Ɛsra 2 - AHYERƐLƐ KRONGRON

Mmenia bɔ besa bɛwale ne

¹ Mmenia bɔ Babilɔn hene Nebukadenesa hyele bɛ nnure hɔle Babilɔn nen, bɔ befili mbɔtam berɛ besa bɛhɔle Yerusalem ne bɛ nguro nemɔ aso wɔ Yuda nen, bɛ ɛhe.

² Mmenia hemɔ yeɛ belili bɛ nyunu bɛfale bɛ bɛwale ɔ: Serubabɛl, Yesua, Nehemia, Seraya, Reelaya, Modekae, Bilsan, Misepare, Bigiwae, Rehum, yeɛ Baana. Yisrael mmienzua bɔ befili nnurehyelɛ nu bɛwale ne, bɛ somaa ɛhe:

³ Parose boso ama, bɛte apee nyɔ ɛyaa ko ne aburasoo ne nyɔ;

⁴ Sefatia boso ama, bɛte ɛyaa nza ne aburasoo ne nyɔ;

⁵ Ara boso ama, bɛte ɛyaa nzoo aburasoo ne nnu;

⁶ Pahate Moabo boso ama bɔ bɛte Yesua ne Yoabo boso ama ne, bɛte apee nyɔ ɛyaa mmɔtwɛ ne buru ne nyɔ;

⁷ Elam boso ama, bɛte apee ko ɛyaa nyɔ ne aburannu ne nna;

⁸ Satu boso ama, bɛte ɛyaa ngona aburanna ne nnu;

⁹ Sakae boso ama, bɛte ɛyaa nzoo ne aburasia;

¹⁰ Bani boso ama, bɛte ɛyaa nzia ne aburanna ne nyɔ;

¹¹ Bebae boso ama, bɛte ɛyaa nzia ne aburanyɔ ne nza;

¹² Asegade boso ama, bɛte apee ko ɛyaa nyɔ ne aburanyɔ ne nyɔ;

¹³ Adonikam boso ama, bɛte ɛyaa nzia aburasia ne nzia;

¹⁴ Bigiwae boso ama, bɛte apee nyɔ aburannu ne nzia;

¹⁵ Adin boso ama, bɛte ɛyaa nna aburannu ne nna;

¹⁶ Atɛ boso ama, bɔ bɛte Hesekia boso ama ne, bɛte aburahona ne mmɔtwɛ;

¹⁷ Besae boso ama, bɛte ɛyaa nza aburanyɔ ne nza;

¹⁸ Yora boso ama, bɛte ɛyaa ko buru ne nyɔ;

¹⁹ Hasum boso ama, bɛte ɛyaa nyɔ aburanyɔ ne nza;

²⁰ Gibare boso ama, bɛte aburahona ne nnu.

²¹ Afei koso, bɛ bɔ bɛ si fi nguro hemɔ aso ne, bɛ somaa ɛhe: Betlehem: ɛyaa ko aburanyɔ ne nza;

²² Netofa: aburannu ne nzia;

²³ Anatote: ɛyaa ko aburanyɔ ne mmɔtwɛ;

²⁴ Asimawete: aburanna ne nyɔ;

²⁵ Kiriatarim, Kefira ne Beerote: ɛyaa nzoo aburanna ne nza;

²⁶ Rama ne Geba: bɛte ɛyaa nzia aburanyɔ ne ko;

²⁷ Mikimase: ɛyaa ko aburanyɔ ne nyɔ;

²⁸ Betel ne Aye: ɛyaa nyɔ aburanyɔ ne nza;

²⁹ Nebo: aburannu ne nyɔ;

³⁰ Magibisi: ɛyaa ko aburannu ne nzia;

³¹ Elam ko ne: apee ko ɛyaa nyɔ ne aburannu ne nna;

³² Harim: ɛyaa nza ne aburanyɔ;

³³ Lode, Hadidi ne Ono: ɛyaa nzoo aburanyɔ ne nnu;

³⁴ Yeriko: ɛyaa nza aburanna ne nnu;

³⁵ Senaa: apee nza ɛyaa nzia ne aburasa.

³⁶ Asɔfo nemɔ: Yedaya boso ama bɔ bɛte Yesua awuro ama ne: bɛte ɛyaa ngona aburasoo ne nza;

³⁷ Yimere boso ama: bɛte apee ko aburannu ne nyɔ;

³⁸ Pasure boso ama: bɛte apee ko ɛyaa nyɔ aburanna ne nzoo;

³⁹ Harim boso ama: bɛte apee ko buru ne nzoo.

⁴⁰ Lewifoɛ mɔ: Yesua ne Kadimiɛl bɛ boso ama bɔ bɛte Hodawia awuro ama ne: bɛte aburasoo ne nna.

⁴¹ Edweintolɛfoɛ mɔ: Asafe boso ama: bɛte ɛyaa ko aburanyɔ ne mmɔtwɛ.

⁴² Anoa awɛmvoɛ mɔ: Bɛte mmenia hemɔ bɛ boso ama: Salum, Atɛ, Talmon, Akubo, Hatita, yeɛ Sobae. Bɛ mu bɛte ɛyaa ko aburasa ne ngona.

⁴³ Asɔneyɛɛ sua nu somvoɛ mɔ: Bɛte mmenia hemɔ bɛ boso ama: Siha, Hasufa, Tabayote,

⁴⁴ Kerose, Siaha, Padon,

⁴⁵ Lebana, Hagaba, Akubo,

⁴⁶ Hagabo, Salmae, Hanan,

⁴⁷ Gidel, Gahare, Reaya,

⁴⁸ Resin, Nekoda, Gasam,

⁴⁹ Yusa, Pasea, Besae,

⁵⁰ Asena, Meyunim, Nefisim,

⁵¹ Bakebuke, Hakufa, Hahure,

⁵² Basulute, Mehida, Hasa,

⁵³ Bakose, Sisera, Tema,

⁵⁴ Nesia ne Hatifa.

⁵⁵ Solomon somvoɛ nemɔ bɛ boso ama. Bɛ ole: Sotae, Hasoferete, Peruda,

⁵⁶ Yaala, Dakon, Gidel,

⁵⁷ Sefatia, Hatile, Pokerete Hasebaim, yeɛ Ami.

⁵⁸ Asɔneyɛɛ sua nu somvoɛ amukoraa, bɛ ne Solomon somvoɛ nemɔ bɛ boso ama mɔ, bɛte ɛyaa nza aburahona ne nyɔ.

⁵⁹ Mmeni kure hemɔ befili Tel Mela, Tel Hasa, Kɛrubo, Adan ne Yimere bɛwale, nakoso bangora bangyire bɛ si: bangora bangyire abusua bɔ befi nu ɔ, yeɛ bangora bangyire kyɛ bɛte Yisraelfoɛ.

⁶⁰ Bɛte mmenia hemɔ bɛ bosofoɛ: Delaya, Tobia ne Nekoda. Bɛ somaa te ɛyaa nzia aburannu ne nyɔ.

⁶¹ Ebiemɔ koso bɛte asɔfo mɔ bɛ bosofoɛ: bɛ ole Habaya, Hakose, yeɛ Basilae (bɔ ogyale Gileadeniɛ Basilae ye mma mmrasua nemɔ nu ko, bɔ ɔnate so onyane sɔ dumaa nen).

⁶² Sɔ mmenia nemɔ penane bɛ dumaa wɔ mmusua ngrataa nemɔ anu, nakoso né bɛ dumaa nne nu. Ye sɔ ne ati, bebuli bɛ kyɛ bɛ nwo nde, na bɛyele bɛ befili sɔfolilɛ adwuma ne anu.

⁶³ Na amrado ne sele bɛ kyɛ nnɛmaa bedi aleɛ krongron paa ne bie, kɔpem kyɛ ɔsɔfo bie kɔfa Yurim ne Tumim kobisa (konwu bɔ Nyameɛ kã fa bɛ nwo) ɔ.

⁶⁴ Mmenia ne amukoraati bɔ besa bɛwale Yuda ne, bɛte apee aburanna ne nyɔ ɛyaa nza ne aburasia,

⁶⁵ asora bɛ ngoaa ne b’afaneɛ mɔ bɔ bɛ somaa te apee nzoo ɛyaa nza aburasa ne nzoo. Né besa bele mmienzua edweintolɛfoɛ ne mmrasua edweintolɛfoɛ ɛyaa nyɔ.

⁶⁶ Né bele mbɔngɔ ɛyaa nzoo aburasa ne nzia, afunum mbiri ɛyaa nyɔ aburanna ne nnu,

⁶⁷ afupɔngɔ ɛyaa nna aburasa ne nnu, yeɛ afunum apee nzia ɛyaa nzoo ne aburanyɔ.

⁶⁸ Mmenia bɔ befili nnurehyelɛ nu bɛwale ne, beedwuli AWURADE awuro berɛ wɔ Yerusalem pɛ, mmusua mbanyi ne biemɔ bɔle akyɛdeɛ afɔleɛ kyɛ bɛfa besi Nyameɛ awuro ne besie ye boso.

⁶⁹ Bɛyele bɔ bɛ sa kɔsõ so ɔ bɛfa bɛbɔle awuro ne silɛ nwo fotoɛ. Benyane sikaa kɔkorɛ kilo ɛyaa nnu, ɛdwetɛ kilo apee nza, yeɛ asɔfo ndaadeɛ ɛyaa ko.

⁷⁰ Afei asɔfo nemɔ, Lewifoɛ ne mmenia ne biemɔ bɛtenatenane Yerusalem ne ye nwo nguro nemɔ aso. Afei edweintolɛfoɛ ne anoa awɛmvoɛ ne asɔneyɛɛ sua nu somvoɛ nemɔ koso bɛɛtenatenane bɛ nguro nemɔ aso, na Yisraelfoɛ ngaa ne amukoraa bɛɛtenatenane bɛ nguro nemɔ aso.