1 Ịtọpa 24 - IWE ỌNỊNỊ

Ụkọrọ ana a sị yị ohirẹsụ irehi Ohomorihi nịnị

¹ Aanị a mẹ gà evere ezi Eerọnị ogu-ogu nị Eerọnị ộ ma ezi ọnọrụ ẹẹna. Ịrẹha ẹnịnị ọ rị: Inadavu, Avihu, Eriyaza, ọnịrị Ịtama nị.

² Inadavu ọnịrị Avihu e vịdị sú tụ́ ada ẹnịnị nị. Ẹnịnị ẹ yị ma ozi di e su, agụvị avọọ dị ahịka ẹyịnyara ẹnịnị, Eriyaza ọnịrị Ịtama ẹ vana vị ohirẹsụ Ohomorihi.

³ Ohinọyị Idevidi ộ gà evere Eerọnị ogu-ogu, dị ọ sị ụkọrọ ọzọza yị wa nị. Ịzadọkị ana vị evere Eriyaza, ọnịrị Ahimẹrẹkị ana vị evere Ịtama ẹ gụ Idevidi ụvọ dị ọ zụ ga wa nị.

⁴ Evere Eriyaza vị ana a gà hi oze ẹwụrịhịnọnyị dị a gà evere Ịtama hi oze ịhịnta nị; agụvị ka ịnị ịpa Eriyaza e re anọrụ rụrụ hụrẹ ana vị ohirẹsụ ịrẹsụ-ịrẹsụ nị.

⁵ Ka â nyị aza ini evere Eriyaza ọnịrị ịnị evere Ịtama ana vị ọdọvịdị ọnụkọrọ irehi Ohomorihi, dị ẹnyị vị ọdọvịdị ahẹkẹ; â zama ẹtẹ tụ ọ dị a va ga ụkọrọ yị wa. Evere Eriyaza ọnịrị evere Ịtama vị anaā vẹ tu ẹngụ tu ẹngụ vaa zama ẹtẹ.

⁶ Â nyị ọnọrụ ọnya ana aā hị́ isemaya ozi Inetaneri. Ọnị ọ vị ọchẹrịsa Anireevi nịnị nị. Ọnị ọ chẹrẹ ịrẹha ẹnịnị eyi ohinọyị, ọnịrị ọdọvịdị ana vọ anka: Ịzadọkị ohirẹsụ irehi Ohomorihi, Ahimẹrẹkị ozi Aviyata, ọnịrị ẹnị ohirẹsụ ovwoovu ẹnị ohirẹsụ irehi Ohomorihi nịnị, ọnịrị ovwoovu Anireevi nịnị. Àa sị ovwoovu ọnya hụụ ịdị aza Eriyaza, dị a rẹ sị ọnya hụụ ịdị aza Ịtama.

⁷ Aanị a mẹmẹ nyị wa tụra ẹngụ tụra ẹngụ nị. Ijehoyaribi, Ijedaya

⁸ Iharimi Iseyorimi

⁹ Ịmakija Imijamini

¹⁰ Ihakozi, Abija

¹¹ Ijesuwa, Isekaniya

¹² Eriyasibi, Ijakimi

¹³ Ihupa, Ijesebibi

¹⁴ Ibiriga, Imt

¹⁵ Iheziri, Ihapizeezi

¹⁶ Ipetahiya, Ijehezikeri

¹⁷ Ijakini, Igamuri

¹⁸ Ideraya, Imaazaya

¹⁹ Â chẹrẹ ịrẹha aza ẹnẹnị tịtẹ beri ụkọrọ ana a sị yị wa, ka ẹẹ nọ ini irehi Ohomorihi naa mẹ̀ ụkọrọ ẹnịnị anka ohiku ẹnịnị Eerọnị mẹ vịdị kà a tịtẹ yị wa. Avọọ Ẹnẹyịmavara, Ohomorihi Anisirẹrị mẹmẹ mẹ̀ ẹ ọda yị Eerọnị nị.

Ịrẹha Anireevi nịnị ana a chẹrẹ tịtẹ

²⁰ Aza ẹnẹnị ẹ vị ohirẹsụ ovwoovu-ovwoovu Anireevi nịnị nị. Ijedeya vị ọnya ịnị ezi Amịramị Isubayẹrị ọ ma a nị.

²¹ Â nyị ọnọrụ ana aā hị́ Isiya, ọnya ịnị ezi Irehabiya ọ vị nị.

²² Ijahati vị ọnya ini ezi Aniziha ọnị Iseromoti ma.

²³ Ijeriya, Amarịya, Ijehaziyeri, ọnịrị Ijekameyami vị ezi Ihebirọnị. Ẹ́ mẹmẹ vị ọzọkụ yị ẹngụ a chẹrẹ ịrẹha ẹnịnị aanị nị.

²⁴ Isamiri vị ọnya ini ezi Uziyẹrị, Imika ọ mà a nị.

²⁵ Ịzakaraya rẹ vị ọnya ịnị ezi Uziyẹrị, dị ahịka ọyịnyara Imika ana aā hị́ Isiya ọ ma a nị.

²⁶ Imahiri, Imusi, ọnịrị Ịjaazịya, ẹnị vị ezi Imerari.

²⁷ Ijaaziya ộ ma ezi ọnọrụ ẹẹta ana aā hị́: Isohami, Izaku, ọnịrị Ibiri.

²⁸ Imahiri ộ ma ezi ọnọrụ ẹẹva: Eriyaza ọnịrị Ikisi. Eriyaza ẹ yị ma ozi ọnọrụ vụrụ-vụrụ.

²⁹ Ikisi ọnị ộ ma ozi ọnọrụ ọnya. Ịrẹha anị ọ rị Ijerahimẹẹrị nị.

³⁰ Imusi ộ ma ezi ọnọrụ ẹẹta: Imahiri, Ederi, ọnịrị Ijeremoti. Ovwoovu-ovwoovu Anireevi nịnị yị.

³¹ Ohirẹsụ ovwoovu ikonyi-ikonya ọnịrị ọyịnyara anị ana vị ozweyi ọnya ọ naa zama ẹtẹ ụvị ụkọrọ ẹnịnị nị. Avọọ anda ẹnịnị evere Eerọnị, ẹnị ana vị ohirẹsụ irehi Ohomorihi ẹnị mẹ̀ rẹẹ mẹ nị. Eyi ohinọyị Idevidi ọnịrị Ịzadọkị beri Ahimẹrẹkị ọnịrị azọkụ-azọkụ ovwoovu ohirẹsụ irehi Ohomorihi nịnị ọnịrị ovwoovu Anireevi nịnị ọ vị nị.