵¹ Ibuki, Uzi, Izerahiya,

⁵² Imerayoti, Amarịya, Ahitubi

⁵³ Ịzadọkị, ọnịrị Ahimaazị.

Ẹtẹ Anireevi nịnị

⁵⁴ Ọpa ẹtẹ ọnọnị ezi Eerọnị nịnị ra nị. Ezi Ikohati ẹ vị nị. Ẹnị ẹ dọ ẹtẹ ịpaapa ịnị ẹtẹ ana a sị yị Anireevi nịnị nị.

⁵⁵ Ẹtẹ Ihebirọnị ịnị ẹtẹ Ijuda yà ịnị anị ọnịrị ẹtẹ ịzị a zụ kụ́ ịsụpa rị ana kara a.

⁵⁶ Ama ẹtẹ aarẹ ọnịrị ẹkụra eweyi-eweyi ana yà ịnị ẹkụra ẹbanyị-ẹbanyị ẹnẹẹ vị ana a sị yị Ịkarẹbị ana vị ozi Ijehwụnẹ.

⁵⁷ Ẹkụra ẹnẹnị a sị yị ezi Eerọnị nịnị nị ka ẹ̀ vị ịzị aza zwè naa tẹ̀ nị: Ihebirọnị, Iribina, beri ẹtẹ ana aa kụ ịsụpa rị, Ijatiri, Esitemowa beri ẹtẹ anị ana aa kụ ịsụpaa rị.

⁵⁸ Ẹtẹ Ịramọ ọnịrị Anemi beri ẹtẹ ẹnịnị ana aā kụ ịsụpaa rị ịnị anị,

⁵⁹ Ẹtẹ Idebiri beri ẹtẹ ana aā kụ ịsụpaa rị ịnị anị. Asahẹrị beri ịzị aā kụ ịsụpaa rị ịnị anị.

⁶⁰ Ẹkụra ẹnẹnị a sị yị wa hụrị ẹtẹ Ịbẹnjamịnị ọnịrị avaba ịzị aā kụ ịsụpaa rị ịnị ẹnịnị nị. Ịzị aā hị́ Ịgẹba, Aremeti, ọnịrị Anatọtị. Ẹsẹnị ẹ gụ ọ ẹkụra ẹwụrẹta ana avaba ovwoovu-ovwoovu ẹnịnị ra ịnị anị nị.

⁶¹ Ẹkụra ẹẹwụ a sị hụrị eyi ọnị ọyị zị naa ngụ ẹtẹ Ịmanasẹ yị ezi Ikohati nịnị ana vọ nị. Ovwoovu-ovwoovu a gà ẹ yị wa nị.

⁶² Hụụnị ẹtẹ Iisaka nịnị, â kụ ẹkụra ẹwụrẹta yị ezi Igerisoni nịnị. Ovwoovu-ovwoovu a gà ẹ yị wa nị. Aseri, Inahwitari, ọnịrị Anịmanasẹ ene hi eyi ọnị ọyịị̄ zịị vẹ Ị́basanị.

⁶³ Ovwoovu-ovwoovu ene hi ịnị ịrẹsụ Imera vị ana rẹ kụ ẹkụra ẹwụrẹva hụrị ẹtẹ Irubẹnị, Igadi, ọnịrị Izeburuni yị.

⁶⁴ Aanị Anisirẹrị nịnị mẹ sị ẹkụra-ẹkụra beri ịzị aā kụ ịsụpaa rị yị Anireevi nịnị nị.

⁶⁵ Avaba ẹkụra ana a hị́ ịnị ẹtẹ Ijuda, Isimiyọnị, ọnịrị Ịbẹnjamịnị aanị, vị ene e sì iruvo anị dị a va sị yị wa.

⁶⁶ Ovwoovu ẹnyị ịnị ezi Ikohati vị ana a sị ẹtẹ ọnịrị aha ana aā kụ ịsụpaa rịị yị ịnị ẹtẹ Ehwireemi.

⁶⁷ Ịzị a sị yị wa aā hị́ Ịsẹkẹmị, ịzị ee zwè naa tẹ ịrẹsụ otutu Ehwireemi nị; Ịgẹzẹrị,

⁶⁸ Ijokimimi, Ịbẹtị Ihoroni

⁶⁹ Ayijaroni, ọnịrị Igati Irimoni.

⁷⁰ Ịnị ẹtẹ Ịmanasẹ ana ya eyi ọnị zị naa ngụ ẹtẹ, â sị ẹkụra ana aā hị́ Aneri ọnịrị Ibireemi beri avaba ịzị aa kụ ịsụpaa rị ana kara wa, yị wa.

⁷¹ Ezi Igerisoni vị ana a gà ẹkụra ẹnẹnị beri ịzị a kụ ịsụpaa rị yị Ovwoovu-ovwoovu: Hụrẹ eyi ọnị ọyịị̄ zịị hụrẹ vẹ Ịmanasẹ, â sị Igoranị ịnị ẹtẹ Ịbasanị, ọnịrị Asịtarọtị yị wa.

⁷² Â sị Ịkẹdẹsị, Ịdaberati

⁷³ Ịramọtị, ọnịrị Anemimi hụrị ẹtẹ ezi Iisaka nịnị

⁷⁴ Â sị ẹkụra ana aā hị́ Ịmasarị, Abidoni,

⁷⁵ Ihukoki ọnịrị Irehobi hụụnị ẹtẹ Aseri nịnị.

⁷⁶ Â rẹ sị Ịkẹdẹsị ịnị ẹtẹ Igariri, Ihamọnị, ọnịrị Ikiriyatayimi, hụrị ẹtẹ Inahwitari.

⁷⁷ Ezi Imerari ana vọ á gà ẹkụra ẹnẹnịị yị nị: Â sị ịzị aā hị́ Irimono ọnịrị Ịtaabọ hụrị ẹtẹ Izeburuni

⁷⁸ Dị a rẹ sị eyi ọnị ọyịị̄ zịị vẹ, Okuha Ịjọdanị, àa para Ijeriko hu hụrị ẹtẹ Irubẹnị: Ịzị a sị hụrị eyi ọnọọ aā hị́ Ibezeri ana yà aha ana nẹba nị, Ịjaaza

⁷⁹ Ikedemoti, ọnịrị Imehwaati nị.

⁸⁰ Â sị Ịramọtị ana yà Anigiriyadi, Imahanayimi

⁸¹ Ịhẹsịbọnị, ọnịrị Ijazeeri hụrị ẹtẹ Igadi.