Malaki 4 - AHYERƐLƐ KRONGRON

AWURADE kyẽa ne

¹ Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

² Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

³ Na ɛmɔkotiatia bɔnefoɛ mɔ so; ofikyɛ kyẽa bɔ ngɔyɔ sɔ ne, bɛkɔyɛ nzoen wɔ ɛmɔ gya bo, Asafo AWURADE noa dwirɛ ɛne.

Kɔkɔbɔlɛ ne bɔhyɛlɛ

⁴ “Me somvoɛ Mose mmeraa, nhyehyɛleɛ ne ahyɛdeɛ bɔ nhyɛle ye wɔ Horebo mva mane Yisrael amukoraa ne, odi kyɛ ɛmɔkaye.

⁵ Ɛ́mɔtie, ngɔsoma ngɔmhyɛlɛniɛ Elia wɔ ɛmɔ berɛ koraka né AWURADE kyẽa piri bɔ ɔyɛ suro ne wawa.

⁶ Na ɔkɔma mmaa mɔ bɛkɔla seɛ mɔ b’ahone nwo, ná seɛ mɔ koso bala mmaa mɔ b’ahone nwo, amaa ɔnate so mamma mambrapra ɛnomalɛ mangua aseɛ ne aso.”