1 Ịtọpa 2 - IWE ỌNỊNỊ

Evere Ijuda

¹ Ijekọvụ ana aā hị́ Isirẹrị ộ ma ezi ẹwụrẹva. Ezi anị ẹnẹẹ aā hị́ Irubẹnị, Isimiyọnị, Ireevi, Ijuda, Iisaka, Izeburuni.

² Ịdaanị, Ijosẹẹhụ, Ịbẹnjamịnị, Inahwitari, Igadi, ọnịrị Asịha.

³ Avaba ezi oni Ijuda ma vị ẹẹhị. Ose anị ana aā hị́ Ibatisuwa ộ ma ezi anọrụ ẹẹta yọ ana aā hị́ Eri, Onani, ọnịrị Isehira, ozi anị ana vị ọzọkụ, Eri vị ọza odivi hangụ-hangụ; agụvị avọọ dị Ẹnẹyịmavara wụ̀ ọ ne ta nị.

⁴ Ịtama ana vị ose ozi Ijuda ộ ma ezi ẹẹva yọ ana aā hị́ Ịpẹrẹzị ọnịrị Ịzẹra.

⁵ Ịpẹrẹzị ộ ma ezi ẹẹva ana aā hị́ Ihezironi, ọnịrị Ihamiri.

⁶ Ọyịnyara anị Ịzẹra ộ ma ezi ẹẹhị ana aā hị́ Izimiri, Etanị, Ihemani, Ikarikori, ọnịrị Idarida.

⁷ Ekaanị ozi Ikarimi ana vị ọnya ini ezi Ịzẹra, ộ kụ́ ẹngụkata ve tu Anisirẹrị nịnị, ọ́ mẹ̀ na sị ịnị ịsa ana a sị yị Ohomorihi dị ọ sị na tẹ̀.

⁸ Etanị ộ ma ozi ọnya, ana aā hị́ Azarịya.

Ohiku Ohinọyị Idevidi nịnị

⁹ Ihezironi ộ ma ezi ẹẹta ana aā hị́ Ijerahimẹẹrị, Ịramị, ọnịrị Ịkarẹbị.

¹⁰ Aanị a mẹ̀ yà ovwoovu-ovwoovu hụrị ịrẹsụ Ịramị vaa ngụ Ijeese nị: Ịramị ọ vị ada Aminadabi nị; dị Abinadabi ọnị vị ada Inasoni ana vị ohirẹsụ ezi Ijuda nị.

¹¹ Inasoni ọ vị ada Ịsarịma nị, dị Ịsarịma vị Ibowazị nị.

¹² Ibowazị ọ vị ada Ọbẹdị nị; di Ọbẹdị ọnị ma Ijeese nị.

¹³ Ijeese ọ vị ada Eriyabi ana vị ozi ịpaapa anị nị, Dị Abinadabi vị ozi ụpọhụva anị nị. Isimeya ọ vị ọhụta nị.

¹⁴ Ịnẹtanẹrị ọ vị ọgwọhụna nị, dị Ịradayị tụ́ ọ ọhụhị nị.

¹⁵ Ọzẹmị ọ vị ọgwọhụhịnọnyị ini ozi anị nị, dị Idevidi tụ ọ ịhịmba nị.

¹⁶ Ẹnịnị ệ nyị ẹyịnyara anẹẹ ana aā hị́ Izeruya ọnịrị Abigẹrị. Izeruya ộ ma ezi anọrụ ẹẹta ana aā hị́ Abisayi, Ijowabi ọnịrị Asahẹrị.

¹⁷ Dị Abigẹrị ọnị ma Amasa ana ada anị rị Ijeteri ana vị Anisimẹrị nị.

Evere Ihezironi

¹⁸ Ịkarẹbị ozi Ihezironi ộ nyị ọnẹẹ ọnya. Ịrẹha anị ọ rị Azuba nị. Dị Ịrẹha ada anị rị Ijeriyọtị nị. Ọnẹẹ ọnọnị ộ ma ezi ẹẹta yị Ịkarẹbị. Ịrẹha ẹnịnị ẹ rị Ijeseri, Isobabi, ọnịrị Adoni nị.

¹⁹ Ịjị Azuba wusu, Ịkarẹbị ộ nyị ọnẹẹ ọsa ana aā hị́ Ehwirati. Ẹnịnị ệ ma ozi ọnọrụ ọnya ana aā hị́ Ihuuri,

²⁰ dị Ihuuri ọnị ma ozi ana aā hị́ Uuri nị. Uuri ọ vị ada Ibezareri nị.

²¹ Ịrẹma anị, Ịkarẹbị vị ịrayị ẹbẹẹta dị ọ nyị ọnẹẹ ọnya ana vị ozi Imakiri. Ọnẹẹ ọnọnị vị onyeyiza Igiriyadi. Ẹnịnị ệ ma ozi ọnya ana aā hị́ Isegubi.

²² Isegubi ọ vị ada Ịjarị nị. Ịjarị ọnọnị ộ mẹ̀ ohinọyị tụ ịrẹsụ ẹkụra ẹbanyị-ẹbanyị ohurẹẹta ịnị ẹtẹ Anigiriyadi.

²³ Ama anọrụ ana aā hị́ Ịgẹsịhọ̀ ọnịrị Aramị mẹ vị ohinọyị, ẹnịnị ệ dọ wa ẹkụra ẹbẹẹta ịzọọ; ẹkụra ana aā hị́ Ịjarị ọnịrị Ịkẹnatị, ọnịrị ẹkụra-ẹkụra ana gụrị wa yà ịnị ẹkụra ẹnẹ ẹ vavọọ dọ. Avaba aza ana ra hi ẹkụra ẹnẹẹ vị ezi Imakiri, ada Igiriyadi.

²⁴ Ihezironi mè wusu, Ịkarẹbị ộ nyị Ehwirati osoku ada anị ma Asihuri yị ọ. Asihurị ọnọnị ọ vị ohiku ẹkụra ana aā hị́ Itekowa nị.

Ezi Ijerahimẹẹrị

²⁵ Ijerahimẹẹrị ana vị ozi ọzọkụ Ihezironi ộ ma ezi ọnọrụ ẹẹhị. Ana vị ọzọkụ ọ rị Ịramị nị. Ẹnị ana vọ ẹ vị; Ibuna, Ọrẹnị, Ọzẹmị, ọnịrị Ahija nị.

²⁶ Ijerahimẹẹrị ộ rẹ nyị ọnẹẹ ọsa ana aā hị́ Ataara: ọnị ọ vị ọnyị Onaamị nị.

²⁷ Ịramị ozi ọzọkụ Ijerahimẹẹrị ọ ma ezi ana aā hị́: Ịmaazị, Ijamini, ọnịrị Ekẹrị nị.

²⁸ Onami ọ ma Ịsamayị ọnịrị Ijada nị. Ezi Ịsamayị ẹ vị Inadabi ọnịrị Abisọ nị.

²⁹ Abisọ ộ nyị ọnẹẹ ọnya ana aā hị́ Abiheri. Ộ ma ezi ana aā hị́ Abanị ọnịrị Imoridi yọ.

³⁰ Inadabi ọyịnyara Abisọ ọ ma ezi ana aā hị́ Iseredi ọnịrị Apayimi nị; Iseredi ẹ yị ma ozi di o su.

³¹ Apayimi ọ vị ada Isihi nị; dị Isihi vị ada Isesani nị; dị Isesani ọnị vị ada Ahirayị nị.

³² Ijada, ọyịnyara Isihamayi, ộ ma ezi anọrụ ẹẹva ana aā hị́ Ijeteri ọnịrị Ijonatani, ama Ijeteri ẹ yị ma ozi di o su.

³³ Ijonatani ộ ma ezi anọrụ ẹẹva ana aā hị́, Ịpẹrẹtị ọnịrị Izaza. Avaba ẹnịnị ẹnẹnị vị ezi Ijerahimẹẹrị.

³⁴ Isesani ẹ yị ma ozi ọnọrụ, ozi ọnẹẹ kẹnẹ ọ ma nị. Ộ nyị ozi ahụ ọnya, ana aā hị́ Ịjarịha; Anijipiti ọ vị nị.

³⁵ Isesani ộ sị ozi ọnẹẹ anị ọnya gà a ka ọ̀ nyị ọ. Dị ẹnịnị ma ozi ọnọrụ ọnya ana aā hị́ Atayi nị.

³⁶ Atayi ọ vị ada Ịnatanị nị, dị Ịnatịhanị ọnị ma Ịzabadị nị.

³⁷ Ịzabadị ọ vị ada Ehwirari nị, dị Ehwirari ọnị vị ada Ọbẹdị nị.

³⁸ Ọbẹdị ọ vị ada Ijehu nị, dị Ijehu vị ada Azariya nị.

³⁹ Azariya ọ ma Iherezi nị, dị Iherezi ọnị ma Eriisa nị.

⁴⁰ Eriisa ọ vị ada Isisimayi nị; dị Isisimayi ọnị vị ada Isarumi nị.

⁴¹ Isarumi ọ vị ada Ijekamiya nị; dị Ijekamịya ọnị vị ada Erisama nị.

⁴² Ozi ịpaapa Ịkarẹbị, ọyịnyara Ijerahimẹẹrị ọ vị Imaresa nị. Ọnị ọ vị ada Izihwi nị. Imaresa ọ ma Ihebirọnị nị.

⁴³ Ihebirọnị ọ ma ezi ana aā hị́: Ikora, Itapuwa, Ịrẹkẹmị, ọnịrị Ịsẹma nị.

⁴⁴ Ịsẹma ọ vị ada Ịrahamị nị; dị Ịrahamị vị ada Ịjọrịkẹyamị nị: Ịrẹkẹmị ọ vị ada Isamayi nị.

⁴⁵ Isamayị ọ ma ozi ana aā hị́ Imawoni nị; dị Imawoni vị ada Ịbẹtịzọ nị.

⁴⁶ Ịkarẹbị ộ nyị onyeehi ana aā hị́ Ehwahi. Ộ ma ezi ọnọrụ ẹẹta yọ ana aā hị́: Ịharanị, Imoza, ọnịrị Igazezi. Ịharanị ọnị ọ rẹ ma ozi ana aā hị́ Igazezi.

⁴⁷ Â nyị ọnọrụ ana aā hị́ Ijahidayi ộ ma ezi ọnọrụ ịhịnọnyị. Ezi ẹnẹẹ ẹ rị Iregemi, Ijotami, Igesanị, Ịpẹrẹtị, Ehwahi ọnịrị Isaahwi nị.

⁴⁸ Ịkarẹbị ộ rẹ nyị onyeehi ọsa ana aā hị́ Imaaka. Ộ ma ezi ọnọrụ ẹẹva yọ ana aā hị́ Ịsẹbẹrị ọnịrị Itirihana.

⁴⁹ Ộ vana rẹ ma ezi ọnọrụ ẹẹva. Ọnyara ọ rị Isaahwi nị. Ọnị ọ vị ọnịpaapa na rá ẹkụra ana aā hị́ Ịmakịbẹna nị; dị ọsa ọnị rị Ịsẹva nị. Ọnị ọ vị ọnịpaapa ana ra ẹkụra ana aā hị́ Ịmachịbẹna ọnịrị Igibeya nị. Ịkarẹbị ộ ma ozi ọnẹẹ ọnya vaka wa, ana aā hị́ Akịsa.

⁵⁰ Ezi Ịkarẹbị ẹ vị ẹnẹnị nị. Ihuuri ọ ọ vị ozi ọzọkụ Ịkarẹbị ọnịrị ose anị Ehwirati nị. Ozi Ihuuri ọ ana aā hị́ Isobari ọ vị ọnịpaapa na ra ẹkụra ana aā hị́ Ikiriyati-Ijeyarimi nị.

⁵¹ Ozi ụpọhụva anị Ịsarịma, ọ vị ọnịpaapa na ra ẹtẹ Ịbẹtịrẹhẹmị nị, dị ozi ụpọhụta anị, Ịharẹhwị vị ọnịpaapa na ra ẹtẹ Ịbẹtịrẹhẹmị nị, dị ozi ụpọhụta anị, Ịharẹhwị vị ọnịpaapa na ra ẹtẹ Ịbẹtị-Ịgada nị.

⁵² Isobari ana vịdị na ra Ikiriyati-Ijeyarimi aanị, ọ vị ohiku Aniharoye nị. Ẹnị ẹ vị achẹva aza ana ra hi Imenutoti nị.

⁵³ Ọnị ọ rẹ vị ohiku ịrẹsụ ẹnẹnị ana ra hị́ Ikiriyati-Ijeyarimi nị: Anitiri, Aniputihi, Anisumati, Animisirayi nịnị ịzị Anizora ọnịrị Anesịtawọrị chị hụrẹ.

⁵⁴ Ịsarịma ana dà Ịbẹtịrẹhẹmị ọ vị ohiku Aninetohwa, Anatịrọtị Ịbẹtị Ijowabi ọnịrị achẹva Animanahati ne beri Anizori.

⁵⁵ Ịsarịma ọ rẹ vị ohiku ẹnị anịrẹsụ ana vị ọchẹrịsa ana ra Ijabẹzị nị. Ẹnịnị ẹ vị Anitirati, Anisimiti, ọnịrị Anisukati nịnị nị. Avaba ẹnịnị vị evere Ihamati ada Anikeni ana ohiku Irekabi.