1 Ịtọpa 4 - IWE ỌNỊNỊ

Evere Ijuda

¹ Ẹnyị ịnị ezi ọnị Ijuda ma yị: Ịpẹrẹzị, Ihezironi, Ikarimi, Ihuuri ọ ọnịrị Isobari.

² Isobari ọ vị ada Ireyaya nị; dị Ireyaya vị ada Ijahati nị. Ijahati ọ vị ada Ahumayi ọnịrị Irahadi nị. Avaba aza ẹnẹnị vị Anizora nị.

³ Â nyị ọnọrụ ana aā hị́ Ẹẹtamị. Ọnị ọ ma ezi ẹnẹnị nị: Ijezirẹẹrị, Isimịya, ọnịrị Idibasi; Ịrẹha onyeyiza ẹnịnị ọ rị Ihazereriponi.

⁴ Â nyị ọnọrụ ana aā hị́ Ịpẹnụwẹrị. Ọnị ọ vị ada Ịgẹẹdọ, ọnịrị Ezeri ada Ihusahi nị. Ezi ẹnị Ihuuri ọ ma yị: ozi ịpaapa anị ọ rị Ehwirati, ada Ịbẹtịrẹhẹmị nị.

⁵ Â nyị ọnọrụ ana aā hị́ Asihuri. Ọnị ọ vị ada Itekowa nị. Ộ nyị ọnẹẹ ẹẹva ana aā hị́ Ịhẹra ọnịrị Inaara:

⁶ Inaara ộ ma Ahuzami, Ihehwa, Itemeni, ọnịrị Ihaahasitari.

⁷ Dị Ịhẹra ọnị ma ezi ẹnẹnị nị: Ịzẹrẹtị, Iziha, ọnịrị Ẹtịnanị nị.

⁸ Â nyị ọnọrụ ana aā hị́ Ikoozi. Ọnị ọ vị ada Anubi, Izobeba, ọnịrị Ovwoovu Aharẹrị ana vị ozi Iharumi nị.

⁹ Â nyị ọnọrụ ana aā hị́ Ijabezi. Â sị ụbanyị yọ huna anda ẹnịnị ana vọ ẹtẹẹtẹrẹ. Ọnyị anị ọ yị̀ ọ ịrẹha ka ọnị ọ rị Ijabezi nị; agụvị ka ọ́ raà rị ụya baaba dị ọ va ma a.

¹⁰ Ama Ijabezi ộ mẹ̀ aduwa hi Ohomorihi Anisirẹrị, dị ọ ka, kwogwo, ọ̀ navọ ọ̀ mẹ ka ò zé yị ọnị, dị ọ̀ dà ẹtẹ gana yị ọnị de. Ọ kà Ohomorihi ọ̀ navọ ọ̀ yà ọnị ịrẹma, dị ò sere ọnị, asị ọ zẹ̀ẹ ka odivi ọnyọọnyị ọ kụ́ ẹngụkata tu ọnị. Ịzẹyịza dị Ohomorihi mẹ̀ ịsa o họ̀ use anịị yọ nị.

Ovwoovu irenyi-irenyi ana vọ

¹¹ Ịkarẹbị ọyịnyara Isuha ộ ma ozi ọnọrụ ọnya ana aā hị́ Imehiri. Imehiri ọ vị ada Esitoni nị.

¹² Esitoni ộ ma ozi ọnọrụ ẹẹta ana aā hị́ Ịbẹtịrahwa, Ipaseya, ọnịrị Itehina. Itehina ọ vị ọnịpaapa nị ra ẹkụra ana aā hí Inahasi nị. Ezi aza ẹnẹnị ẹ ra hi ẹtẹ Ireka nị.

¹³ Â nyị ọnọrụ ana aā hị́ Ịkẹnazị. Ộ ma ezi ọnọrụ ẹẹva ana aā hị́ Ọtịnẹrị ọnịrị Iseraya. Ọtịnẹrị ọnị ọ rẹ ma ezi ọnọrụ ẹẹva. Ẹnị aā hị́ Ịhatati ọnịrị Imewonotayi nị.

¹⁴ Imewonotayi ọ vị ada Ọhwịra nị. Iseraya ọ ma Ijowabi nị. Ijowabi ọnọnị ọ vị ọnịpaapa na ra ínozi ịzị aza anaā mẹ̀ ụkọrọ ụvọ nịnị hi nị.

¹⁵ Ịkarẹbị ana vị ozi Ijẹhụnẹ ộ ma ezi ọnọrụ ẹẹta ana aā hị́: Irk, Eera, ọnịrị Ịnaamị nị. Dị Eera ọnị vị ada Ịkẹnazị nị.

¹⁶ Â nyị ọnọrụ ana aā hị́ Ijeharereri. Ộ ma ezi ọnọrụ ẹẹna ana aā hị́ Izihwi, Izihwa, Itiriya, ọnịrị Asarẹrị.

¹⁷ Â nyị ọnọrụ ọsa ana aā hị́ Ẹzịra. Ọnị ọ rẹ ma ezi ọnọrụ ana aā hị́ Ijeteri, Ịmẹrẹdị, Ehwẹrị, ọnịrị Ijaroni nị. Ịmẹrẹdị ộ nyị ozi ohinọyị Ijipiti ọnya ana aā hị́ Ibitiya, dị ẹnịnị ma ozi ọnẹẹ ọnya nị. Ịrẹha ozi ọnọọ ọ rị Imiriyami nị. Ẹnịnị ẹ rẹ ma ozi ọnọrụ ẹẹva ana aā hị́ Isamayi ọnịrị Isiba. Isiba ọnọnị ọ vị ọnịpaapa na ra ẹkụra anaa aā hị́ Esitemowa nị.

¹⁸ Ịmẹrẹdị ọ rẹ nyị ọnẹẹ ọsa ana vị Anijuda. Dị ẹnịnị ma ezi ọnọrụ ẹẹta nị. Ịrẹha ẹnịnị ẹ rị Ịjẹrẹdị, ana vị ọnịpaapa na ra ẹkụra ana aā hị́ Ịgẹdọ; Ịhẹberi, ana vị ọnịpaapa na ra ẹkụra ana aā hị́ Isoko, ọnịrị Ijekutiyẹrị, ana vị ọnịpaapa na ra ẹkụra ana aā hị́ Izanowa nị.

¹⁹ Â nyị ọnọrụ ọnya ana aā hị́ Ihodiya. Ộ nyị ọnẹẹ ọnya ana vị onyeyiza Ịnahamị. Ezi ẹnịnị ẹ vị ohiku ịrẹsụ Igarimi. Ẹkụra ana aā hị́ Ikeyira ẹ́ ra hi nị. Ẹnị ẹ rẹ vị ohiku Animaaka nị, ana ra hi ẹkụra Esitemowa nị.

²⁰ Â rẹ nyị ọnọrụ ọnya ana aā hị́ Isihimoni. Ộ ma ezi ọnọrụ ẹẹna ana aā hị́: Amọnị, Irina, Ịbẹnịhananị, ọnịrị Itironi. Ọnọrụ ana aā hị́ Isihi ọnị ộ ma ezi ọnọrụ ẹẹva ana aā hị́ Izohẹtị ọnịrị Ịbẹnịzoheti.

Evere Ịsẹra

²¹ Â nyị ọnọrụ ọnya ana aā hị́ Isera ana vị ọnya ini ezi Ijuda. Ozi Ijuda ọsa ọ vị Eri ana vị ada anẹkụra ana aā hị́ Ireka nị. Ọsa ọ vị Iraada, ada anẹkụra ana aā hị́ Imaresa. Evere anị ọ̀ rẹ vị ịrẹsụ eneē hị́ ịta ụ́ba ana ra hí Ịbẹtị Asibeya nị;

²² Ijokimi ọnịrị aza ana ra hi ẹkụra ana aā hị́ Ikozeba, Ijowasi ọnịrị Isarahwi ana nyị ọnẹẹ hụrị Imowabi dị ẹ ra hi Ịbẹtịrẹhẹmị (Aanị a mẹ chẹrẹ ịsa ẹnẹnị tịtẹ hụrị ụmọrụmọ nị).

²³ Aza ẹnẹnị vị ọjụnọkọ, dị ẹ ra Inetayimi ọnịrị Igedera nị. Ẹnịnị vị ana aa mẹ̀ ụkọrọ yị Ohinọyị.

Evere Isimiyọnị

²⁴ Â nyị ọnọrụ ana aā hị́ Isimiyọnị. Ộ ma ezi ọnọrụ ẹẹhị ana aā hị́: Inemuwẹrị, Ijamini, Ijaribi, Ịzẹra, ọnịrị Ịsọọrụ.

²⁵ Ịsọọrụ ộ ma ozi ana aā hị́ Isarumi, dị Imibisami vị aazị anị nị. Imisima ọnị vị ẹmaazị anị.

²⁶ Imisima ọnị ọ rẹ ma ezi ẹnẹnị nị: Ịhamụwẹrị, Izaku, ọnịrị Isimeyi.

²⁷ Isimeyi ộ ma ezi ọnọrụ ẹwụrịhịnọnyị beri ezi anẹẹ ịhịnọnyị; ama anda ẹnịnị ẹ yị vavọọ ma ozi rụrụ, dị evere Isimiyọnị ẹ yị vavọọ yara anka evere Ijuda nị.

²⁸ Pooro dị Idevidi rị ohinọyị, aza Isimiyọnị ẹnẹnị vị ana ra hi ẹkụra ana aā hị́: Ịbẹẹsẹba, Imorada, Ihazari-Isuwari,

²⁹ Ibiriha, Ezemi, Itoradi,

³⁰ Ịbẹtụwẹrị, Ịhọma, Izikiragi,

³¹ Ịbẹtị-Imakaboti, Ihazari-Isusimi, Ịbẹtị-Ibiri, ọnịrị Ịsaarayimi. Avaba ẹkụra ẹnịnị vị ẹẹnịnị pooro dị Idevidi va rị ohinọyị.

³² Â nyị ẹkụra ẹẹhị ọsa ẹnẹ ẹnịnị rẹ ra hi ana aā hị́ Ẹtamị, Ayini, Irimoni, Ịtọkẹnị, ọnịrị Asani

³³ dị ẹnịnị rẹ ra hi ẹkụra eweyi-eweyi ana kara wa huuu na ngụ eyi ụvẹtẹ ịzị ọyị naa ngụ ẹtẹ, ẹkụra ana aā hị́ Ibaarati nị. Â maanị chẹrẹ ẹ tịtẹ, ẹnịnị mẹ̀ yà Ovwoovu-ovwoovu ọnịrị ịzị ẹ ra.

³⁴ Imesobabi, Ijamileki, Ijosa ozi Amaziya

³⁵ Ijowẹrị, Ijehu ozi Ijosibaya, ozi Iseraya ana vị ozi Asiyẹrị.

³⁶ Eriyoyenayi, Ijaakoba, Ijesohaya, ọnịrị Asaya, Adiyẹrị, Ijesimiyẹrị, Ịbẹnaya,

³⁷ Iziza ozi Isihwi, ozi Arọnị, ana vị ozi Ijedaya, ozi Isimiri, ozi Ịsẹmaya.

³⁸ Aza ẹnẹnị ana maanị hị́ aanị vị ohirẹsụ ịrẹsụ ẹnịnị. Dị ovwoovu ẹnịnị nyayịnẹ yárá ẹtẹẹtẹrẹ nị.

³⁹ Ẹnịnị ệ ra zịịzị na ngụ oze ana aā zịị ngụ ẹkụra ana aā hị́ Ịgẹdọ. Dị ẹyaa kụ́ ịsụpa ẹnịnị na rị avị eyi ọnị ọyịị̄ zịị hụrẹẹ vẹ inozi.

⁴⁰ Avị ozoza-ozoza vị ene hi ịzọọ. Ẹtẹ ọnọọ ộ gana ẹtẹẹtẹrẹ dị ọ vị aha hẹẹ nị. Ộ rẹ nyị ẹngwọọrọ ẹtẹẹtẹrẹ. Evere Ịhaamị ẹ vịdị ra ịzọọ nị.

⁴¹ Ụmẹ ọnị Ihezekaya sị vị ohinọyị Ijuda aza ana maanị hị́ ịrẹha aanị sị nọ ẹtẹ Ịgẹdọ dị é wụ́ ajẹngụ aza ene hi ịzọọ nị. Ẹnịnị ệ dụ aza ana vịdị ra ịzọọ, dị ẹnịnị kụkụ ra ịzọọ pooro nị, agụvị ka â nyị avị ozoza-ozoza ịzọọ ọnị ịsụpa ẹnịnị nyẹngụ rị.

⁴² Aza ẹnị akava rị ẹchẹhị hụụ ịrẹsụ Isimiyọnị ệ nọ eyi ịzị ọyịị̄ zịị vẹ ẹkụra ịnị ataba Ịsẹyị ịnị ẹtẹ Anedomi. Aza ẹnẹnị ẹ dọ ọvịdị ẹnịnị nị: Ịpẹratịya, Ineraya, Irehwaya, ọnịrị Uziyẹrị. Iisi ọ vị ada ẹnịnị nị.

⁴³ Avaba Anamarẹkị ana vọ hi ịzọọ vị ẹnẹ ẹnịnị wụ̀ va ha, dị ẹnịnị kụkụ ra ịzọọ hụrị ụmẹ avọọ nị.